അച്ചായൻ പറഞ്ഞ കഥ കർമ്മ ഫലം 5 [ഏകൻ] 87

 

“നീ എന്ത് ചോദ്യം ആണ് ചോദിക്കുന്നെ.? കണ്ടാൽ അറിയില്ലേ കെട്ട്യോനും കെട്ട്യോളും ആണെന്ന്……

നമ്മുടെ വൈദ്യരെ കാണാൻ ആയിരിക്കും.. എത്ര എത്ര പേരാ വൈദ്യരെ കാണാൻ വന്നു കാത്തു നിൽകുന്നെ. ” വേറൊരാൾ പറഞ്ഞു.

 

കൂടുതൽ ചോദ്യം ഒഴിവാക്കാൻ ജോപ്പൻ അത് സമ്മതിച്ചു..

 

“ഇവിടെ താമസിക്കാൻ ഹോട്ടൽ ഏതെങ്കിലും കിട്ടുമോ?”

ജോപ്പൻ ചോദിച്ചു .

 

“ഇവിടെയോ നല്ല കഥ ആയി.. ഇവിടെ നിന്നും ഒരു രണ്ട് കിലോമീറ്റർ

അപ്പുറം ഒരു പാലം കാണാം.

ആ പാലം കടന്നൽ ഏതാ സ്ഥലം എന്നറിയാമോ? അതാണ്. ചെകുത്താൻ പാറക്കുന്നു. അവിടേക്ക് ആരും പോകാറില്ല..

എവിടെയാ ഈ വൈദ്യൻ താമസിക്കുന്നത്..

 

നിങ്ങൾ കുറച്ചു കൂടെ പോയാൽ ഒരു വയൽ കാണാം അവിടെ ഒരു വീട് ഉണ്ട് താമസിക്കാൻ ഇടം കിട്ടും. ഞാൻ പറഞ്ഞെന്ന് പറഞ്ഞാൽ മതി.”

 

“അതിന് ഇവർക്ക് വഴി അറിയാമോ? വാ ഞാൻ കാണിച്ചു തരാം. ” മറ്റെയാൾ പറഞ്ഞു.

 

അങ്ങനെ അയാളെയും കൂടി അവർ പോയി…

 

ആ വയലിനു അടുത്ത് എത്തിയ ഉടനെ അയാൾ പറഞ്ഞു.. ”

 

“അതാ വീട്.. വാ ഞാൻ പരിചയപെടുത്താം..”

 

അങ്ങനെ അവർ വീടിനു മുന്നിൽ എത്തി

 

“ഗ്രേസി ചേച്ച്യേ … ഗ്രേസി ചേച്ചി.”

 

അമ്പതിനോട് അടുത്ത പ്രായം വരുന്ന ഒരു സ്ത്രീ പുറത്ത് വന്നു.

 

“ഗ്രേസി ചേച്ചി. ഇവരെ!!…. നമ്മുടെ വൈദ്യനെ കാണാൻ വന്നതാ .. ചേച്ചി ഇവരെ കുറച്ചു ദിവസം താമസിപ്പിക്കണം..”

 

“ആരാ എവിടുന്നാ.”

 

“ഇവര് കുറച്ചു ദൂരെന്ന കെട്ട്യോനും കെട്ട്യോളും . കല്യാണം കഴിഞ്ഞു കുറച്ചായി. ഇതുവരെ കുട്ടികൾ ഒന്നും ആയിട്ടില്ല . ആരൊക്കെയോ പറഞ്ഞറിഞ്ഞു നമ്മുടെ വൈദ്യനെ കാണാൻ വന്നതാ…”