അവർ അകത്തേക്ക് കയറാൻ തുടങ്ങുമ്പോൾ അവൻ തടഞ്ഞു നിർത്തിക്കൊണ്ട് പറഞ്ഞു, “പ്രീതി, നീ അവിടെ ഇരിക്കുന്ന സാധനങ്ങളൊന്നും വെറുതെ കേടുവരുത്തരുത്. ആ ഇരിക്കുന്നത് വിലകൂടിയ Sandal സോപ്പാണ്. പിന്നെ അവിടുത്തെ ഷവറും പൈപ്പും ഒക്കെ വളരെ വിലകൂടിയ ഐറ്റംസ് ആണ്. അതൊന്നും നിനക്ക് ഉപയോഗിക്കാൻ അറിയില്ലായിരിക്കും. വലിച്ചു പിടിച്ചു നീ അതൊക്കെ പൊട്ടിക്കുമോ എന്നാണെന്റെ പേടി.”
ശ്രീനാഥിന്റെ ആ വാക്കുകൾ പ്രീതിയുടെയും ലതികയുടെയും ഉള്ളിൽ തുളച്ചു കയറി. ഒരു നിമിഷം കൊണ്ട് അവൻ തങ്ങളെ വെറും അപരിചിതരായ വേലക്കാരെപ്പോലെ മാറ്റിനിർത്തിയത് അവർക്ക് സഹിക്കാനായില്ല. അല്പം മുൻപ് വരെ കെട്ടിപ്പിടിക്കുകയും സ്നേഹത്തോടെ ഉമ്മ വെക്കുകയും ചെയ്ത അതേ മനുഷ്യനാണോ ഇപ്പോൾ ഇങ്ങനെയൊക്കെ സംസാരിക്കുന്നത്?
ലതികയുടെ കണ്ണുകൾ നിറഞ്ഞു. അവളുടെ ചുണ്ടുകൾ വിറച്ചു. “സാറേ… ഞങ്ങൾ… ഞങ്ങൾ സൂക്ഷിച്ചോളാം,” അവൾ കഷ്ടപ്പെട്ട് പറഞ്ഞു.
പ്രീതിയുടെ അവസ്ഥ അതിലും ദയനീയമായിരുന്നു. കണ്ണീർ തുള്ളികൾ അവളുടെ കവിളിലൂടെ ഒലിച്ചിറങ്ങി. ചന്ദനക്കുറി തൊട്ടപ്പോൾ അനുഭവിച്ച ആ വലിയ പ്രതീക്ഷകളെല്ലാം ഒരു നിമിഷം കൊണ്ട് തകർന്നു പോയി. തന്നെ സ്നേഹിക്കുന്ന സാറല്ല, മറിച്ച് തന്റെ ദാരിദ്ര്യത്തെ പരിഹസിക്കുന്ന ഒരു ഉടമസ്ഥനാണ് മുന്നിൽ നിൽക്കുന്നതെന്ന് അവൾക്ക് തോന്നി.
പ്രീതി തന്റെ സങ്കടം പുറത്തു കാണിക്കാതിരിക്കാൻ മുഖം തിരിച്ചുപിടിച്ചു നിന്നു. തങ്ങളെ പരിഹസിച്ച സാറിനെ നോക്കാൻ അവൾക്ക് തോന്നിയില്ല. എന്നാൽ ലതിക ദയനീയമായി ശ്രീനാഥിനെ നോക്കിയപ്പോൾ കണ്ടത് തികച്ചും വ്യത്യസ്തമായ ഒരു കാഴ്ചയാണ്.
നനവാർന്ന സ്വപ്നങ്ങൾ ഭാഗം 11 എവിടെ. ഇപ്പൊ പുതിയ കഥ 3 rd ഭാഗം വരെ എത്തിയിരിക്കുന്നു. എന്നിട്ടും അത് കാണുന്നില്ലല്ലോ. ശനിയാഴ്ച എങ്കിലും അടുത്ത ഭാഗം കിട്ടുമോ
polichu bro,,, kidu saanam🔥