ചന്ദ്രകാന്തം [അണലി] 2122

ഇവൾ നിനക്കു മറ്റെന്തിലും പ്രിയങ്കരം, നിന്റെ സ്വന്തം പെണ്ണ്….

അടുത്ത ദിവസം എന്റെ തോളിൽ തട്ടിയെന്നെ എഴുന്നേൽപ്പിച്ചതു ചേച്ചിയാണ്. കണ്ണു തുറന്നപ്പോൾ കണ്ടതു ഞാൻ വാങ്ങി കൊടുത്ത വെള്ളയിൽ ‘live free’ എന്ന തിളങ്ങുന്ന വാചകമുള്ള ബനിയനും, ആകാശ നീല ഷഡിയുമിട്ടു എനിക്കു നേരെ ചായ ഗ്ലാസ്സ് നീട്ടി നിൽക്കുന്ന ചേച്ചിയെയാണ്. കുളിയിൽ നനഞ്ഞ മുടി കഴുത്തിനു ഇരു വശത്തേക്കും നീട്ടിയിട്ടിരിക്കുന്ന ചേച്ചിയുടെ കൈയിൽ നിന്നും ഇടം കൈയിൽ ചായ ഗ്ലാസ്സ് വാങ്ങി, വലം കൈയിൽ ചേച്ചിയുടെ കൈ പിടിച്ചു എന്റെ ചുണ്ടിനോടു അടുപ്പിച്ചൊരു മുത്തം ആ കൈയിൽ കൊടുത്തു. കണ്ണിന്റെ പുരികം ചുളിച്ചു തല വെട്ടിച്ചു കാര്യം തിരക്കിയ ചേച്ചിയോടു കണ്ണുകൾ അടച്ചു ഒന്നുമില്ലാ എന്ന് ഞാൻ ആംഗ്യ ഭാസയിൽ തന്നെ മറുപടി പറഞ്ഞു. എന്റെ കവിളൊന്നു വിരലുകൾ കൊണ്ടു വലിച്ചു വിട്ടിട്ടു ചേച്ചി റൂമിൽ നിന്നും ഇറങ്ങി പോയി.

അന്ന്‌ പ്രഭാതഭക്ഷണം കഴിച്ചിട്ടു സോഫയിൽ ഇരുന്ന എന്റെ അടുത്തു വന്നു ഇരുന്നിട്ടു ചേച്ചി ചോദിച്ചു,

ടാ ഇപ്പോൾ നിന്റെ വേദന മാറിയോ..

മ്മ്, മാറി ചേച്ചി..

നീ കടയിൽ പോയി ഉച്ചക്കു കഴിക്കാൻ എന്തേലും വാങ്ങി വരുമോ..

എന്തു വാങ്ങണം..

കഴിക്കാൻ എന്തേലും, നിനക്കു ഇഷ്ടമുള്ളതു..

എനിക്കു അങ്ങനെയൊന്നുമില്ല, ചേച്ചിക്കു ഇഷ്ടമുള്ളതു പറ..

പിസ്സ വാങ്ങുവോ, ഞാൻ അതു കഴിച്ചിട്ടില്ല..

മ്മ്, വാങ്ങാം.. പറഞ്ഞു ഞാൻ പോയി പിസ്സ വാങ്ങി വന്നു. ചേച്ചി സോഫയിൽ ഇരിക്കുന്നതാണ് ഞാൻ കണ്ടതു.

ബോറടിക്കുന്നുണ്ടോ ചേച്ചിക്കു..