ചതികുഴികൾ [Mallu Story Teller] 267

“എടീ …. നീ വണ്ടി സൈഡിൽ വെക്ക് , ഇത് ഞാൻ നോക്കാം “ രമ്യ ഇത് പറഞ്ഞ് പുറത്ത് തട്ടിയപ്പോൾ ആണ് ഫർസാന ഞെട്ടലിൽ നിന്ന് പുറത്ത് വന്നത്. വണ്ടി പാർക്ക് ചെയ്തു കൊണ്ട് ഇരുന്ന അവർക്ക് നേരെ അവർ ഇടിച്ചിട്ട ചെറുപ്പക്കാരൻ പാഞ്ഞടുത്തു.

“എടീ നാറി നിനക്കൊന്നും കണ്ണില്ലേ ….” അയാൾ ഫർസാനയുടെ നേരെ ദേഷ്യത്തോടെ ആക്രോശിച്ചു. അയാളുടെ കൈ മുട്ടിൽ നിന്നും ചോര പൊടിയുന്നുണ്ടായിരുന്നു. കലങ്ങിയ കണ്ണുകളുമായി പേടിച്ച് പോയ അവൾ രമ്യയുടെ പിറകിൽ മറഞ്ഞ് നിന്നു. അപ്പോഴേക്കും ആളുകൾ എല്ലാം ഓടി കൂടിയിരുന്നു.

“താൻ എന്തിനാ അവളോട് ചൂടാവുന്നേ … തനിക്ക് കണ്ടുടെ വണ്ടി വരുന്നത്? ഇങ്ങനെ അലറാൻ മാത്രം തനിക്ക് ഒന്നും പറ്റിയില്ലല്ലോ? രമ്യ അയാൾക്ക് നേരെ തട്ടി കയറാൻ തുടങ്ങി. ഫർസാന അവളുടെ കൈ പിടിച്ചു പിറകിലേക്ക് വലിച്ചു കൊണ്ടിരുന്നു.

“ അവളുടെ അഹങ്കാരം കണ്ടില്ലേ …. ആളെ ഇടിച്ച് കൊല്ലാൻ നോക്കിയിട്ട് . “

“ പെണ്ണായി പോയി, അലെങ്കിൽ അടിച്ച് മുഖം കലക്കിയേനെ …..” കൂടി നിന്നവർ ഒച്ച കൂട്ടാൻ തുടങ്ങി.

“ആരെ കൊല്ലാൻ നോക്കി? ദേ അനാവശ്യം പറഞ്ഞാൽ ഉണ്ടല്ലോ?….” രമ്യ ആൾക്കൂട്ടത്തിന് നേരെ തിരിഞ്ഞു.

“ചേട്ടന്മാരെ പ്രശ്നം ഉണ്ടാക്കണ്ട, ഞാൻ ഡീൽ ചെയ്യാം, ശെരിയാണ് എനിക്ക് ഒന്നും പറ്റിയില്ല , പക്ഷേ ആ കിടക്കുന്ന സാധനങ്ങൾക്ക് എനിക്ക് നഷ്ട്ട പരിഹാരം വേണം. 80000 രൂപയുടെ മുതൽ ആണ് …നിന്റെ ലൈസൻസ് എടുക്ക് “

റോഡിലേക്ക് അയാൾ വീണിടത്തേക്ക് നോക്കിയ രമ്യയുടെ കിളി പോയി. നല്ല മുന്തിയ ഇനം ഒരു DSLR ക്യാമറ ചിന്നി ചിതറി കിടക്കുന്നു. കാര്യങ്ങൾ കൈവിട്ട് പോവുകയാണെന്ന് അവൾക്ക് ബോധ്യമായി തുടങ്ങി. ആളുകൾ പതിയെ പോയി തുടങ്ങി.തർക്കിച്ച് നോക്കിയെങ്കിലും തെറ്റ് അവരുടെ ഭാഗത്ത് ആയതിനാൽ അവസാനം പൈസെ കൊടുത്ത് സെറ്റിൽ ചെയ്യാം എന്നായി.

“ചേട്ടാ…. ഒന്ന് അഡ്ജസ്റ്റ് ചെയ്യ് … കുറച്ച് കുറച്ച് പറയ്… പാവപ്പെട്ട വീട്ടിലെ കുട്ടികൾ ആണ്….പ്ലീസ്… “ ഫർസാന കെഞ്ചി പറഞ്ഞു.