🎪കൊച്ചിൻ കാർണിവൽ 2 [Harry Potter] 938

“സർ….

“എടൊ.. എനിക്കൊന്നും ചെയ്യാനില്ല. എനിക്കെന്നല്ല ആർക്കും. നമ്മുടെ കൈയിൽ നിൽക്കുന്ന കാര്യങ്ങൾ അല്ലല്ലോ. അഹ്. എന്തായാലും ഇന്നിനി അവരുടെ മുൻപിൽ ചെന്ന് കേറാൻ നിൽക്കണ്ട.”ഇത്രയും പറഞ്ഞു മുരളി സർ പോയി.

മാഡത്തിനെ എങ്ങനെ ഫേസ് ചെയ്യുമെന്നറിയാതെ ഞാൻ ക്യാബിനിലേക്ക് തന്നെ പോയി. കുറച്ചു സമയം കഴിഞ്ഞു മാഡം ഓഫീസിൽ നിന്നിറങ്ങി വെളിയിലേക്ക് പോയി..പോകും വഴി മാഡം എന്നെ ഒന്ന് കലിപ്പിച്ചു നോക്കി, ഞാൻ നിസ്സഹായനായി തല താഴ്ത്തി ഇരുന്നു. മാഡം പിന്നെ ഓഫീസിലേക്ക് വന്നില്ല, എന്റെ ഭാഗ്യം. ഞാൻ കുറച്ചുകൂടി ജോലിയിൽ ഫോകാസ്ഡ് ആകണം 🤧.

തിരിച്ചു വീട്ടിൽ എത്തിയ ശേഷം അനിയണ്ണനെ വിളിച്ചു കാര്യം പറഞ്ഞു. കൂൾ ആകാൻ പറഞ്ഞു അണ്ണനെന്നെ ആശ്വസിപ്പിച്ചു.2-3 ദിവസം കഴിഞ്ഞേ ആശാൻ നാട്ടിലേക്ക് വരുകയുള്ളു .

രാത്രിയായപ്പോൾ ഒരു മോഹം തോന്നി. രണ്ടെണ്ണം അടിച്ചാലോ എന്ന്. രണ്ടെണ്ണം അകത്തേക്ക് ചെന്നാൽ ഇന്നുണ്ടായ ക്ഷീണം ഒക്കെയങ്‌ മാറിയേനെ.പിന്നൊന്നും നോക്കിയില്ല ഗൂഗിൾ മാപ്പ് എടുത്തു അടുത്തുള്ള ബാർ നോക്കി. ഒരു 2 km ദൂരെ വലിയൊരു bar ലൊക്കേഷൻ കാണിക്കുന്നുണ്ട്. അനിയണ്ണന്റെ ബൈക്ക് എടുക്കാമെന്ന് കരുതിയതാ, പക്ഷെ പിന്നീട് വേണ്ട എന്ന് കരുതി. രാത്രിയിനി വെള്ളമടിച്ചു ഒട്ടിച്ചു വല്ല തട്ടലോ മുട്ടലോ ഉണ്ടായാൽ ശരിയാകില്ല.അതിനാൽ അടുത്തുള്ള ഓട്ടോ സ്റ്റാൻഡിൽ നിന്ന് ഓട്ടോ പിടിച്ചു അങ്ങോട്ടേക്ക് പോയി. അധികം അടിക്കാനൊന്നും നിന്നില്ല, രണ്ടേ രണ്ട് പെഗ്. 5 മിനിറ്റിൽ കാര്യവും കഴിഞ്ഞു ഞാനിറങ്ങി. തിരിച്ചു ഓട്ടോ പിടിക്കാമെന്ന് കരുതിയെങ്കിലും അല്പദൂരം നടന്നിട്ട് വിളിക്കാമെന്ന് കരുതി.കാറ്റും കൊണ്ട് പാട്ടും പാടി ഞാൻ നടന്നു വന്നപ്പോഴാണ് ഒരു കാർ പോസ്റ്റിലേക്ക് തട്ടി തട്ടിയില്ല എന്ന മട്ടിൽ കിടക്കുന്നത് കണ്ടത്. ആ സൈഡിൽ ലൈറ്റ് ഇല്ലാത്തതിനാൽ അടുത്തേക്ക് വന്നാൽ മാത്രമേ ആ വണ്ടിയുടെ കിടപ്പ് കാണാൻ കഴിയുകയുള്ളു. വലിയ തിരക്ക് ഇല്ലത്ത റോഡ് കൂടിയായിരുന്നു അത്. കണ്ടിട്ട് തന്നെ എനിക്കെന്തോ വശപ്പിശക് തോന്നി.. ഇനി വല്ല ആക്സിഡന്റ്റും ആയിരിക്കോ..? രണ്ടും കല്പ്പിച്ചു ഞാൻ വണ്ടിയുടെ അടുത്തേക്ക് പോയി. വണ്ടിയുടെ ഹെഡ് ലൈറ്റ് ഇപ്പോഴും കത്തി കിടക്കുകയാണ്. ഞാൻ കാറിനു അടുത്തേക്ക് കുറച്ചുകൂടി ചെന്നു. പുതിയ മോഡൽ ബ്ലാക്ക് fortuner ആണ് കിടക്കുന്നത്. ഡ്രൈവിംഗ് സീറ്റിനടുത് ചെന്ന് ഞാൻ മൊബൈൽ ഫ്ലാഷ് ഓൺ ആക്കി അകത്തേക്ക് വെട്ടം അടിച്ചു. അല്പം പണിപ്പെട്ടു ആണെങ്കിലും സീറ്റിൽ അവശതയോടെ ചാരി കിടന്ന ഡ്രൈവറുടെ മുഖം ഞാൻ കണ്ടു.