?കൊച്ചിൻ കാർണിവൽ 7 [Harry Potter] 1716

ഒടുവിൽ എന്റെ നിർബന്ധപ്രകാരം മല്ലിക എന്റെ മുതുകിലേക്ക് ചാടിക്കയറി. പക്ഷെ അവിടെ എനിക്ക് തെറ്റി. ചന്ദ്രികയുടെയും വേണിയുടെയും ശരീരപ്രകൃതം അല്ല മല്ലികയ്ക്ക്. മല്ലികയ്ക്ക് അല്പം കൂടെ തടിച്ച ശരീരം ആണ്, കൂടുതൽ മാസ്സ് ഉണ്ട്. അവളുടെ ആ ചാടിക്കയറ്റത്തിൽ ബാലസ് തെറ്റി നമ്മൾ രണ്ടാളും “പ്ടും ” എന്ന ശബ്ദത്തിൽ നടുവിടിച്ചു വീണു.രണ്ടാളും മാനം നോക്കി തറയിൽ കിടന്നു.

ആഹ്ഹ്ഹ്ഹ്….”മല്ലിക കരഞ്ഞു.

ഹമ്മാ…. മാം…സോറി….

പോടാ പട്ടി…. ഞാൻ അപ്പോഴേ പറഞ്ഞതല്ലേ വേണ്ടെന്ന്….

ഓക്കേ ആണോ…

ആഹ് കുഴപ്പില്ല….

അത്ര വലിയ വീഴ്ച അല്ലായിരുന്നു. രണ്ടാളും ആകാശത്തേക്ക് നോക്കി കിടന്നു. എന്റെ മനസ്സിൽ മല്ലിക എന്നെ തെറി വിളിച്ചതായിരുന്നു മുഴുവൻ ചിന്ത.ഫ്രണ്ട്സിനെ ഒക്കെ വിളിക്കുന്നത് പോലെ.

ടാ….. നിനക്ക് തോന്നുന്നുണ്ടോ ഇവിടെ നിന്നും പോകാൻ പറ്റുമെന്ന്.

പോണം..പോയല്ലേ പറ്റുള്ളൂ.

ഒന്ന് നന്നായി ഇറങ്ങിയിട്ട് എത്ര ദിവസം ആയി…ചത്താൽ മതിയെന്നായി…”മല്ലിക വിഷമത്തിൽ പറഞ്ഞു.

അവളെ ആശ്വസിപ്പിക്കാൻ എന്നോണം കിടന്നുകൊണ്ട് ഞാനവളുടെ തോളിലൂടെ കൈയിട്ടു എന്നിലേക്ക് ഒന്ന് ചേർത്തു പിടിച്ചു.”രക്ഷപ്പെടും നമ്മൾ ഇവിടുന്ന്..”ഞാൻ പറഞ്ഞു. രണ്ടാളും പിന്നൊന്നും മിണ്ടിയില്ല. ആ തറയിൽ കിടന്നു ആകാശവും ചുറ്റുമുള്ള കൂറ്റൻ മരങ്ങളുടെ തലപ്പും കണ്ട് ഞങ്ങൾ കിടന്നു. ക്ഷീണം കാരണം ഞാൻ പെട്ടെന്ന് തന്നെ മയങ്ങിപ്പോയി.

അഭി…ടാ.. അഭി…..”മല്ലിക എന്നെ ഉറക്കത്തിൽ നിന്നും തട്ടിയുണർത്തി.ഞാൻ ഞെട്ടിയുണർന്നു.

എ.. എന്താ…..”ഞെട്ടലിൽ ഞാൻ ചോദിച്ചു.

നീ അതിനിടയിൽ ഉറങ്ങിയോ…?”

സോറി…”

നീ ദാ അത് നോക്കിയേ…”മരമുകളിലേക്ക് ചൂണ്ടിയവൾ പറഞ്ഞു.ഞാനങ്ങോട്ടേക്ക് നോക്കി. അല്പം മാറി ഒരു മരത്തിന്റെ മുകളിൽ ഏറുമാടം പണിഞ്ഞിരിക്കുന്നു.

അത് ഏറുമാടം അല്ലേ…?”ഞാൻ സംശയത്തിൽ ചോദിച്ചു.

അതേടാ…. വാ.. കേറി നോക്കാം…

മ്മ് വാ…

ഞങ്ങൾ ആ മരത്തിനടിയിൽ പോയി ആ ഏറുമാടത്തിന് ചുറ്റും താഴെ നിന്നുകൊണ്ട് നിരീക്ഷിച്ചു.

ഒരു തെങ്ങിന്റെ പകുതി പൊക്കമുള്ള മരം. നാല്  ഭാഗത്തേക്കും ചില്ലകൾ പോയിരിക്കുന്നു. അതിനിടയിൽ ആയി ഓല മെടഞ്ഞ, തടി കൊണ്ട് നിർമിച്ച ഏറുമാടം. മുകളിലേക്ക് കയറാനായി ഏണിയും പണിതു വെച്ചിട്ടുണ്ട്.