മുഖവും കൈയുമൊക്കെ കഴുകി ഹാങ്ങറിൽ കുളത്തിയ തുവാല കൊണ്ട് ദേഹത്തു പറ്റിപ്പിടിച്ച നനവ് തുടച്ചു.
നിലത്തും, കിടക്കയിലും ചിതറി കിടക്കുകയാണ് അവന്റെ വസ്ത്രങ്ങൾ.
ഷഡിയും, പാന്റും മാത്രം ധരിച് അവൻ ഹാളിലേക്ക് നടന്നു.
ഈ സമയം സുചിത്ര ഡൈനിങ്ങ് ടേബിളിൽ ചോറും കറിയും നിരത്തുകയാണ്.
” വാ ഇവിടെ ഇരിക്ക്… ”
സുചിത്ര അവനോട്‌ അടുത്തുള്ള കസേര ചൂണ്ടി പറഞ്ഞു.
അവളും അവന്റെ അടുത്തിരുന്നു.
ചോറും, കറിയും വിളമ്പി കൊടുത്തു.
” മതി.. ചേച്ചി.. ഇത്രയും ചോറൊന്നും എന്നെകൊണ്ട് കഴിക്കാൻ പറ്റില്ല… ”
വിളബുന്നതിനിടയിൽ അവളെ തടഞ്ഞു.
” നീയിപ്പോ പഴയ പോലെ കൊച്ചുകുട്ടിയല്ല വലിയ ചെക്കനായി. നല്ലോണം ആഹാരം കഴിക്കണം എന്നാലേ ശരിരം നന്നാവു… ”
ഒരു കൈല് ചോറ് കൂടെ അവന്റെ പ്ലേറ്റിലോട്ട് വിളമ്പി.
കരിമീൻ പൊരിച്ചതും കൂട്ടി ഓരോ ഉരുളകൾ അവൻ വായിലിട്ടു.
സുചിത്ര അത് നോക്കികൊണ്ട് കഴിച്ചു.
” ചേച്ചി… ഇവിടെയെപ്പോഴും ചോറിന്റെ ഒപ്പം കൂട്ടാൻ മീൻ ഉണ്ടാവോ..? ”
” എന്തേ…? ”
സുചിത്ര ചോദിച്ചു.
” ഒന്നുല്ല ഞാൻ വെറുതെ ചോദിച്ചതാ… ”
അഭി പറഞ്ഞു.
സുചിത്ര അവനെ നോക്കി ചിരിച്ചു എന്നിട്ട് പറഞ്ഞു : ചോറിന്റെ കൂടെ എനിക്ക് മീൻകൂട്ടാൻ നിർബന്ധാ.. നല്ല മീൻ കിട്ടാത്ത ദിവസം ചിക്കാനോ മട്ടനോ വെക്കും…
” നിങ്ങടെയൊക്കെ ലൈഫാണ് ചേച്ചി ലൈഫ്… ഞങ്ങൾക്കൊക്കെ എന്തേലും ആഘോഷം ഉണ്ടാവുമ്പോഴേ ഇതുപോലുള്ള നല്ല എന്തേലും കഴിക്കാൻ പറ്റത്തുള്ളൂ…”
അഭി സ്വന്തം അവസ്ഥയോർത്ത് പറഞ്ഞു.
” ഞാൻ ചെറുപ്പം മുതലേ ശീലിച്ചു പോയി. ഇപ്പൊ ഇതൊന്നുമില്ലാതെ ചോറുണ്ണുന്നതിനെ പറ്റി ചിന്തിക്കാനേ വയ്യ… ”
സുചിത്ര പറഞ്ഞു.
” ഞങ്ങളൊക്കെ അയലയും, മത്തിയുമൊക്കെ കഴിക്കുമ്പോൾ നിങ്ങളൊക്കെ കഴിക്കുന്നത് അയക്കൂറയും, കരീമിനും പോലത്തെ മീനുകളാ… “
Bro super katha bro part 11,12….
Polikatha
Broo eni ore come back undavummo????