🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന] 1568

തെല്ലൊരു ദേഷ്യത്തോടെ ഞാൻ അവരുടെ കൈയിൽ കടന്നു പിടിച്ചു എനിക്കഭിമുഖമാക്കി നിർത്തി , ആ ചിരിയും പരിഹാസം പോലെ തോന്നിച്ച വാക്കുകളും .. ഈ അടുത്ത കാലത്തായി മെയിൽ ഷോവനിസം എന്നിൽ കുറച്ചു കൂടുതലാണ് ..

”അർജുൻ ,… ”

പ്രിയ കുറച്ചു കൂടി എന്നിലേക്കടുത്തു നിന്നു ,അവരുടെ നിശ്വാസം എന്റെ മുഖത്ത് പതിക്കും വിധത്തിൽ ..

”ദേ ..പ്രണയ കലഹമാണെന്നു കരുതി ആ കുട്ടികൾ നോക്കുന്നത് കണ്ടോ ..”

അവർ കാണിച്ചു തന്നിടത്തേക്ക് നോക്കുമ്പോൾ യാത്രയ്ക്കിടെ കാറ് നിർത്തി ചായ കുടിക്കാൻ ഇറങ്ങിയ ഫാമിലിയിലെ രണ്ടു പെൺകുട്ടികൾ കൗതുകത്തോടെ ഞങ്ങളെ നോക്കി അടക്കം പറയുന്നു ,തെല്ലു ജാള്യത തോന്നാതിരുന്നില്ല ..

”കണ്ടല്ലോ അർജുൻ നമ്മൾ പോലുമറിയാതെ ആളുകൾ ശ്രദ്ധിക്കുന്നത് ..,അവർക്ക് പകരം പൊലീസോ , വേറെ ആരെങ്കിലുമോ ആയിരുന്നെങ്കിൽ ….അത് കൊണ്ട് വരുമെന്നു പറഞ്ഞ ആളെ കൂട്ടി എത്രയും വേഗം അങ്ങോട്ട് എത്തിയേക്ക് ,വഴിക്ക് കുടുങ്ങിയാൽ ആ ചെക്കനെ ഞാൻ രക്ഷപ്പെടുത്തിക്കൊള്ളാം ,അതെന്റെ ഉറപ്പു …അതല്ലാതെ അതിനിടയിലേക്ക് കയറി വന്നു തല വച്ച് കൊടുക്കരുത് …മനസ്സിലായോ ..”

അതൊരു ആജ്ഞയായിരുന്നു ,തല്ക്കാലം മെയിൽ ഷോവനിസം ഒക്കെ മാറ്റി വച്ച് അനുസരിക്കേണ്ടി വന്നു .. ഇവർ പറയുന്നതും ശരിയാണ് വെറുതെ കേറി ചെന്ന് ബലിയാടായാൽ പിന്നെ ഇത് വരെ ചെയ്തതെല്ലാം വൃഥാവിലാകും ..

”ഗുഡ് ബോയ് …”

പ്രിയ കൈനീട്ടി എന്റെ കവിളിൽ തട്ടിയ ശേഷം കാറിലേക്ക് കയറി ..പരുക്കൻ ഭാവമാണെങ്കിലും പാവമാണ് ,അന്ന് ഗായത്രിക്കൊപ്പം ഒരു സാദാ പോലീസുകാരിയെ കണ്ടപ്പോൾ ഒട്ടും വിചാരിച്ചില്ല അടുത്ത ദിവസങ്ങളിൽ അവരെനിക്ക് ആരെല്ലാമോ ആയി മാറുമെന്ന് ..ഇന്നിപ്പോൾ പ്രിയ കൂടെയില്ലാരുന്നെങ്കിൽ ഹോസ്പിറ്റലിൽ വച്ച് പെടുമായിരുന്നു ..

”അർജുൻ ,നമ്മളിനി ..”

അവർ പോയപ്പോൾ സമീറ അടുത്തേക്ക് വന്നു ..

”എന്താ എന്റെ കൂടെ നിൽക്കാൻ പേടിയുണ്ടോ ?”

”ഉം …എന്നെയോർത്തല്ല അർജുൻ ,എനിക്ക് നിന്റെ ജീവനാണ് പ്രധാനം ..”

”ഇതു ഏതു സിനിമയിലെ ഡയലോഗാ സമീറ ..”

”ഞാൻ സിനിമ കാണാറില്ല ഹമുക്കേ ..”

പെണ്ണ് ചിരിച്ചു ,ആ ചിരിയിൽ അത് വരെയുള്ള ടെൻഷനൊക്കെ മാറ്റി വച്ച് ഞാനും കൂടി ,, കട്ടിൽ ഇളകിയ തട്ടം പിടിച്ചിട്ടു അവൾ അടുത്തേക്ക് ചേർന്ന് നിന്നപ്പോൾ ഉമ്മച്ചിക്കുട്ടിയെ കെട്ടിപ്പിടിച്ചു ഉമ്മ കൊടുത്താലോ എന്നൊരു നിമിഷം ചിന്തിച്ചതാണ് ,പക്ഷെ നാലഞ്ച് വണ്ടികൾ കൂടി ചായ കുടിക്കാൻ നിർത്തിയിട്ടുണ്ട് ,അതിൽ നിന്നിറങ്ങിയവർ പ്രണയ ജോഡികൾ എന്ന് കരുതിയാകണം ഞങ്ങളെ ഇടയ്ക്കിടെ ശ്രദ്ധിക്കുന്നുണ്ട് .അത് കണ്ടപ്പോൾ ഉള്ളൊന്നു കാളി ,അറിയുന്ന ആരും അക്കൂട്ടത്തിൽ ഉണ്ടാകല്ലേ ,പ്രാർത്ഥന ദൈവം കേട്ടെന്നു തോന്നുന്നു ,ഒരു വൈറ്റ് സ്‌കോർപ്പിയോ ഞങ്ങൾ നിൽക്കുന്നതിനടുത്തേക്ക് ചേർത്ത് നിർത്തിയപ്പോൾ ശതുവാണോ എന്ന് ശങ്കിച്ച് പിറകിൽ ഒളിപ്പിച്ച തോക്കിലേക്ക് കൈ നീണ്ടതാണ് ,പക്ഷെ ഡ്രൈവിംഗ് സീറ്റിൽ നിന്ന് വാസുകി കൈവീശുന്നതു കണ്ടപ്പോൾ ആശ്വാസമായി ..

”വേഗം ,റെയിൽവേ സ്റ്റേഷൻ എത്തണം ..”

സമീറ കയറിയെന്നുറപ്പാക്കി ഫ്രന്റ് ഡോർ തുറന്നു അകത്തേക്ക് കയറുമ്പോൾ ഞാൻ വാസുകിക്ക് നിർദേശം കൊടുത്തു ,അധികം തിരക്കില്ലാത്ത വീഥിയിലൂടെ സ്‌കോർപ്പിയോ കുതിച്ചു പായുമ്പോൾ എന്തൊക്കെയാണ് റയിൽവേ സ്റ്റേഷൻ പാർക്കിങ്ങിൽ ഞങ്ങളെ കാത്തിരിക്കുന്നത് എന്ന