ഫിദ [അനാമിക] 852

”റൂമുകളൊന്നും ബാത്ത് അറ്റാച്ഡ് അല്ല..അടുക്കളയോട് ചേർന്നുണ്ട് ഒരെണ്ണം അതിലേക്ക് പൊയ്ക്കോ..“

പറഞ്ഞു തീർന്നതും അവളൊരു പോക്കായിരുന്നു..

വയറും വച്ചു പതിയെ പോടി എന്നുള്ളാലെപറഞ്ഞുകൊണ്ടവൻ പിന്നാലെ ചെന്നു..ഒരു കുഞ്ഞു വർക്ക്‌ ഏരിയ കടന്നു ബാത്‌റൂമിലേക്ക് കാലെടുത്തു വക്കും മുന്നേ അവൾ അവിടെ മൂത്രമൊഴിച്ചുപോയി..ചുരിദാറിൽ കൈകൂട്ടിപിടിച്ചു അവനെ വെപ്രാളത്തിൽ നോക്കിയതും അന്തം വിട്ട് നോക്കി നിൽപ്പുണ്ടവൻ..

“ഇപ്പൊ ഇങ്ങനെയാ എനിക്ക് കണ്ട്രോൾ ചെയ്യാൻ പറ്റില്ല”

“ സാരമില്ല അകത്തേക്ക് കയറിക്കോ എന്നിട്ട ഇട്ടതൊക്കെ മാറ്റ് ഞാൻ വേറെ എടുത്തിട്ട് വരാം..”

തലകുനിച്ചു നില്കുന്നവൾ ഇപ്പോ വിതുമ്പുമെന്ന് തോന്നിയതും പറഞ്ഞുകൊണ്ടവൻ അകത്തേക്ക് നടന്നു..

കട്ടിലിൽ ഇരുന്ന കവറിൽ നിന്നും അവളുടെ ഡ്രസ്സ്‌ എടുക്കുമ്പോൾ കൂടെ കണ്ട ഇന്നറിലേക്ക് നോക്കിയതും അവന്റെ ചുണ്ടിലൊരു കുഞ്ഞു ചിരി വിടർന്നു..കപ്പുകൾക് നടുവിലായി കുഞ്ഞൊരു വൈറ്റ് ബോ വച്ച പിങ്ക് കളർ ബ്രാ…ഇവള് മറ്റേതാണോ “pookie”….ബാഗിൽ നിന്നൊരു ഷവർ ജെല്ലും തോർത്തും കൂടെയെടുത്തു അടുക്കളപ്പുറത്തേക്ക് നടന്നു..ബാത്‌റൂമിൻറെ ഡോറിൽ മുട്ടി വിളിച്ചു..

“ ഫിദാ…ഡ്രസ്സ്‌..”

ബക്കറ്റിൽ വെള്ളം വീഴുന്ന ശബ്ദം കാരണം അല്പം ഉറക്കെ പറഞ്ഞവൻ..ഡോർ തുറന്നവൾ കൈ മാത്രം പുറത്തേക്ക് നീട്ടി..കൈയിലേക്ക് ഡ്രസ്സ്‌ വച്ചുകൊടുത്തവൻ നിലത്തേക്ക് നോക്കി..മൂത്രത്തിന്റെ ഗന്ധം..