ഫിദ [അനാമിക] 872

കയ്യും വായും കഴുകി വന്നതും വല്ലാത്തൊരു ക്ഷീണം പോലെ..അവൻ സിറൗട്ടിൽ ഇരിക്കുന്നത് കണ്ടതും അവൾ

റൂമിലേക്ക് നടന്നു.. അവൻ ബാഗിൽ നിന്നും ബെഡ് ഷീറ്റെടുത്ത വിരിച്ചിരുന്നു..അവളത്തിലേക്ക് കിടന്നു..കണ്ണുകളടച്ചതും യാത്രക്ഷീണം കൊണ്ടാകും മയങ്ങിപ്പോയി..

വന്നു നോക്കുമ്പോൾ ചെരിഞ്ഞു കിടന്നുറുങ്ങുണ്ടവൾ..കാൽപാദത്തിനടിയിൽ പിൽലോ വച്ചാണ് കിടപ്പ്..പാദം നീര് വച്ച വീർതിരിക്കുന്നു…നോവുന്നുണ്ടാകുമോ…അവനതിലൊന്നു  തലോടാൻ തോന്നി…കണ്ണുകൾ മാറ്റി ബാഗിൽ നിന്നും ഒരു ടീഷർട്ടും മുണ്ടുമെടുത്തു പുറത്തേക്ക് നടന്നു…

അഴയിൽ അവൾ

വിരിച്ചിരുന്ന തോർത്തുമെടുത്തു കുളിക്കാനായി കയറുമ്പോൾ ബക്കറ്റിൽ നനച്ചു വച്ചിരുന്ന  വസ്ത്രം കണ്ടു..വേറെ ബക്കറ്റ് ഇല്ലാത്തതിനാൽ അതെടുത്തു മാറ്റി വെള്ളം നിറച്ചവൻ കുളിച്ചിറങ്ങി..തോർത്താനായി മുഖത്തോടെടുപ്പിച്ചപ്പോൾ ഒരു നറുമണം…അവളുടേതാകും…അവൻ അത് ആഞ്ഞുശ്വസിച്ചു..ഉള്ളിലൂടെന്തോ തരിപ്പ് പായുന്നതവൻ അറിഞ്ഞു…

അവൾ ഉറങ്ങി എണീക്കുമ്പോൾ അടുക്കളയിലെന്തോ തട്ടും മുട്ടും കേൾകാം..പതിയെ നടന്നു ചെന്ന് നോക്കുമ്പോൾ ചായ   ഇടുവാണവൻ..താനിത്രനേരം ഉറങ്ങിപ്പോയോ…

“എഴുന്നേറ്റോ…പോയി മൂത്രമൊഴിച്ചിട്ട് വാ..പിടിവിട്ട് പോകണ്ട..എന്നിട്ടീ ചായ കുടിക്ക്”

അവനതു പറഞ്ഞതും ചമ്മലോടെ അവൾ ബാത്‌റൂമിലേക്ക് നടന്നു..

കഴിഞ്ഞ് വരുന്ന വഴി കണ്ടു അഴയിൽ കഴുകി വിരിച്ചിരുന്ന തന്റെയും അവന്റെയും വസ്ത്രങ്ങൾ…

അതിൽ തന്റെ ബ്രായും പാന്റിയും കൂടെ കണ്ടതും അവൾക് വല്ലാണ്ടായി..അവനതൊക്കെ കഴുകിയോ..