ഗൗരീനാദം [അണലി] 509

‘ഒരു ഷൂ വാങ്ങാനാ’ അവന്റെ മെസ്സേജ് സെക്കൻഡ് കൊണ്ടു വന്നു.
ഞാൻ മൊബൈൽ ബാങ്കിങ് എടുത്തു 5000 അയച്ചു.ഗർർർ….. ഗെർർർ…… ബൗ ബൗബൗബൗ ….
ബെല്ലയുടേ മുരൾച്ച കേട്ട് ഞാൻ തോക്കിൽ കൈ വെച്ച് ഫോണിൽ നിന്നും കണ്ണുകൾ ഉയർത്തി നോക്കി.
‘ഈശ്വരാ’ എന്റെ ചുണ്ടുകൾ ഞാൻ പോലും അറിയാതെ ശബ്ദിച്ചു.
എന്റെ മുന്നിൽ ഒരു പെണ്ണ് ഭയന്നു നിൽക്കുന്നു. പെണ് എന്നു പറഞ്ഞാൽ പോരാ ………… ഒരു അപ്സരസ്സ് ,എന്റെ ചുറ്റും ഉള്ളതെല്ലാം നിശ്ചലം ആയപോലെ സന്ദർഭത്തിനു അനുയോജ്യം എന്നപോലെ ഒരു കാറ്റു എന്നിൽ കുളിരു കോരിയിട്ടു ……. അവളുടെ മുടിയെ ആ ഇളം കാറ്റു പിടിച്ചുലച്ചു,തലയിൽ ചൂടിയ തുളസി കതിർ ചെറുതായി വിറക്കുന്നു അവളുടെ നെറ്റിയിൽ വരച്ച ഒരു ചന്ദന കുറി അതിനു മുന്നിൽ പാറിപ്പറക്കുന്ന മുടി ഇഴകൾ , ചന്ദനത്തിന്റെ നിറം തന്നെയാണ് അവൾക്കും. ഭയം കൊണ്ട് കൂമ്പിയ അവളുടെ വല്യ കാപ്പിപ്പൊടി കൃഷ്ണമണി കണ്ണുകൾ എന്നിൽ ഒരു തരിപ്പ് ഉണ്ടാക്കി. അവളുടെ ചെറിയ മൂക്കും , ആപ്പിൾ തൊലി പോലെ ഉള്ള അവളുടെ ചുണ്ടുകൾ ,വെള്ള കസവു സാരിയിൽ എടുത്തു കാണിക്കുന്ന മാറിടങ്ങൾ പൊതിഞ്ഞു പച്ച ബ്ലൗസ് ,സാരി അരയിൽ പൊക്കി കുത്തിയിരിക്കുന്നു,എന്റെ പൊന്നു സാറേ ചുറ്റും ഉള്ളതൊന്നും കാണാൻ പറ്റില്ല.
ബെല്ല അവളുടെ നേരെ ചാടി ,ഞാൻ അലറി ‘സ്റ്റോപ്പ് ബെല്ല നോ ……….’
കടിഞ്ഞാൻ വലിച്ച പോലെ ബെല്ല നിന്നു ,ഭയന്നു ഓടാൻ തുടങ്ങിയ അവൾ തെന്നി വീണു ,ഞാൻ അവളുടെ അടുത്തേക്ക് ഓടി ചെന്ന് കൈ നീട്ടി പറഞ്ഞു ‘ഇവള് കടികത്തൊന്നും ഇല്ലനെ ,ചുമ്മാ പേടിപ്പിച്ചതാ ..’
എന്റെ കൈ പിടിക്കാതെ എണിറ്റു നിന്നു സാരിയിൽ പറ്റിയ ചെളി തുടച്ചു കൊണ്ട് പറഞ്ഞു
‘നാട്ടുകാർക്കു വഴി നടക്കേണ്ടെ ….. നാശം ‘
അതെന്റെ ഈഗോയിൽ കൊണ്ടു
‘നാട്ടുകാർക്കു വഴി നടക്കാൻ അല്ല ഞങ്ങളു വഴി ഉണ്ടാക്കി ഇട്ടേക്കുന്നെ ‘
അവൾ എന്തോ പിറുപിറുത്തു കൊണ്ട് നടന് പോയി , വെളുത്ത സാരി ചെളി പുരണ്ടു അവളുടെ നിതംബ ആകൃതി നടത്തത്തിൽ വ്യക്തം ആക്കി വടിവൊത്ത ശരീരം ഒരു വെണ്ണക്കൽ ശിൽപം പോലെ ,എന്ത് ഭംഗി ആണ് ഇവളെ കാണാൻ.നടത്തത്തിന്റെ താളം പിടിച്ചു ആടിയ മുടി അവൾ തോളിലൂടെ മുൻപോട്ടു ഇട്ടപ്പോൾ എന്റെ കണ്ണ് അവളുടെ കഴുത്തിലും പുറത്തും പതിഞ്ഞു , ചിത്രങ്ങളിൽ മാത്രം കണ്ടിട്ടുള്ള ദൈവി രൂപം . അവൾ നടന്നകന്നു……. ഒരു കൊച്ചു കുട്ടിയെ പോലെ ഞാൻ നോക്കി നിന്നു.
മുൻപോട്ടു ഒരു യന്ത്രം പോലെ ഞാൻ നടന്നു ……
എന്റെ മനസ്സിൽ മുഴുവൻ അവൾ ആയി , ആരാണവൾ? എന്തിനാണവൾ ഇവിടെ വന്നേ? ഇനി അവളെ കാണുമോ ?
കാണും …… എന്റെ മനസ്സ് മന്ത്രിച്ചപ്പോൾ ഞാൻ ചിരിക്കുന്നുണ്ടാരുന്നു ….
തുടരും.