ഗീതാഗോവിന്ദം 6 [കാളിയൻ] 804

“അത് നിന്റെ മുത്തശ്ശീടെ ഉത്തരവാ ഗോവിന്ദേ . അനുസരിക്കാതെ വേറെ വഴിയില്ലാ..എല്ലാവരും എനിക്ക് വേണ്ടി ഒന്ന് സഹകരിക്കണം. അത്രേ എനിക്ക് പറയാനൊക്കൂ.. എന്റെ കുട്ടീടെ കാര്യല്ലേ…”

ഞാൻ പിന്നെ ഒന്നും മിണ്ടാൻ പോയില്ല. അപ്പോഴേക്കും ഗീതു വന്നു. സാരി മാറ്റി ഒരു കറുപ്പിൽ ബ്രൗൺ ഡിസൈനുള്ള ചുരിദാറാണ് വേഷം. അവൾ നടന്നു വന്ന് എന്റെ അരികിൽ ചാരി നിന്നു. ഞാൻ തൂണിനെയും . എല്ലാവരുടെയും പുറകിലാണ് നമ്മൾ ബാക്കി ഉള്ളവരെല്ലാം നമ്മുടെ മുന്നിൽ തിരിഞ്ഞിരിക്കയാണ്.

അമ്മാവൻ വീണ്ടും ഒരോന്ന് പറയുന്നുണ്ട്. ക്ഷേത്രത്തിന്റെ കാര്യവും പൂജകളുടെയും പരിപാടികളുടെയുമൊക്കെ .എന്റെ ചിന്ത അവിടെയൊന്നുമല്ല. അതല്ലെങ്കിലും അങ്ങനെയാണല്ലോ . ഗീതു ഒപ്പം ഉണ്ടേൽ എന്റെ കണ്ണും മനസ്സും അവളിലായിരിക്കും. ഞാനറയാതെ ,അതിശക്തമായ ഒരു പ്രേമം അവളോട് എപ്പോഴൊ പടർന്ന് പന്തലിച്ചിരുന്നു. എത്ര ആൾക്കൂട്ടത്തിനിടയിൽ നിന്നാലും ഞാനും അവളും മാത്രമായ ഒരു ലോകത്തായിരിക്കും ഞാൻ.

“എന്താ ഗോവിന്ദിന്റെ അഭിപ്രായം …. ?” എന്റെ ചിന്തകളിൽ ഒരു തൊരപ്പനെ പോലെ കടന്ന് കയറി അമ്മാവന്റെ ചോദ്യം. ഞാനൊന്നും കേട്ടത് പോലുമില്ല.

“എന്നാ പിന്നെ അങ്ങനെയാവട്ടെ … ” ഞാൻ ശബ്ദത്തിന് ഗാംഭീര്യം കലർത്തി തട്ടി വിട്ടു. എന്ത് മൈരെങ്കിലും ചെയ്യെന്ന് മനസ്സും .

അമ്മാവന് അത് മതിയായിരുന്നു. ഞാൻ വീണ്ടും എന്റെ ലോകത്തേയ്ക്ക് മടങ്ങിയെത്തി.

എന്ത് ഭംഗിയാടി ഗീതൂ നീ. മഴയിൽ കുളിച്ച് തോർന്ന മന്ദാരം പോലെയാ നിന്നെ ഇപ്പൊ കാണാൻ . നീ എന്നെ ചാരി നിക്കുന്നത് തന്നെ ചില്ലയിൽ വള്ളി പടർന്ന് കേറുന്നത് പോലെയാ . അല്ല നിന്റെ ശരീരവും വള്ളി പോലെ തന്നെയല്ലേ . വടിവൊത്ത് വളഞ്ഞ് . എന്നെ ചാരി നിക്കുന്നെങ്കിലും ഗീതൂന്റെ രണ്ട് ഭാഗമെ എന്നെ മുട്ടിയിട്ടുള്ളു. ഒന്ന് ഇടുപ്പും രണ്ട് തോളും. അതാണ് സ്ട്രക്ചറ് . എത്ര ചാരിയാലും ഇത്രേ തട്ടു. ഇടുപ്പിൽ നിന്ന് വയറിലേക്ക് നല്ല വളഞ്ഞ് വീണ്ടും നെഞ്ച് തോളുകളിൽ വിടർന്ന് ഒരു അപൂർവ്വ ഇനം വള്ളി പടർപ്പ്. മാംസത്തിന്റെ അളവ് കൂടുതലുണ്ടെങ്കിൽ അത് വേണ്ടടുത്ത് മാത്രമാണ്. ചിലപ്പൊ ഗീതു ഒരു ഡാൻസറായിരുന്നത് കൊണ്ടാവാം.