ജീവന്റെ അമൃതവർഷം 2 [ഏകൻ] 149

“അയ്യട!! നല്ല കണ്ടുപിടിത്തം. അപ്പോൾ ഞാൻ ആര് ഡെമ്മിയോ? ഇതെന്താ താലികെട്ടുക എന്ന് പറഞ്ഞാൽ കുട്ടികളിയോ? അതൊന്നും പറ്റില്ല. ചേച്ചി കല്ല്യാണ പെണ്ണാകാൻ റെഡി ആയിക്കോ. അതാ നല്ലത്.”

“നിനക്ക് അറിയാലോ മോളെ ചേച്ചിക്ക് അതിനുള്ള ധൈര്യം ഇല്ല എന്ന്. അങ്ങനെ നിന്നാൽ ഞാൻ അവിടെ പേടിച്ചു വിറച്ചു വീഴും.. പിന്നെ ഈ താലികെട്ട് സിനിമയിലും സീരിയലിലും എല്ലാം ഉള്ളതല്ലേ ? അതുപോലെ ആണെന്ന് വിചാരിച്ചാൽ മതി.”

“ചേച്ചിക്ക് നാണം ഇല്ലേ എന്നോട് ഇങ്ങനെ പറയാൻ..? ചേച്ചിക്ക് ഒന്നും ഇല്ല. എല്ലാം ചേച്ചിയുടെ തോന്നൽ ആണ്. അങ്ങനെ ഒന്നും സംഭവിക്കില്ല. ചേച്ചി ധൈര്യമായി ഒരുങ്ങി നിന്നോ. ഞാൻ കൂടെ തന്നെ കാണും. വിവാഹം കഴിഞ്ഞു ചേച്ചി ജീവേട്ടന്റെ കൂടെ പോകുന്നത് വരെ.”

“അത് ഞാനും അങ്ങനെ തന്നെയാ കരുതുന്നത്. പക്ഷെ ആ സമയം ആകുമ്പോൾ ഞാൻ പോലും അറിയാതെ എന്റെ കൈയും കാലും വിറക്കുന്നു. തളരുന്നു. അത് എനിക്ക് നിയന്ത്രിക്കാൻ കഴിയുന്നില്ല അതാ. നീ ഒന്ന് എന്നെ മനസ്സിലാക്ക്. നീ ഒരു ദിവസം കൂടെ എനിക്ക് വേണ്ടി. പ്ലീസ് മോളെ ”

“എന്ത് മനസ്സിലാക്ക് എന്നാ ചേച്ചി പറയുന്നത്.? എനിക്ക് ഒന്നും മനസ്സിലാകുന്നില്ല. ആഹ്!!! വരുന്നിടത്തു വെച്ച് കാണാം. ”

അതും പറഞ്ഞു വർഷ അവിടെ ഇരുന്നു. അത് കണ്ടു അമൃത വർഷയുടെ അടുത്ത് ഇരുന്നു അവളോട് ചോദിച്ചു.

“എടി നീ നേരത്തെ പറഞ്ഞത് ശരിക്കും ഉള്ളതാണോ? ആ പുള്ളി.”

“പുള്ളിക്കാരിയോ!!!? എന്ത് ചേച്ചീടെ വെളുത്ത കുണ്ടിയിലെ കറുത്ത പുള്ളിയോ!!? ” അതും പറഞ്ഞു വർഷ ചിരിച്ചു.