ജീവന്റെ അമൃതവർഷം 2 [ഏകൻ] 149

അമൃത ദേഷ്യത്തോടെ മുഖം വീർപ്പിച്ചു.

“എന്റെ ചേച്ചി അങ്ങനെ ഒന്നും ഇല്ല. ഒരു പുള്ളിയും ഇല്ല. അതൊക്കെ അന്നേ പറഞ്ഞതല്ലേ? അങ്ങനെ ഒന്നും ഇല്ലെന്ന്. അതൊക്കെ ചേച്ചിയെ കളിയാക്കാൻ വെറുതെ പറഞ്ഞതല്ലേ. കളിയാക്കുന്നവർക്ക് അറിയാമോ അത് കാരണം അവർ എത്ര മാത്രം വേദന അനുഭവിക്കും എന്ന്. കളിയാക്കുന്നവർക്ക് ഒരു രസം. അത്രയേ ഉള്ളൂ. കളിയാക്കപ്പെടുന്നവരുടെ ജീവിതം തന്നെ ചിലപ്പോൾ ആ കളിയാക്കൽ കാരണം നശിച്ചു പോകാറുണ്ട്. അതൊന്നും ചേച്ചി കേൾക്കേണ്ട. ചേച്ചിയുടെ നല്ല വെളുത്ത കുണ്ടി തന്നെയാ.

ഇനിയും ചേച്ചിക്ക് സംശയം ആണെങ്കിൽ ജീവേട്ടനോട് നോക്കിയിട്ട് പറയാൻ പറഞ്ഞാൽ മതി.”

“അയ്യേ!! ഈ പെണ്ണ് എന്തൊക്കെയാ ഈ പറയുന്നത്. എനിക്ക് നാണമാ..”

“അയ്യടാ! ഒരു നാണം… ആദ്യ രാത്രി തന്നെ ജീവേട്ടൻ ഈ പെണ്ണിനെ കടിച്ചു തിന്നും. അതെനിക്ക് ഉറപ്പാ. ”

അങ്ങനെ പലതും പറഞ്ഞു ആ ദിവസവും കഴിഞ്ഞു. കല്ല്യാണ ദിവസം വന്നെത്തി. അവർ സംസാരിച്ച പോലെ വർഷയാണ് കല്യാണപെണ്ണായി ഒരുങ്ങിയത്.

അങ്ങനെ താലികെട്ട് കഴിഞ്ഞു. മറ്റുള്ള ചടങ്ങുകളും . അതുകഴിഞ്ഞു ഫോട്ടോ എടുക്കലും ഭക്ഷണവും കഴിഞ്ഞപ്പോൾ സമയം ഏറെ വൈകി.

“എന്നാൽ പുടവ മാറ്റിയിട്ട് പെണ്ണും ചെറുക്കനും ഇറങ്ങിക്കോട്ട് അല്ലേ? ” പെണ്ണിന്റെ കുടുംബത്തിൽ നിന്ന് ആരോ ചോദിച്ചു.

എന്നാൽ……

“ഇനി അതിനുള്ള സമയം ഇല്ല. കൃത്യ സമയം ഇറങ്ങണം.. ഇല്ലെങ്കിൽ അശുഭം ആണ്. രണ്ടു ദിവസം കഴിഞ്ഞാൽ ഇങ്ങോട്ട് തന്നെ വരില്ലേ.. അപ്പോൾ പുടവ ഉടുത്താൽ മതി. ഇല്ലെങ്കിൽ കൃത്യസമയം വീട്ടിൽ കയറാൻ കഴിയില്ല. ” ജീവന്റെ അമ്മാവൻ പറഞ്ഞു. പിന്നെ ആരും എതിര് പറഞ്ഞില്ല. ഒടുവിൽ വർഷ ജീവന്റെ കൈ പിടിച്ചു ഇറങ്ങി.