” വേണ്ട, ഇന്ന് ഇനി പ്രശ്നം ഒന്നും ഉണ്ടാക്കേണ്ട, കൊടുക്കേണ്ടത് ഇയാൾ കൊടുത്തിട്ടുണ്ട് ” മുത്തശ്ശൻ അത് പറഞ്ഞപ്പോൾ അവന്മാർ രണ്ടും മനസ്സില്ലാ മനസ്സോടെ സമ്മതിച്ചു. അപ്പോഴേക്കും ക്ഷേത്ര ഭാരവാഹികൾ ആരോ മുത്തശ്ശനെ വിളിച്ചോണ്ട് പോയി.
” ദർശു, അപ്പു ഒക്കെ ആൽത്തറയുടെ അവിടെ ഉണ്ട്. അവിടെക്ക് ചെല്ല്, ഞങ്ങൾ വന്നോളാം ” സുധി ദർശു നോട്‌ പറഞ്ഞു. അവൾ തല ആട്ടിയിട്ട് അങ്ങോട്ട്‌ നടന്നു പിന്നെ ഒന്ന് തിരിഞ്ഞു നിന്നു.
” ഏട്ടാ പ്രശ്നത്തിന് ഒന്നും പോവരുത്, അങ്ങേർക്ക് മേലാത്തത് ആണെന്ന് ഓർമ്മ വേണം ” അവൾ എപ്പോഴുത്തയും പോലെ അധികാര സ്വരത്തിൽ പറഞ്ഞു.
” ഓംബ്രാ ” സുധി, അത് പറഞ്ഞപ്പോൾ ഒന്ന് ഇളിച്ചു കാണിച്ചിട്ട് അവൾ പോയി.
” വാ നടക്ക് ” അവൾ പോയതും കണ്ണനും സുധിയും എന്നേയും കൂട്ടി നടന്നു. അമ്പലപറമ്പിൽ നിന്ന് മാറി, വെള്ള പഞ്ചാര മണൽ ഉള്ള ഒരു കുന്നിൽ ആണ് ഞങ്ങൾ എത്തിയത്. അവന്മാർ ഉടനെ ആ മണലിൽ ഇരുന്നു. എന്താണ് ഉദ്ദേശം എന്ന് അറിയില്ല എങ്കിലും ഞാനും ഇരുന്നു. കണ്ണൻ അരയിൽ നിന്ന് ഒരു കുപ്പി എടുത്തു വെച്ചു, സുധി ഗ്ലാസും വെള്ളവും. അടിപൊളി.
” അപ്പൊ എങ്ങനാ തുടങ്ങുവല്ലേ?? ” കണ്ണൻ,
” പിന്നല്ല, അങ്ങട് കമത്തുക ” ഞാൻ പറഞ്ഞു , ഞങ്ങൾ മൂന്നും ഒഴിച്ച് അടി തുടങ്ങി.
” ഏതാടാ ആ ചെക്കൻ?? ” അടിക്കുന്നതിന് ഇടയിൽ ഞാൻ ചോദിച്ചു.
” ഏത് ചെക്കൻ?? ” കണ്ണൻ
“ഹാ, നേരത്തെ പ്രശ്നം ഉണ്ടാക്കിയവൻ, അവൻ ഏതാ ” ഞാൻ
Vegam venam poli
Plz ling
Bro അതിന്റെ link ഒന്നു അയച്ചു തരാവോ ???