കല്യാണം 3 [കൊട്ടാരംവീടൻ] 917

ഞാൻ പുറകോട്ട് ഒന്ന് തിരിഞ്ഞു നോക്കി എന്നെ തന്നെ ആണോ എന്ന് ഉറപ്പ് വരുത്തിട്ടു.. ഞാൻ അവളുടെ അടുത്തേക്ക് നടന്നു….

“എന്താ.. “

അവളുടെ മുഖത്തുന്നു കണ്ണ് എടുക്കാതെ ഞാൻ ചോദിച്ചു…

അവൾ : എനിക്ക് ഒരു ഫോട്ടോ എടുത്ത് തരുമോ

അവളുടെ ഫോൺ എനിക്ക് നീട്ടി അവൾ ചോദിച്ചു…

“ഞാനോ “

അവളുടെ ഈ സ്വഭാവം മനസിലാവാതെ ഞാൻ ചോദിച്ചു..

“എന്താ എനിക്ക് ഫോട്ടോ എടുത്ത് തരിലെ…”

ഞാൻ പിന്നെ ഒന്നും മിണ്ടാതെ ഫോൺ മേടിച്ചു അവളുടെ ഫോട്ടോ എടുത്തു…ഒരു മോഡൽനെ പോലെ അവൾ പോസ് ചെയ്തു…അവൾക്ക് നല്ല ഫോട്ടോഫേസ് ഉണ്ട് …എടുത്ത ഓരോ ഫോട്ടോയും ഒന്നിന് ഒന്നിന് മെച്ചം…ഫോൺ അവൾക്ക് തിരികെ ഏല്പിച്ചു… ഞാൻ ചോദിച്ചു..

“നമ്മക്ക് ഒരു സെൽഫി എടുക്കാം…”

അവൾ ഒന്ന് ചിരിച്ചു…ഈ ചിരിയിൽ ഒരു സമ്മതം ഉള്ളതായി തോന്നി…

“ഡാ വേഗം ചെല്ല്.. സമയം ആയി “

താഴേന്നു അമ്മായി വിളിച്ചു പറഞ്ഞു…. നാശം അല്ലേലും നമ്മക്ക് ഒന്നും നല്ലകാലം വരില്ലല്ലോ…എന്ന് മനസ്സിൽ പറഞ്ഞു ഞാൻ താഴേക്ക് നടന്നു…

അമ്മായി : ഡാ ഡാൻസ് തകർക്കണം കേട്ടോ..

ഞാൻ ചിരിച്ചു കാണിച്ചു.. കള്ള കെളവി…എന്ന് മനസ്സിൽ വിചാരിച്ചു ഞാൻ പുറത്തേക്ക് നടന്നു..

ഗാർഡനിൽ അതിമനോഹരം ആയി സ്റ്റേജ് സെറ്റ് ചെയ്തേക്കുന്നു…ഞാൻ അമ്മയുടെ അടുത്തു പോയി നിന്നു…പറഞ്ഞു.

“എല്ലാരും ഓറഞ്ച് ഡ്രസ്സ്‌ ആയത്കൊണ്ട് ഒരു ഓറഞ്ച് മയം..”

അമ്മ എന്നെ തിരിഞ്ഞു നോക്കിട്ട്…

കൊള്ളാലോ..

അമ്മ ഫോൺ എടുത്തു ഒരു സെൽഫി എടുത്തു… ഞാൻ അമ്മയോട് സംസാരിച്ചോണ്ട് ഇരിക്കുമ്പോൾ…സ്വാതി വന്നു വിളിച്ചു

“വാടാ സമയം ആയി .. “

ഞാൻ പോയി സ്റ്റേജിന്റെ ഫ്രോന്റിൽ നിന്നു…ഡാൻസ് തുടങ്ങി…എനിക്ക് ഡാൻസ് തീരുന്ന ടൈം ആവുമ്പോൾ കേറിയ മതി…

അമൃതയിൽ ആരുന്നു എന്റെ നോട്ടം…ഡാൻസ് കളിക്കുന്നതിന്റെ ഇടയിൽ അവൾ എന്നേം നോക്കുന്നുണ്ടാരുന്നു…

എന്റെ ടൈം ആയപ്പോൾ…സ്വാതി വരാൻ ആംഗ്യം കാണിച്ചു…ഞാനും കൂടെ കേറി കളിച്ചു…ഇടക്കൊക്കെ സ്റ്റെപ് തെറ്റിയങ്കിലും ആരും അറിയാതെ അഡ്ജസ്റ്റ് ചെയ്തു…കുടുമ്പകാരും അവരുടെ ഫ്രണ്ട്സും മാത്രേ ഫങ്ക്ഷന് ഒള്ളു…അതുകൊണ്ട് കൂവൽ ഒന്നും കിട്ടിയില്ല…