കനൽ പാത 3 [ഭീം] 161

സ്മിത നാണത്തോടെ ചോദിച്ചു.
രണ്ട് പേരും ചോറ്റുപാത്രം തുറന്ന് കഴിക്കാൻ തുടങ്ങി.
‘ എങ്ങനെ നോക്കാതിരിക്കും… ഇറുക്കി കെട്ടിയ ട്രെസ്സിട്ടു വന്നാൽ…’
സ്മിത ചമ്മിയിരിക്കുകയാണ്. ഒന്ന് നിർത്തിയിട്ട് അൻസി തുടർന്നു.
‘ നാളെ വരുമ്പോൾ ചുരിദാറോ മറ്റോ ഇട്ട് വരണം. പറഞ്ഞിട്ടുണ്ട്.’
അതൊരു താക്കീതായി സ്മിതയ്ക്ക് തോന്നി. അവൾ തന്റെ നെഞ്ചിന്റെ മുഴുപ്പ് നോക്കിയിട്ട് നാണത്തോടെ തലയാട്ടി.
പൊരിച്ച മുട്ടയും വറുത്ത മീനും അവിയലും തോരനും അച്ചാറുമൊക്കെ സ്മിതയ്ക്കും ഷെയർ ചെയ്തു കൊണ്ടിരിക്കുമ്പോൾ തലേ ദിവസത്തെ, വഴിയിൽ വെച്ചുണ്ടായ അനുഭവം അൻസി പറഞ്ഞു.
‘വണ്ടിത്തടം അൽ സാരി …. അയാളൊരു വൃത്തികെട്ടവൻ ആണ് ടീച്ചർ.എപ്പോഴും കഞ്ചാവും മദ്യവുമാണ്.ഇവിടെ അടുത്തുള്ളൊരു കോളനീലാ താമസം. കുറേ നാള് ഇവിടെയെങ്ങും ഇല്ലായിരുന്നു. പെണ്ണുങ്ങളെ കാണുമ്പോൾ വല്ലാത്ത നോട്ടാണ്. മൊശടൻ.’
‘നിന്നെയും എന്തെങ്കിലും പറഞ്ഞിട്ടുണ്ടോടി…?’
‘മ്മ്…. ഒന്ന് രണ്ട് ദിവസം. ‘
‘ഇയാൾക്ക് കുടുംബമൊന്നുമില്ലേ ….. പെണ്ണ്ങ്ങളെ കാണാത്ത പോലെ…’
‘ഇല്ല… അല്ലങ്കിലും ടീച്ചറെ കാണുമ്പോൾ ആർക്കാ നോക്കാൻ തോന്നാത്തത്…. അത്രയ്ക്ക് സുന്ദരിയാ… ടീച്ചർ…’
എന്നിട്ട് സ്മിത ചിരിച്ചു.
‘ഓഹോ.. .ടീ… കൂടുതൽ പതക്കല്ലേ… ഉണ്ണാൻ നോക്ക്…’
ആഹാരം കഴിപ്പ് തുടരുമ്പോൾ അൻസി ഓരോന്നു ചോദിച്ചു കൊണ്ടിരുന്നു… കൂടുതലും വിജയൻ മാഷിനെ പറ്റിയായിരുന്നു.
‘ എവിടെയാടി മാഷ് ഇടയ്ക്ക് ഒന്നും മിണ്ടാതെ ഇറങ്ങി ഓടുന്നത്…?’
‘രാവിലെ ക്ലാസ്സ് കഴിഞ്ഞാൽ അടുത്ത് സത്യൻ അങ്കിളിന്റെ കടയിൽ പോയി പുട്ടടിയ്ക്കും. ഉച്ചക്ക് മോഹനപുരത്ത് പോയി ഉണ്ണും.’
‘മാഷിന്റെ വീട് അടുത്താണല്ലോ … ഉണ്ണാൻ വീട്ടിൽ പൊയി കൂടെ…?’
‘അതിന് വീട്ടിൽ ആരെങ്കിലും വേണ്ടേ …’
‘ എന്നു വെച്ചാൽ….?’
അയാളെ കുറിച്ചറിയാൻ അവളുടെ മനസ്സ് വെമ്പൽ കൊണ്ടു.
‘ എന്നു വെച്ചാൽ…. പാവം…. നമ്മുടെ മാഷിന് ആരൂല്ല ടീച്ചറെ… മാഷ് ഒറ്റ മോനാ…. അച്ഛൻ നേരത്തെ മരിച്ചു.അടുത്ത കാലത്ത് അമ്മയും….’
വളരെ വിഷമത്തോടെയാണ് സ്മിത അത്പറയഞ്ഞത് .അൻസിയുടെ ഉള്ളിലും അകാരണമായൊരു വേദന ഉടലെടുത്തെങ്കിലും പുറമേ കാണിച്ചില്ല.
രാത്രി കിടക്കയിലേയ്ക്ക് മറിയുമ്പോൾ അൻസിയുടെ മനസ്സു മുഴുവൻ മാഷായിരുന്നു. സ്മിത പറഞ്ഞ കാര്യങ്ങളായിരുന്നു.
താനെന്തിനാണ് അതൊക്കെ കേട്ടപ്പോൾ ഉണ്ട് മതിയാക്കി എഴുന്നേൽറ്റതെന്ന് സ്മിത ചിന്തിച്ചുവോ…?
അൻസിയ അങ്ങനെയാണ്. സഹായിക്കാൻ കഴിഞ്ഞില്ലങ്കിലും മറ്റുള്ളവരുടെ ദുഃഖങ്ങളിൽ വ്യാകുല പെടും. ജിവിതം പഠിപ്പിച്ച പാഠം അങ്ങനെയാണ്. കുഞ്ഞായിരുന്നപ്പോൾ കണ്ട് വേദനിച്ച ഉമ്മയുടെ കഷ്ടപാടുകൾ… ഒരു നേരത്തെ ആഹാരത്തിനു വേണ്ടി കരയുമ്പോൾ ഇക്കയുടെ ഹൃദയം നുറുങ്ങുന്ന കാഴ്ച. പത്താം ക്ലാസിൽ ഇക്ക നല്ല മർക്കോടെ ജയിച്ചിട്ടും തുടർന്നു പഠിക്കാതെ കുടുംബത്തിനു വേണ്ടി കൂലി പണിക്കിറങ്ങിയപ്പോൾ ഉമ്മയുടെ കരച്ചിൽ…
ഇന്ന് ജീവിക്കാൻ പണമുണ്ട് വലിയ വീടുണ്ട് .കിടക്കാൻ ശീതീകരിച്ച മുറികളുണ്ട്. സഞ്ചരിക്കാൻ കാറുണ്ട്, മാറി മാറി ഉടുക്കാൻ വില കൂടിയ ഫോറിൻ