മ്മ്മ്…. ചിലവർക്ക് ഇതൊക്കെ അല്പത്തരമായിട്ട് തോന്നാം പക്ഷെ സ്കൂൾ ലൈഫും, കോളേജ് ലൈഫും മുഴുവൻ സിംഗിൾ പാസ്സങ്കയായിട്ടു നടന്ന എനിക്ക് ഇതൊരു സ്വപ്നം തന്നെയാണ്. അതും കവിതയെ പോലെയുള്ള ഒരു ദേവതയുടെ കൂടെ കൂടി ആകുമ്പോൾ പിന്നെ പറയണ്ട…..!
അങ്ങനെ കുളിയൊക്കെ കഴിഞ്ഞ് വേഗം റെഡിയായി നേരെ കാർ എടുത്ത് ഞങ്ങൾ ബീച്ചിലേക്ക് യാത്രതുടങ്ങി.
ബീച്ചിൽ എത്തി കാറിൽ നിന്നും ഇറങ്ങി പോക്കറ്റ് തപ്പിയപ്പോളാണ് ഞാനൊരു കാര്യം ഓർത്തത്. ഞാൻ മൊബൈൽ ഫോണും പേഴ്സും എടുക്കാൻ മറന്ന് പോയി.
“അയ്യോ…. ഇനി എന്ത് ചെയ്യും? തിരിച്ചു പോകണോ??.”
കാര്യം അറിഞ്ഞ കവിത ചെറിയൊരു നിരാശയോടെ എന്നെ നോക്കിക്കൊണ്ട് ചോദിച്ചു.
“ഹും….. വെയിറ്റ് ചെയ്യ് ഞാനൊന്ന് ആലോചിക്കട്ടെ….”
ഒരു മിനിറ്റ് ആലോചിച്ച ശേഷം ഞാനൊരു ഐഡിയ കണ്ടെത്തി.
“എടി അതെ ഞാനൊരു കാര്യം ചെയ്യാം. ഞാൻ വേഗം തന്നെ തിരിച്ച് ഓടിച്ചു പോയിട്ട് രണ്ടും എടുത്തിട്ട് വരാം. നീ തത്കാലം ബീച്ചിൽ ഇറങ്ങി കുറച്ചു നേരം നിക്ക് ഞാൻ അപ്പോഴേക്കും പറന്നെത്താം….”
“അപ്പോ ഞാനിവിടെ ഒറ്റക്ക് നിൽക്കാനോ??….”
ഒരു ഞെട്ടലോടെ കവിത ചോദിച്ചു.
“അല്ലടി മോളു…. നീ വെറുതെയിവിടെ ബോറടിച്ചു നിൽക്കണ്ട. തത്കാലത്തേക്ക് കുറച്ചു നേരം വെള്ളത്തിലൊക്കെ ഇറങ്ങി, ഐസ് ക്രീം ഒക്കെ കഴിച്ചുകൊണ്ട് നിക്ക് ഞാൻ ഒരു അര-മുക്കാൽ മണിക്കൂറിനു ഉള്ളിൽ എത്താം.”
“ഉം…..” അവളൊന്നു മൂളി.
“ഞാൻ ദേ പോയി ഇപ്പൊ തന്നെ വരും നീ പേടിക്കണ്ട ഓക്കേ? പിന്നെ സമയം 5 അല്ലെ ആയിട്ടുള്ളു പിന്നെന്താ കുഴപ്പം.”
