[കുറ്റബോധം 12 [Ajeesh] 251

സോഫി വാചാലയായി…
സജീഷിന് വേണ്ടി റോഷൻ കൊണ്ടുവന്ന രണ്ട് ആലോചനകളും അവന് പെണ്ണിനെ ഇഷ്ടമായില്ല എന്ന പേരിൽ വേണ്ടന്ന് വച്ചു… പുള്ളിക്കാരന്റെ കൂടെ വർക്ക് ചെയ്യുന്ന ഒരു പയ്യന്റെ പെങ്ങളുടെ ആലോചനയും ആ കൂട്ടത്തിൽ അവൻ നിരസിച്ചിരുന്നു…
ആ ദിവസങ്ങളിൽ ഇച്ഛായന്റെ ഫോണ് വരുമ്പോൾ നേരെ ഒന്ന് സംസാരിക്കാൻ പോലും സോഫി വിഷമിച്ചിരുന്നു…
” ഹാ അത് പോട്ടെ മോളെ… നീ ഇങ്ങനെ തുടങ്ങിയാലോ” കെട്ടുന്നത് അവൻ അല്ലെ… അവന് ഇഷ്ടപ്പെടാണ്ടായോ??? ”
അന്ന് റോഷൻ അങ്ങനെ പറഞ്ഞപ്പോൾ സോഫി വല്ലാതെ ദേഷ്യപ്പെട്ടു…
” ഇത് അവന്റെ അഹമ്മതി ആണ്…
ഇഷ്ടപ്പെടാതിരിക്കാൻ ആ പെണ്ണിനെന്താ കൊങ്കണ്ണുണ്ടോ???”
നല്ല കുട്ടി ആയിട്ടുന്നു… അത്യാവശ്യം തരക്കേടില്ലാത്ത വീടും വീട്ടുകാരും…
” അവന് പ്രേമം തോന്നിയില്ല പോലും… ” 33 വയസ്സായി കൊന്തൻ കെട്ടാണ്ട് നിക്കാ…”
കൊല്ലണ്ടെ അവനെ…”
താൻ അന്ന് ആകെ വൈലന്റ് ആയിരുന്നു എന്ന കാര്യം അവൾ ഓർത്തെടുത്തു…
ഇനി അവന് വേണ്ടി ആരെയും പെണ്ണ് കാണാൻ പോവില്ല എന്ന് അന്നേ തീരുമാനിച്ചതാ… പക്ഷെ ആ കോരങ്ങന്റെ അവസ്ഥ കാണുമ്പോൾ അവൾ വീണ്ടും കൂടെ ചെല്ലും… അങ്ങനെയാണ് ഇന്നലെയും അവന്റെ കൂടെ പോയത്… ഇത്തവണ അവനെ ആ പെണ്ണിനായിരുന്നു ഇഷ്ടപ്പെടാതിരുന്നത്… എന്നാൽ അവന് അത് മനസ്സിലായപ്പോൾ ഇറങ്ങി ഒരു നടത്തം ആയിരുന്നു പുറത്തേക്ക്… പിന്നീട് ആ വീട്ടുകാരെ മുഴുവൻ ഒറ്റക്ക് ഫേസ് ചെയ്യേണ്ടി വന്നത് സോഫിയെ വല്ലാതെ അക്രമാസക്തയാക്കി…
പുറത്തിറങ്ങിയ അവൾ അവനെ ഓടിച്ചിട്ട് അടിച്ചു…
” ഇനി എന്റെ പട്ടി വരും നിനക്ക് പെണ്ണ് കാണാൻ… ” മാസ്സ് എന്ന് സ്വയം കരുതുന്ന ഒരു ഡയലോഗും കാച്ചിയിട്ടാണ് അന്ന് അവൾ തിരികെ വീട്ടിൽ വന്നത്…
ഇനി അവന്റെ കൂടെ ഒരു സ്ഥലത്തേക്കും പെണ്ണുകാണാൻ പോവില്ല എന്ന് അവൾ ഉറപ്പിച്ചു കഴിഞ്ഞിരുന്നു …