ലഹരി 2
Lahari Part 2 | Author : Veda

[ Previous Part ] [ www.kkstories.com ]

തലയ്ക്കുള്ളിൽ ആരോ ഇരുമ്പു ചുറ്റിക കൊണ്ട് ആഞ്ഞടിക്കുന്നത് പോലെ. അതായിരുന്നു അവൻ്റെ ആദ്യത്തെ ഓർമ്മ. കണ്ണ് തുറക്കാൻ ശ്രമിച്ചപ്പോൾ, ജനലഴിയിലൂടെ അരിച്ചെത്തിയ വെയിൽ സൂചിമുന പോലെ കൃഷ്ണമണിയിൽ കുത്തിക്കയറി.

അവൻ ഞരക്കത്തോടെ കണ്ണുകൾ ഇറുക്കിയടച്ചു. ഉണങ്ങിയ നാവ് അണ്ണാക്കിൽ ഒട്ടിപ്പിടിക്കുന്നു. തൊണ്ട വരണ്ട് വിണ്ടു കീറുന്നതുപോലത്തെ ദാഹം.

അവൻ മെല്ലെ എഴുന്നേൽക്കാൻ ശ്രമിച്ചു, പക്ഷെ തലകറക്കം അവനെ തിരികെ തലയിണയിലേക്ക് തന്നെ വീഴ്ത്തി. സീലിംഗ് ഫാൻ കറങ്ങുന്നത് കാണുമ്പോൾ പോലും ഓക്കാനം വരുന്നുണ്ടായിരുന്നു.

പതിയെ, ബോധം തെളിഞ്ഞപ്പോൾ അവനൊരു കാര്യം ശ്രദ്ധിച്ചു.

ഇന്നലെ രാത്രിയിലെ, ഛർദ്ദിയും ചെളിയും പുരണ്ട ജീൻസും ഷർട്ടുമല്ല ഇപ്പോളവന്റെ വേഷം. നല്ല വൃത്തിയുള്ള, ഉലച്ചിൽ മാറിയ ഒരു കൈലിയും ബനിയനും. ദേഹത്ത് നിന്ന് മദ്യത്തിന്റെ നാറ്റത്തിന് പകരം, ലൈഫ്ബോയ് സോപ്പിന്റെയും പൗഡറിന്റെയും നേരിയ ഗന്ധം വരുന്നു.

അവന്റെ നെഞ്ചിടിപ്പ് കൂടി. ഓർമ്മകൾ മഞ്ഞുകലർന്ന കണ്ണാടി പോലെ അവ്യക്തമായിരുന്നു. ബാത്ത്റൂമിലെ തണുപ്പ്… വെള്ളം വീഴുന്ന ശബ്ദം… ടൈലിലെ വഴുക്കൽ…

പിന്നെ…

അവന്റെ കൈകൾ വിറച്ചു. എന്തോ മൃദുവായ ഒന്നിൽ അമർത്തിപ്പിടിച്ചതും, ഉപ്പുരസമുള്ള വിയർപ്പിന്റെ രുചിയും, വായയിലിപ്പോഴും തങ്ങിനിൽക്കുന്ന മാംസത്തിന്റെ ഗന്ധവും… അതൊരു പേടിസ്വപ്നമായിരുന്നോ?

അതോ…?

വാതിലിന് പുറത്ത് പാത്രങ്ങൾ കഴുകുന്ന ശബ്ദം കേട്ടു. പക്ഷെ അത് പതിവിലും പരുക്കനായാണ് കേട്ടത്. പാത്രങ്ങൾ കൂട്ടിയിടിക്കുന്നു, അസ്വാഭാവികമായ വേഗത. ആ ശബ്ദം കേട്ടപ്പോൾ അവന്റെ വയറ്റിൽ ഒരു ആന്തലുണ്ടായി.