ലക്ഷ്മി 3 [Maathu] 1340

“ഓഹ് ”

‘എനിക്ക് ഒറക്കം വരുന്നു. ഉറങ്ങിയാലോ ‘കൂടുതൽ ചോദ്യങ്ങളിലേക്ക് പോവാതിരിക്കാൻ അവൻ പറഞ്ഞു.

“ആ ” പിന്നെ ആരും അവിടെ സംസാരിച്ചില്ല.

 

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°° രാവിലെ അവള് തന്നെയാണ് വിളിച്ചുണർത്തിയെ. ഇന്നെലെ രാത്രി എന്തോ സ്വപ്നം ഒന്നും കണ്ടില്ല. ഞാൻ അവളെ നോക്കി. കുളിച് ഒരു റെഡ് കളർ ചുരിദാർ ആണ് വേഷം. കണ്ണാടിയിൽ നോക്കി മുടി ചീകുകയാണ് കക്ഷി.

“എന്ത് ഉറക്കാ ഇത്…..”

ഞാൻ കണ്ണും തിരുമ്മി ‘സമയം എത്രയായി ‘

“8.00 മണി ”

‘ഇത്രേ ആയിട്ടുള്ളു…. എന്നെ ഒരു പത്തു പതിനൊന്നു മണിക്ക് ഒക്കെ വിളിച്ചാൽ മതി….’എന്നും പറഞ്ഞു ഞാൻ പുതപ്പ് തല വഴി മൂടി കിടന്നു.

“ദേ കിച്ചു കളിക്കല്ലേ…..വന്നേ മാമി കുറച്ച് സാധനം വാങ്ങി കൊണ്ട് വരാൻ പറഞ്ഞിക്കിന് ”

‘അത് മാമൻ പൊക്കോളും ‘

“ചേട്ടൻ റീസെപ്ഷന്റെ എന്തോ കാര്യത്തിന് പോയതാണ് ”

‘എന്നാ നീ പൊക്കോ.. നിനക്ക് വണ്ടി ഒക്കെ ഓടിക്കാൻ അറിയാമല്ലോ ‘

“അതിന് എനിക്ക് ഇവടെ പരിജയം ഒന്നും ഇല്ലല്ലോ നീ വാ ”

‘എന്തൊരു കഷ്ടണിത്…. മനുഷ്യനെ ഉറങ്ങാനും സമ്മതിക്കൂല എന്ന് വച്ചാൽ ‘

ഞാൻ ചിണുങ്ങി കൊണ്ട് എണീറ്റു. പോയി ഫ്രഷായി ബാത്‌റൂമിൽ നിന്ന് ഇറങ്ങി.അപ്പോളേക്കും അവള് തായേക്ക് പോയിരുന്നു. മൊബൈലും എടുത്ത് തായെക്ക് പോയി. തായെ ടേബിളിൽ അവളും മാമിയും ഫുഡ്‌ കഴിക്കുന്നുണ്ട്. നിവി അപ്പുറത് അവന്റെ ടോയ്‌സ് കൊണ്ട് കളിക്കുകയാണ്.ഞാനും അവരോടൊപ്പം കൂടി ഫുഡ്‌ കഴിച്ചു.പോകുമ്പോ മാമി വാങ്ങേണ്ട സാധനങ്ങളുടെ list തന്നു.

‘ന്നാ….. നീ ഓടിക്ക് ‘ ഞാൻ കാറിന്റെ ചാവി അവൾക് നേരെ നീട്ടി.

“വേണ്ട എനിക്ക് ഇവിടെത്ത റോഡ് ഒന്നും പരിചയമില്ല ”

‘ഒക്കെ.. എന്നാ കയറ് ‘

ഞാൻ നേരെ കവിന്റെ സൂപ്പർമാർകെറ്റിൽ തന്നെ പോയി. അവൻ ക്ലാസ്സിൽ പോയിട്ടുണ്ടാകും. എന്നാലും വെറുതെ അവൻ ഇരിക്കുന്ന കേബിനിൽ നോക്കിയപ്പോ കക്ഷി അവിടെ ഉണ്ട്.

‘ലച്ചു വാ…. നിനക്ക് ഒരാളെ പരിജയ പെടുത്തി തരാ ‘