മകന്റെ കൂട്ടുകാരൻ [??????] 624

അവനെപ്പറ്റി പരാതി പറയാൻ തുടങ്ങിയ താൻ ഉമ്മയോട് പറഞ്ഞത് എന്തൊക്കെയാണ്?

“അത് എന്തെങ്കിലുമാകട്ടെ!”

ചമ്മൽ മറച്ചുകൊണ്ട് ഫർഹാൻ അഫ്രീനോട് പറഞ്ഞു.

“അവൻ പുറത്ത് എവിടെപ്പോയാലും എനിക്ക് പ്രശ്നമൊന്നുമില്ല. പക്ഷെ ഞങ്ങൾ താമസിക്കുന്ന വീട്ടിൽ പെണ്ണുങ്ങൾ ഒക്കെ വരുവാന്ന് പറഞ്ഞാൽ…”

അവൻ ഉമ്മയെ നോക്കി.

“അങ്ങനെയാണേൽ ഞാൻ വേറെ വീടന്വേഷിക്കും!”

അഫ്രീൻ ആലോചിച്ചു.

“പ്രിൻസിപ്പാൾ ഇന്റെ വാപ്പാടെ ക്ളോസ് ഫ്രണ്ടല്ലേ!”

അവൾ ഗൗരവത്തോടെ പറഞ്ഞു.

“പ്രിൻസിപ്പാളിനെ വിളിച്ചൊന്ന് പറയാൻ പറയാം…മാത്രമല്ല ..ഞാൻ നേരിട്ട് നിന്റെ പ്രിൻസിപ്പാളിനെ ഒന്ന് കാണട്ടെ!”

“അയ്യോ ഉമ്മാ..”

അവൻ ദയനീയമായി പറഞ്ഞു.

“ഞാൻ പറഞ്ഞു എന്ന് ഒരു കാരണവശാലും പ്രിൻസിപ്പാൾ അറിയരുത്. അക്ഷയ് ആള് ജിമ്മനാ! എന്നെ അവൻ എടുത്തിട്ടടിക്കും!”

“ഒന്ന് പോടാ പേടിത്തൂറി..”

ഇഷ്ടക്കേടോടെ അവൾ ഫർഹാനെ നോക്കി.

“നെനക്ക് കൊഴപ്പം ഒന്നും ഒണ്ടാവൂല്ല!”

******************************

മുറിയിൽ ലാപ്പിൽ കോർപ്പസ്ക്കുലർ തിയറിയെപ്പറ്റി ബ്രൗസ് ചെയ്യുമ്പോൾ ആണ് അക്ഷയ് കയറിവരുന്നത്.

“എന്റെ പൊന്നിഷ്ടാ!”

ഫർഹാന്റെ കട്ടിലിൽ ഇരുന്ന് അവൻ പറഞ്ഞു.

“പ്രിൻസിപ്പാൾ എടുത്തിട്ട് കുടഞ്ഞു ഇന്ന്”

ഫർഹാന്റെ മനസ്സിലേക്ക് ഒരു വിദ്യുത് പ്രവാഹമുണ്ടായി.

വാപ്പ പ്രിൻസിപ്പാളിനെ വിളിച്ചു പറഞ്ഞിരിക്കുന്നു!

“എന്താ വിഷയം?”

അക്ഷയുടെ വാക്കുകളിൽ ഒട്ടും താൽപ്പര്യം കാണിക്കുന്നില്ലന്ന് ഭാവിച്ച് മോണിറ്ററിൽ നിന്ന് നോട്ടം മാറ്റാതെ അവൻ ചോദിച്ചു.

“എൻറെടാവ്വേ പെണ്ണുങ്ങടെ കൂട്ടത്തി കറങ്ങി നടക്കുന്ന കാര്യം ഇന്നത്തോടെ ഫുൾസ്റ്റോപ്പ്!”