മംഗല്യധാരണം 3 [Nishinoya] 542

 

 

“…കളിയാക്കുവൊന്നും വേണ്ട കേട്ടല്ലോ…” എന്റെ പ്രൊട്ടക്ഷൻ ഗായു ഏറ്റെടുത്തു.

 

 

ഞങ്ങളും കഴിക്കാൻ ഇരുന്നു. ഓരോ നാട്ടു വാർത്തനങ്ങൾ ഒക്കെ ആയി കഴിപ്പ് തുടങ്ങി. ചാരുവും അമ്മുവും എന്റെ എതിർ വശവും ഗായു എന്റെ ഒപ്പവുമാണ് ഇരുന്നത്. ഗായു എന്നെ ഓരോന്ന് നിർബന്ധിപ്പിച്ചു കഴിപ്പിക്കുന്നുണ്ട്. എല്ലാരും എന്നെയും ഗായുവിനെയുമാണ് ശ്രെദ്ധിക്കുന്നെ. ഇടക് ചോർ നെറുകയിൽ കേറി ഞാൻ ചുമച്ചു. ഉടനെ ഗായു വെള്ളം ഒഴിച്ച് തന്നു കൂട്ടത്തിൽ തലയിൽ 2,3 തട്ട് കൂടി.

 

 

“… നോക്കി കഴിക്കണ്ടേ ആദിയേട്ടാ…” ഗായു പറഞ്ഞു.

 

 

“… കണ്ടോ രണ്ടിന്റെയും സ്നേഹം. ഇവരെ രണ്ടിനെയും അങ്ങ് കെട്ടിച്ചാലോ നാത്തൂനേ…” അമ്മ തമാശ രൂപേണ ചോദിച്ചു.

 

 

“… ഞാനും അത് തന്ന ആലോചിച്ചേ. എന്താ പിള്ളേരെ…” ചോദ്യം നമുക്ക് നേരെ എത്തി.

 

 

“…എനിക്ക് കുഴപ്പം ഒന്നും ഇല്ല…” ഗായു എന്നെ നോക്കി കണ്ണടച്ച് കാണിച്ചു

 

 

“… ആദ്യം നിനക്ക് കല്യാണ പ്രായം ആവട്ടെ എന്നിട്ട് നമുക്ക് നോക്കാം കേട്ടോ…” അവളെ കളിയാക്കികൊണ്ട് ഞാൻ പറഞ്ഞു.

 

 

എല്ലാരും ചിരിക്കാൻ തുടങ്ങി. ചാരു പെട്ടെന്ന് കഴിപ്പ് മതിയാക്കി എഴുനേറ്റു.

 

 

“… എന്താടി നീ എഴുന്നേറ്റ്…” ചരുവിന്റെ അമ്മ ചോദിച്ചു.

 

 

“…മതി അമ്മേ വയറു സുഖമില്ല…”

 

 

“…ഈ പെണ്ണ് അല്ലെങ്കിലും ഇങ്ങനെയാ ഒന്നും കഴിക്കില്ല…” മാമി അതും പറഞ്ഞു അവളുടെ കൈയിൽ നിന്നും പ്ലേറ്റ് വാങ്ങി.