മനോജിന്റെ മായാലോകം-13

Manojinte Mayalokam 13 | By:സുനിൽ | Visit My page

ആദ്യം മുതല്‍ വായിക്കാന്‍ ഇവിടെ ക്ലിക്ക് ചെയ്യൂ

ഞാൻ തിരികെ ചെല്ലുന്പോൾ സൂര്യാമ്മ വഴിക്കണ്ണുമായി വാതിൽക്കലുണ്ട്. വണ്ടി കയറ്റിവെച്ചപ്പോൾ അവളിറങ്ങിവന്നു…
“അമ്മ വിളിച്ചാരുന്നു….നമ്മൾ അങ്ങോട്ടൊന്ന് ചെല്ലാൻ”
“എന്തേ…?”
“ഏട്ടനൊരാലോചന നമ്മൾ ചെന്ന് ഫോട്ടോ കണ്ടിട്ട് നാളെ വേണേൽ പോയി കാണണം”
“അതിന് നീ ചെന്നാ പോരേ..?”
ഞാൻ ചിരിച്ചുകൊണ്ട് നടന്നു… മുഖോം വീർപ്പിച്ച് കൂടെ അവളും.!
അവന് ജാതകം ഒത്തുവരുന്ന ഒരാലോചനയ്കും പോയി പെണ്ണുകാണേണ്ടി വന്നിട്ടില്ല..! സൂര്യാമ്മേടെ സ്ക്രീനിംഗ്
ആരും ഇതുവരെ അതിജീവിച്ചിട്ടില്ല..! ഞങ്ങൾ നടന്നപ്പോൾ രാജിചേച്ചി എതിരേ കുട്ടികളുമായി വരുന്നു…! വരുന്ന വഴിയാണെന്ന് തോന്നുന്നു.
“അതെന്നാന്നാ പറഞ്ഞിട്ട് പോട്ടെ…! നീയൊന്നും മിണ്ടണ്ട” ഞാൻ പറഞ്ഞു
“ഹും….! പറയും…മൂക്കിടിച്ചു പരത്തും ഞാൻ.!”
ഇവൾക്കിപ്പോഴും രാജിചേച്ചിയോട് കലിയാണ്..! ചേച്ചിയാണേൽ കാണുമ്പോളൊക്കെ ഇവളെ ശുണ്ഠി പിടിപ്പിക്കാനായി എന്തെങ്കിലും പറയുകയും ചെയ്യും..!
“വീട്ടിലോട്ടാണോടീ സൂര്യാമ്മേ…”
ചേച്ചി കണ്ടപ്പോളേ നിറഞ്ഞ് ചിരിച്ചു. സൂര്യയും ചിരിച്ച് കുട്ടികളുടെ കവിളിൽ പിടിച്ചു. ഞങ്ങൾ ചെന്നപ്പോളെ അമ്മ പെണ്ണിന്റെ ഫോട്ടോ എടുത്ത് സൂര്യയുടെ കയ്യിൽ കൊടുത്തു…അവളുടെ മുഖം വിടർന്നു….. നിറചിരിയോടെ അവൾ ഫോട്ടോ എന്നെക്കാട്ടി നല്ല സുന്ദരി….ഐശര്യം തുളുന്പുന്ന മുഖം…!
“നിനക്ക് ബോധിച്ചേൽ നമുക്ക് നാലിനൂടെ ബ്രോക്കറുമായി നാളെത്തന്നെ പോയിക്കാണാം…”
അഛൻ സൂര്യയോടായി പറഞ്ഞു.
അമ്മ അപ്പോളേ അവനെ വിളിച്ച് വിവരം പറഞ്ഞു. സൂര്യ ഇഷ്ടമായി എന്ന് പറഞ്ഞാൽ നിങ്ങൾ ബാക്കി കാര്യങ്ങൾ നോക്കിക്കോ ഫോട്ടോ അയച്ചാൽ മതി എന്ന് അവനും പറഞ്ഞു.
‘അമ്മച്ചി’യെ കണ്ടപ്പോൾ ‘കുഞ്ഞാവേടെ’ വിധം മാറി..!
“മനൂട്ടൻ പൊയ്ക്കോ…ഞാനല്ലേൽ ഇവിടെ കിടന്നോളാം രാവിലെ കാറുമെടുത്ത് ഇങ്ങ് വന്നാമതി ഞങ്ങൾ റെഡിയായി നിന്നോളാം”
അമ്മ സൂര്യയോട് നിലവിളക്ക് കൊളുത്താൻ പറഞ്ഞു….വിളക്ക് കൊളുത്തിയ ശേഷം രണ്ട് പേരൂംകൂടി പായിട്ടിരുന്ന് സന്ധ്യാനാമജപം ആരംഭിച്ചു.
ഞാൻ തിരികെയെത്തുമ്പോൾ ആര്യ സിറ്റൌട്ടിലിരിപ്പുണ്ട്
“അവളു പോന്നില്ല അല്ലേ…?”
“ഇല്ല നാളെ കാലത്ത് പെണ്ണുകാണാൻ പോകണം…”