മറുനാട്ടിൽ ഒരു ഓണാഘോഷം 12 [ഏകൻ] 222

ഇന്ദു എന്നോട് ചോദിച്ച ചോദ്യം കേട്ട് ഞാൻ ഗൽബിയെ നോക്കി

എന്നിട്ട് ഞാൻ പറഞ്ഞു.

“വന്നിട്ട് കുടിക്കാം. നിങ്ങൾ വേണമെങ്കിൽ ഇപ്പോൾ തന്നെ കുടിച്ചോളൂ. എനിക്ക് വന്നിട്ട് മതി . ”

“ഞങ്ങൾക്കും ഇപ്പോൾ വേണ്ട. ഞങ്ങൾക്കും കിച്ചു ഏട്ടന്റെ കൂടെ അമ്പലത്തിൽ പോയി വന്നിട്ട് മതി. അല്ലേ ചേച്ചി.” ആതു പറഞ്ഞു.

ഞാൻ മെല്ലെ വീട്ടിൽ നിന്നും മുറ്റത്ത് ഇറങ്ങി കാറിന്റെ അടുത്തേക്ക് നടന്നു. എന്നാൽ കാർ ആകെ വൃത്തികേടായി കിടക്കുക ആയിരുന്നു.. കാർ എടുത്തിട്ട് പോകാം എന്നാ ഞാൻ കരുതിയിരുന്നത്. കാറിന്റെ അവസ്ഥ കണ്ടപ്പോൾ ഞാൻ ഗൽബി പറഞ്ഞത് പോലെ നടക്കാം എന്ന് തീരുമാനിച്ചു.

“നമുക്ക് നടക്കാം കിച്ചു ഏട്ടാ.. കുറച്ചല്ലേ നടക്കാൻ ഉള്ളൂ. കിച്ചു ഏട്ടൻ ഇതിലെയൊക്കെ നടന്നിട്ട് കുറേ ആയിക്കാണില്ലേ..? വാ നമുക്ക് നടക്കാം.”

ആതു എന്റെ അടുത്തേക്ക് വന്നിട്ട് പറഞ്ഞു. കൂടെ ഗൽബിയും ഉണ്ടായിരുന്നു. അപ്പോഴും എന്റെ ഗൽബിയുടെ മുഖത്തു ഒരു നാണം ഉണ്ടായിരുന്നു.

“ഉം. ” ഞാൻ മൂളി.

അപ്പോഴേക്കും ഫരിയും ഇന്ദുവും മുറ്റത്തേക്ക് ഇറങ്ങിയിരുന്നു. ആതു ഗൽബിയുടെ കൈയിൽ പിടിച്ച് മെല്ലെ നടന്നു . ഇന്ദുവും ഫരിയും തൊട്ട് പിന്നിലും. ഞാൻ അവരുടെയൊക്കെ പിന്നിലായി നടന്നു.

മുറ്റവും മുറ്റത്തേക്ക് എത്തുന്ന റോഡും ഞങ്ങളുടെ പറമ്പും എല്ലാം കഴിഞ്ഞു ഞങ്ങൾ മെയിൻ റോഡിൽ എത്തി. അപ്പോൾ ഗൽബി പിറകിലേക്ക് തിരിഞ്ഞു എന്നെ നോക്കി. ഞാൻ അവളെ നോക്കി കണ്ണിറുക്കി കാണിച്ചുകൊണ്ട് ചിരിച്ചു. അത് കണ്ട് അവളുടെ ചുണ്ടിലും ചിരി വിരിഞ്ഞു.