മാഷിനെ പ്രണയിച്ച ടീച്ചറും കുട്ടികളും 3 [SAMI] 527

ഇങ്ങനെ, മനുവിന്റെയും മെഹറിന്റെയും രഹസ്യപ്രണയം ഒരു വശത്ത് വളരുമ്പോൾ, ലക്ഷ്മി, എയ്ഞ്ചൽ, ആർദ്ര എന്നീ മൂന്നു പെൺകുട്ടികളുടെ മനസ്സുകളിലും അതേ പ്രണയത്തെ ചുറ്റിപ്പറ്റി സംശയങ്ങളും അസൂയയും പുതിയ തീരുമാനങ്ങളും രൂപപ്പെടുന്നു.
———————————————
തുടരുന്നു
ചില സത്യങ്ങൾ അങ്ങനെയാണ്…
അവയെ നമ്മൾ കേൾക്കാൻ തയ്യാറാകുന്നതിന് മുമ്പ് തന്നെ, അവ നമ്മളിലേക്ക് എത്തിപ്പെടും.
ചില ചോദ്യങ്ങളും അങ്ങനെ തന്നെയാണ്… അവയ്ക്ക് ഉത്തരങ്ങൾ കിട്ടിയാലും, മനസ്സിന് ശാന്തി കിട്ടണമെന്നില്ല.
കാരണം ചില ഉത്തരങ്ങൾ, സംശയങ്ങളെ അവസാനിപ്പിക്കുകയല്ല ചെയ്യുന്നത്… മറിച്ച്, പുതിയൊരു ഭയം തുടക്കം കുറിക്കുന്നു.
ഒരു നിമിഷം മതി നമ്മൾ വിശ്വസിച്ചിരുന്ന ലോകം തന്നെ തകരാൻ.

ഒരു വാക്ക് മതി മനസ്സിൽ ഒളിപ്പിച്ചിരുന്ന വിശ്വാസം മുഴുവൻ തകരാൻ.

ഒരു കാഴ്ച മതി ഇഷ്ടവും അഭിമാനവും ആഗ്രഹവും സംശയവും തമ്മിൽ ഏറ്റുമുട്ടാൻ.

ലക്ഷ്മിയുടെ ഉള്ളിൽ അങ്ങനെ ഒരു പോരാട്ടം നടക്കുകയായിരുന്നു.

മനു സാറിനോടുള്ള ഇഷ്ടം…

അവൻ തന്നെ നിരസിച്ചതിന്റെ വേദന…

മെഹർ മിസ്സിനെ കുറിച്ചുള്ള സംശയം…

എയ്ഞ്ചൽ കണ്ടുവെന്ന് പറഞ്ഞ ആ കാഴ്ച…

ഒന്നിനൊന്ന് വിരുദ്ധമായ വികാരങ്ങൾ,

അവളുടെ മനസ്സിൽ ഇടം തേടി ഏറ്റുമുട്ടിക്കൊണ്ടിരുന്നു.
ഈ മുറി…… ഇതിനുമുമ്പും അവളുടെ ഒരു തീരുമാനത്തിന് സാക്ഷിയായിട്ടുണ്ട്.
മനു സാറിനോടുള്ള ഇഷ്ടം ആദ്യമായി കൂട്ടുകാരോട് തുറന്ന് പറഞ്ഞതും ഇവിടെ വച്ച് തന്നെയായിരുന്നു.

ആ ഇഷ്ടം അവനോട് പറയണമെന്ന് തീരുമാനിച്ചതും ഇവിടെ വെച്ചുതന്നെ.
ഇന്ന് അതേ മുറി വീണ്ടും ഒരു സാക്ഷിയാകാൻ പോകുന്നു. ഒരു പുതിയ സത്യത്തിനോ അല്ലെങ്കിൽ ഒരു പുതിയ തകർച്ചയ്ക്കോ.
———————————-
പടികളിലൂടെ ആരോ കയറുന്ന കാലൊച്ച അവൾ കേട്ടു.
ലക്ഷ്മിയുടെ ഹൃദയം ഒന്ന് ശക്തമായി മിടിച്ചു.
“ലക്ഷ്മി…”
എയ്ഞ്ചലിന്റെ ശബ്ദം.
അവൾ പതുക്കെ വാതിലിലേക്കു നടന്നു. ഒരു നിമിഷം ഹാൻഡിലിൽ കൈ വെച്ച് നിന്നു. അകത്ത് നിറഞ്ഞിരുന്ന ചോദ്യങ്ങൾ എല്ലാം, ആ വാതിലിന് അപ്പുറം മറുപടി കാത്തുനിൽക്കുന്ന പോലെ.
അവൾ വാതിൽ തുറന്നു.
എയ്ഞ്ചലും… ആർദ്രയും… അവളുടെ മുന്നിൽ നിന്നു.
അവരുടെ മുഖത്തും പതിവ് ചിരിയില്ലായിരുന്നു. കളിയാക്കലുമില്ല…
അവിടെയും അതേ ടെൻഷൻ.
ആ നിമിഷം, മൂന്നുപേരും മനസ്സിലാക്കി ഇന്നത്തെ സംഭാഷണം അവരുടെ സൗഹൃദത്തിലെ മറ്റൊരു സാധാരണ രഹസ്യമല്ല……