മസാജ് തെറാപ്പിസ്റ്റ് 2 [Eros – God of Lust] 47

രണ്ട് കുട്ടികൾ ആയെങ്കിലും വയറൊന്നും അത്ര തള്ളിയിട്ടില്ല. മുഖത്തിനും, കഴുത്തിനും, കൈകൾക്കും നല്ല മിനുസമായിരുന്നു. ബാക്കിയുള്ള ഭാഗങ്ങൾ നൈറ്റി മറച്ചിരുന്നത് കൊണ്ട്‌ കാണാന്‍ കഴിഞ്ഞില്ല.

അവളുടെ കണ്ണുകളിൽ എപ്പോഴും ഒരു കുസൃതി നിറഞ്ഞു നിന്നിരുന്നു. ഇടക്കിടക്ക് എന്നോടുള്ള ആ അട്രാക്ഷൻ ആ കണ്ണുകളിൽ തെളിഞ്ഞ് മറഞ്ഞ് കൊണ്ടിരുന്നു. ചുണ്ടില്‍ ഒരു മായാത്ത പുഞ്ചിരിയും ഉണ്ടായിരുന്നു.

“അപ്പോ നിങ്ങള്‍ക്ക് എന്നെക്കാൾ ഒരു വയസ്സ് കൂടുതലുണ്ട്.” സ്വര്‍ണ്ണ പറഞ്ഞതും ഞാൻ പെട്ടന്ന് അവളുടെ ദേഹത്ത് നിന്നും മുഖത്തേക്ക് നോക്കി.

ഞാൻ അവളുടെ ദേഹത്തൊക്കെ നോക്കിയത് ഇഷ്ട്ടമായത് പോലെ ഒരു കള്ളച്ചിരി അവളുടെ ചുണ്ടില്‍ വിടര്‍ന്നു. കണ്ണുകൾ കൂടുതൽ തിളങ്ങി.

“ഞാൻ നിങ്ങളെ പേര് പറഞ്ഞ്‌ വിളിച്ചോട്ടേ?” അവളുടെ അടുത്ത ചോദ്യം വന്നു.

“ശെരി മേഡം.” ഞാൻ പറഞ്ഞതും അവളുടെ പുഞ്ചിരി മാഞ്ഞു.

“ഞാനല്ലല്ലോ നിങ്ങടെ ക്ലൈയിന്റ്, എന്നെ മേഡമെന്ന് വിളിക്കേണ്ട, അത് കേൾക്കാൻ അത്ര രസമില്ല. സ്വർണ്ണ എന്ന് വിളിച്ചാല്‍ മതി.” അവൾ അല്‍പ്പം സീരിയസ്സായി പറഞ്ഞു.

“ശെരി സ്വർണ്ണ.”

ഉടനെ അവളുടെ പുഞ്ചിരി തിരികെ വന്നു.

“എനിക്കും ബോഡി മസാജ് ഇഷ്ട്ടാണ്, പക്ഷേ എന്റെ ഭർത്താവാണ് സമ്മതിക്കാത്തത്. സമ്മതിച്ചിരുന്നെങ്കിൽ ഞാനും പണ്ടേ അവർണയ്ക്കൊപ്പം നിങ്ങടെ പാർലറിൽ വരുമായിരുന്നു.” സ്വർണ്ണ നിരാശപ്പെട്ടു.

“സാരമില്ല, വീണ്ടും വീണ്ടും സ്വര്‍ണ്ണ ഭര്‍ത്താവിനോട് സംസാരിച്ച് അനുവാദം വാങ്ങിക്കാൻ ട്രൈ ചെയ്താൽ പുള്ളി സമ്മതിക്കാതിരിക്കില്ല.”