എനിക്ക് കുറ്റബോധം ഒന്നും ഉണ്ടായിരുന്നില്ല , ചെയ്യുന്നത് എല്ലാം ശെരിയാണോ തെറ്റാണോ എന്നൊന്നും ചിന്തിക്കാൻ പോലും എനിക്ക് ആഗ്രഹം ഉണ്ടായിരുന്നില്ല . എന്താണോ ജീവിതത്തിൽ ഇപ്പോൾ നടന്നു കൊണ്ടിരിക്കുന്നത് , അത് പോലെ തന്നെ എല്ലാം മുന്നോട്ടു പോകട്ടെ …..ഇച്ചായൻ ആണെങ്കിൽ വലിയ സന്തോഷത്തിൽ ആയിരുന്നു , എങ്ങനെയും ലോൺ ശെരിയാകണം ബിസിനസ്സ് നന്നാക്കണം , ഈ ഒരു ചിന്ത മാത്രമേ ഇപ്പോൾ ഇച്ഛയനു ഉള്ളു .

പിറ്റേന്ന് രാവിലെ ഞാൻ ജോലിക്ക് പോകാൻ തുടങ്ങുമ്പോൾ ആണ് എനിക്ക് ഒരു കോൾ വന്നത് , രവിയേട്ടന്റെ മകൻ ആയിരുന്നു , അയാൾ വീട്ടിൽ വന്നിട്ടുണ്ട് , ഇനി കുറച്ചു നാൾ ഇവിടെ ഉണ്ടാകും , അതുകൊണ്ട് കുറച്ചു നാൾ ഇനി ജോലിക്ക് ചെല്ലണ്ട , സമയം പോലെ വന്നു ശമ്പളം മേടിച്ചോളാൻ പറഞ്ഞപ്പോൾ ഞാൻ ഓർത്തു ,കാര്യമായിട്ട് ശമ്പളം ഒന്നും കിട്ടാൻ ഇല്ല .മുഴുവൻ ദിവസങ്ങൾ ജോലിക്ക് പോകാത്തത് കൊണ്ട് , പറഞ്ഞ ശമ്പളം മുഴുവൻ കിട്ടാതില്ലല്ലോ .

അതിനേക്കാളും എന്നെ വിഷമിപ്പിച്ചത് രവിയേട്ടനും ആയുള്ള നിമിഷങ്ങൾ നഷ്ടം ആകുമല്ലോ എന്നുള്ളത് ആയിരുന്നു .എല്ലാ അർത്ഥത്തിലും ഞാൻ രവിയേട്ടന്റെ സാമിപ്യം ആഗ്രഹിക്കുന്നുണ്ട് എന്ന സത്യം ഞാൻ മനസ്സിലാക്കുക ആയിരുന്നു .

ഉച്ച കഴിഞ്ഞപ്പോളേക്കും ഇച്ചായൻ ബാങ്കിൽ പോകുകയും , ലോൺ ഓക്കേ ആയ വിവരം വിളിച്ചു പറയുകയും ചെയ്തപ്പോൾ , എങ്ങനെയും രവിയേട്ടനെ കണ്ടു നന്ദി പറയണം എന്ന് തോന്നി .

അന്ന് വൈകുന്നേരം ആയപ്പോൾ ഞാൻ അയാളെ വിളിച്ചു ശമ്പളം മേടിക്കാൻ വരട്ടെ എന്ന് ചോദിച്ചു , ചെല്ലാൻ പറഞ്ഞപ്പോൾ ഞാൻ വേഗം റെഡി ആയി , എനിക്ക് പോകാൻ നല്ല ഉത്സാഹം ആയിരുന്നു .

രവിയേട്ടന്റെ ഫ്ലാറ്റിൽ എത്തി ബെല്ലടിച്ചു ഞാൻ . കുറച്ചു കഴിഞ്ഞപ്പോൾ അയാളുടെ മകൻ വന്നു വാതിൽ തുറന്നു .

” ഹായ് …. നവ്യ …. How are you ?”

“സുഖം …സാർ ”

” വരൂ … എങ്ങനെ പോകുന്നു കാര്യങ്ങൾ , ഞാൻ കുറച്ചു ദിവസങ്ങൾ ഇനി ഇവിടെ കാണും , ഇവിടെ ഒരു പ്രൊജക്റ്റ് ഉണ്ട് , ഒന്ന് ഒന്നര മാസം ഇനി ഞാൻ ഇവിടെ കാണും , വീട്ടിൽ ഇരുന്നു ചെയ്യാം , അതാ ഞാൻ കുറച്ചു നാളത്തേക്ക് നവ്യ വരേണ്ട എന്ന് പറഞ്ഞതു . ”

” ഹമ് ….”

“നവ്യ വേറെ ജോലിക്ക് നോക്കുന്നുണ്ടോ ?”

” ഇല്ല സാർ ….”

” എനിക്ക് അറിയാം നവ്യാ , ഇത്  ഒന്നര മാസത്തെ കാര്യം ഉള്ളു , എന്തായാലും അത് കഴിഞ്ഞാലും നവ്യക്ക് ഇവിടെ ജോലിക്ക് വരാം , നവ്യയെ പറ്റി നല്ല അഭിപ്രായം ആണ് അച്ഛന് , ഇനി വേറെ ഒരാളെയും നോക്കണ്ട എന്ന് അച്ഛൻ പറഞ്ഞു . നവ്യ പേടിക്കണ്ട ആ ഒന്നര മാസത്തെ ശമ്പളം ഞാൻ അഡ്വാൻസ് ആയിട്ട് തരാം , നവ്യ വേറെ ജോലി തല്ക്കാലം നോക്കണ്ട …. ഓക്കേ ”

” ഓക്കേ  സാർ …”

“നവ്യ വാ , അച്ഛനെ കാണണ്ടേ ….”