നീലാകാശം പച്ചക്കടൽ ചുവന്ന ഭൂമി…🌏 1 [Robert longdon] 196

ഫോൺ ചാർജ് ചെയ്യാൻ ഇട്ടിട്ട് ഒരു തോർത്തും എടുത്ത് നേരെ കുളിക്കാനായി വിട്ടു.കുളിയൊക്കെ കഴിഞ്ഞ് തോർത്തും ഉടുത്ത് റൂമിലോട്ട് പോവുമ്പോളായിരുന്നു അമ്മ എതിരെ വന്നത്.

അമ്മ: ഹ നി വന്ന..,നിൻ്റെ വർക്കിംഗ് ഡ്രസ്സ് എവിടെ.

ഞാൻ:കവറിൽ ഇണ്ട് എടുത്തോ..?

അമ്മ:”അപ്പോ നിനക്കൊന്നും വെളിയിൽ എടുത്ത് വച്ചൂടെ.”
അമ്മ പ്രാകി കൊണ്ട് പറഞ്ഞു.

ഞാൻ:”ഒന്ന് മിണ്ടാതിരി തള്ളേ,പ്രാകി കൊല്ലോ “.
പിന്നെ അവിടെ വലിയ സംസാരം ഒന്നും ഉണ്ടായിരുന്നില്ല.അമ്മ അടുക്കളയിലേക്കും ഞാൻ റൂമിലേക്കും വിട്ടു.അലമാരയിൽ മടക്കി വച്ചിരുന്ന ഒരു ട്രാക്ക് പാൻ്റും എടുത്തിട്ട് അടുക്കളയിലേക്ക് പോയി.അമ്മ അപ്പോ അടുക്കളയിൽ ഇല്ലായിരുന്നു.

തുണി വെള്ളത്തിൽ മുക്കുന്ന ശബ്ദം കേട്ടപ്പോഴേ മനസിലായി പുള്ളിക്കാരി അലക്കുവാണെന്നു.ഡ്രസ്സ് വെള്ളത്തിൽ മുക്കിയിട്ടിട്ട് അമ്മ എന്നെയും കടന്ന് അടുക്കളയിലേക്ക് തന്നെ തിരികെ പോയി.”അമ്മാ…”ഞാൻ നീട്ടി വിളിച്ചു.”അമ്പോ ..നോ രക്ഷ “കലിപ്പിലാണെന്നു തോന്നുന്നു.ഞാൻ പിന്നെയും വിളിച്ചു “അമ്മോ…”!

അമ്മ:”എന്താ..”
ഇപ്പൊ വലിയ പരിഭവമൊന്നുമില്ലാതെ മയപെട്ടെന്ന് ആ മറുപടിയിൽ നിന്ന് മനസിലായി.അപ്പോ ഇതാണ് നല്ല സമയം.

ഞാൻ:അതേ…!

അമ്മ:വലിച്ച് നീട്ടാണ്ട് കാര്യം പറ ചെക്കാ..!

ഞാൻ:ഫണ്ടിൽ നിന്നും കൊറച്ച് പൈസ എടുത്ത് തരോ..!.ഞാൻ ഇത്തിരി കെഞ്ചി കൊണ്ട് പറഞ്ഞു.മറുപടി ഒന്നും വരാത്തത് കണ്ടപ്പോൾ ഞാൻ തന്നെ ബാക്കി കൂടി പറഞ്ഞു.

ഞാൻ:വണ്ടി ഇറക്കാനാണ്.ഫണ്ടിനേ അടയ്ക്കാൻ ഉള്ള പൈസ ഞാൻ തരാ.ഒന്നെടുത്ത് തരോ…!