നീലാകാശം പച്ചക്കടൽ ചുവന്ന ഭൂമി…🌏 1

Neelakaasham Pachakadal Chuvanna Bhoomi Part 1 | Author :Robert longdon

സമയം ഏകദേശം പത്തര കഴിഞ്ഞിരുന്നു…! സാധാരണ, പകൽ തിരക്ക് പിടിച്ച ടൗൺ സ്റ്റാൻഡ് രാത്രിയിൽ ഉറങ്ങിയപ്പോലെ ആയി…! കടകൾ എല്ലാം അടച്ചിരുന്നു,ഏതാനും ചില ബസ്സുകൾ നിറുത്തിയിട്ടിരുന്നു, ഫൂട്ട് പാത്തിൻ്റെ സൈഡിലെ പോസ്റ്റിലെ ബൾബ് മിന്നിയും തെളിഞ്ഞും കൊണ്ടിരുന്നു…!

നാലഞ്ച് പട്ടികൾ അങ്ങോട്ടും ഇങ്ങോട്ടും ഓടി നടക്കുന്നുണ്ടായിരുന്നു…! അപ്പോഴാണ് അവസാനം വണ്ടിയും പോയെന്നക്കാര്യം മനസിലാക്കി നീരജ് നടന്ന് തളർന്ന് വന്നത്…! ബസ് സ്റ്റാൻഡിലെ കോൺക്രീറ്റ് ബെഞ്ചിലേക്ക് തൻ്റെ കറുത്ത ബാഗ് ചാരി വച്ചു…! എഴുന്നേറ്റു നിന്നുകൊണ്ട് രണ്ട് സൈഡിലേക്കും ചരിഞ്ഞ് ഒന്ന് സ്‌ട്രെച്ച് ചെയ്തുകൊണ്ട് ഒന്ന് മൂരി നിവർന്നു…!

ബാഗിൻ്റെ സൈഡിലെ മിനറൽ വാട്ടറിൻ്റെ കുപ്പിയെടുത്ത് അതിൽ അവസാനം ഉണ്ടായിരുന്ന വെള്ളവും കുടിച്ചു തീർത്തുക്കൊണ്ട് ബെഞ്ചിലേക്ക് കാലും നീട്ടി ചാരിയിരുന്നു…! ബസ് സ്റ്റാൻഡിലെ കൊതുക് കടികൊണ്ട് കിടക്കുന്നതിലും ഭേദം ,വീട്ടിൽ അപ്പൻ്റെ തെറിയും കേട്ട് കിടക്കുന്നതാണെന്ന ബോധ്യത്തോടെ നീരജ് ഫോണെടുത്ത് ആൻ്റപ്പൻ എന്ന നമ്പറിലേക്ക് ഡയൽ ചെയ്തു…!

“നിങൾ വിളിക്കാൻ ശ്രമിക്കുന്ന വ്യക്തി ഇപ്പൊൾ കോളുകൾ സ്വീകരിക്കുന്നില്ല..,വീണ്ടും ശ്രമിക്കുക..”രണ്ടാമത്തെ വട്ടവും ഇതന്നെ അവസ്ഥ…! പിന്നെയും ഒന്നും കൂടി വിളിച്ചപ്പോ അവൻ ഫോൺ എടുത്തു..!
ആൻ്റപ്പൻ : എന്താടാ..പന്നി നിനക്ക് ഉറക്കമൊന്നുമില്ലേ..?😒