നിന്‍റെ ഓർമകളിൽ 01 177

” ഹ…ഹ..” എന്തോ തമാശ കേട്ടപോലെ ആദി ചിരിച്ചു
” ചിരിക്കണ്ട എന്റെ കൂടെവാ.. ഞാൻ കാട്ടിത്തരാം…”
ആദി അവന്റെ കൂടെ ലൈബ്രറിയിലേക്കുനടന്നു.
അവിടെ കൂട്ടുകാരുമൊത്ത് ബെഞ്ചിലിരുന്നിരുന്ന അവളെ ചൂണ്ടിക്കാട്ടി നന്ദു പറഞ്ഞു.
” ദാ ഇരിക്കുന്നു… അവളാണ് എന്റെ പെണ്ണ്..”
” ആര്.. ഇടത്തുനിന്ന് രണ്ടാമത്തെ പെണ്കുട്ടിയോ…”
” അതേ… അവളുതന്നെ..”
“അവളാരാണെന്നറിയോ പട്ടാളക്കാരൻ രാഘവേട്ടന്റെ മൂത്ത മോൾ പാർവതി. അയാൾ നിന്നെ വെടിവെച്ചുകൊല്ലും.. ”
” അതൊക്കെ ഞാൻ നോക്കിക്കോളാം… ”
” എടാ അവൾ എട്ടാം ക്ലാസ്സിലാ.. നിന്നെക്കാൾ ഒരു വയസ്സിന് മൂത്തതാ…”.
അതുകേട്ടപ്പോൾ നന്ദുവിന്റെ മുഖമൊന്നു മങ്ങി. പക്ഷെ ജീവിതത്തിലാദ്യമായി പ്രണയിച്ച പെണ്കുട്ടിയെ വിട്ടുകളയാൻ അവന്റെ മനസ്സ് അനുവദിച്ചില്ല.
” അതിനെന്താ സച്ചിൻ തെണ്ടുൽക്കറിനും അഭിഷേക് ബച്ചനും ആവമെങ്കി എനിക്ക് ആവാം..”
അവന്റെ ദൃഢനിശ്ചയത്തിന് മുന്നിൽ ആദി കീഴടങ്ങി.
” ഞാൻ അവളോട് i love you പറഞ്ഞിട്ടു വരാം..”
“ഡാ മണ്ടാ നിക്ക്.. ഒരു പെണ്ണിനെ ആദ്യം പരിചയപ്പെടണം പിന്നെ ഫ്രണ്ടാവണം പിന്ന വേണം പ്രാപ്പോസ് ചെയ്യാൻ”
” അതിപ്പോ എങ്ങനെയാ ഒന്ന് പരിചയപ്പെടുന്നെ…”
” ഒരു വഴിയുണ്ട്…”
” എന്തു വഴി…”
” അടുത്തമാസം നമ്മുടെ യൂത്ത് ഫെസ്റ്റിവൽ അല്ലെ. അതിന് ഞങ്ങൾ ഒരു നാടകം ചെയുന്നുണ്ട്. റോമിയോ ആൻഡ് ജൂലിയറ്റ്.
ശത്രുതയിലുള്ള രണ്ട് കുടുംബങ്ങളിലെ രണ്ടുപേർ തമ്മിലുളള പ്രണയ കഥ. നായിക അവളാണ് പാർവതി. ഡയറക്ടർ ഞാനും. ഞാൻ വിചാരിച്ചാൽ നിന്നെ നായകനാക്കാം..”.
അങ്ങനെ റിഹേഴ്സൽ ക്യാമ്പ് തുടങ്ങി.
ആദ്യ ദിവസം തിരക്കഥയെക്കുറിച്ചുള്ള ചർച്ചയായിരുന്നു. രണ്ടാമത്തെ ദിവസം ഓരോരോ രംഗങ്ങൾ അവതരിപ്പിച്ചു തുടങ്ങി.
സ്ക്രിപ്റ്റിന്റെ ഓരോ കോപ്പി എല്ലാവക്കും നൽകി. മെല്ലെ മെല്ലെ നന്ദു പാർവതിയുമായി സൗഹൃദം സ്ഥാപിച്ചെടുത്തു. റോമിയോ ആൻഡ് ജൂലിയറ്റ് ലെ ഒരു പ്രധാന രംഗമാണ് ബാൽക്കണി സീൻ.ആ സീനിൽ റോമിയോ മതിൽ ചാടിവന്ന് ജൂലിറ്റിന്റെ ബാൽക്കണിയിൽ വച്ച് കണ്ടുമുട്ടുന്നു. അവസാനമവർ ചുംബനത്തിലേർപ്പെടുന്നു. കഥയിൽ ഫ്രഞ്ച് കിസ് ആയിരുന്നങ്കിലും കവിളിൽ ചുംബിച്ചാൽ മതിയെന്ന് നാടകത്തിന്റെ മേല്നോട്ടമുള്ള ലക്ഷ്മി ടീച്ചർ പറഞ്ഞു.