പരിണയ സിദ്ധാന്തം 2 [അണലി] 507

‘ഇനി കൈയോടെ പിടിച്ചു പോലീസിൽ ഏല്പിക്കുക, അതാ വേണ്ടേ ‘ ബെഹളത്തിന് ഇടക്ക് അത് മാത്രം ഞാൻ നല്ല വൃത്തിയായി കേട്ടു..

രാധാകൃഷ്ണൻ സാറും, വിദ്യ മിസ്സും എല്ലാം കെഞ്ചി പറഞ്ഞെങ്കിലും കാര്യം ഒന്നും ഉണ്ടായില്ല…

ഞങ്ങളെ അവർ അടുത്തുള്ള പോലീസ് സ്റ്റേഷനിൽ എത്തിച്ചു..

+++++++++++++++++++++++++++++++++

ഇപ്പോൾ മനസ്സിലായി എന്ന് വിചാരിക്കുന്നു ഞാൻ എങ്ങനെ ഇവിടെ, ഈ പോലീസ് സ്റ്റേഷനിൽ എത്തി എന്ന്. ?

അച്ഛനും അമ്മയും അവിടെ നിന്ന ആ ലേഡി പോലീസ് കാരിയോട് എന്തെക്കെയോ സംസാരിക്കുന്നുണ്ട്, പുള്ളിക്കാരി ഇല്ലാ എന്ന് അർത്ഥത്തിൽ തല ആട്ടി തന്നെ നടന്നു ഞങ്ങളുടെ അടുത്തേക്ക് വന്നു..

‘സമയം കളയാതെ രെജിസ്റ്റർ ഓഫീസിൽ പോകാം.. ബാ ‘ അതും പറഞ്ഞ് പുള്ളിക്കാരി ശ്രുതിയുടെ തോളിൽ പിടിച്ചു മുന്നോട്ട് കൊണ്ടുപോയി..

‘നിന്നോട് ഇനി പ്രിത്യേകം പറയണോ ‘ ഒരു പോലീസ് കാരൻ പറഞ്ഞപ്പോൾ ഞാനും ശ്രുതിയുടെ പുറക്കെ നടന്നു.. ?

സ്റ്റേഷന് വെളിയിൽ ഇറങ്ങിയപ്പോൾ എല്ലാരും എന്നെ മിഴിച്ചു നോക്കുന്നു ?

എന്തോ ISIS തീവ്രവാദിയെ എക്കെ കണ്ട കൗതുകം ആരുന്നു അവരുടെ മുഖത്ത്..

ഹരി സാർ എന്നെ കൂട്ടി കൊണ്ടു പോയി പുള്ളിടെ വണ്ടിയിൽ ഇരുത്തി.

മുന്നോടുള്ള യാത്രയിലെ ഓരോ നിമിഷവും ഓരോ വർഷം പോലെ തോന്നി..

ഇടക്ക് ഒരു തുണി കടയുടെ മുന്നിൽ സാർ നിറുത്തി, ഒരു 5 മിനിറ്റ് കഴിഞ്ഞപ്പോൾ ആ കടയിൽ നിന്നും ഷാരോൺ ചേച്ചി ഇറങ്ങി വന്ന് എന്നെ വിളിച്ചോണ്ട് അകത്തേക്ക് പോയി… ഉണ്ണി ചേട്ടൻ എന്നെ ഡ്രസിങ് റൂമിൽ കൊണ്ടുപോയി ഡ്രസ്സ്‌ എക്കെ മാറി തന്നു.. ഒരു വെള്ള ഷർട്ട്‌, നെവി ബ്ലൂ പാന്റും സ്യൂട്ടും ..

തിരിച്ചു വന്ന് ഞാൻ ഹരി സാറിന്റെ വണ്ടിയിൽ കേറി ഇരുന്നു, ഒരു അര മണിക്കൂർ കഴിഞ്ഞപ്പോൾ വണ്ടി മുന്നോട്ട് നീങ്ങി…

ഹരി സാറിനോട് എല്ലാം പറയണം എന്നുണ്ട് പക്ഷെ സാർ ഒന്നും ചോദിക്കുന്നില്ല ?