പിന്നെ വായിക്കാം ന്നു വെച്ചാൽ ചെലപ്പോ ഇനി അവസരം കിട്ടില്ല…
അതുകാരണം ഇത്തിരി തലവേദന ഉണ്ടെങ്കിലും ഇരുന്നു വായിച്ചു….
സത്യത്തിൽ വല്ലാത്ത സന്തോഷം തോന്നി… മുഴുവൻ വായിക്കാൻ തോന്നിയതിൽ ട്ടോ…
അത്രയ്ക്കിഷ്ടപ്പെട്ടു എനിക്ക്… മനസ്സിന് വല്ലാത്തൊരു സന്തോഷം തോന്നുന്നു…

“അതി ബൃഹത്തായ ഒരു കുടുംബചിത്രം…”

ഈ പാർട്ടിനെ അങ്ങനെ വേണം വിശേഷിപ്പിക്കാൻ…
അനു…
ശരിക്കും തന്നെ സമ്മതിക്കണം…
ഇത്രയ്ക്കും ക്ഷമയോടെ കഥാപാത്രങ്ങളുടെ ഓരോ നിമിഷങ്ങളിലൂടെയും ഇത്രയ്ക്ക് അതിസൂക്ഷ്മതയോടെ സഞ്ചരിക്കുന്നതിന്….

അത്രയ്ക്കധികം വ്യക്തതയോടെ, വിശദീകരണങ്ങളിലൂടെ ഓരോരുത്തരുടെയും മാനസികവ്യാപാരങ്ങളെ ഇത്രകണ്ട് എടുത്തെഴുതിയ ഒരു കഥ ഈ സൈറ്റിൽ വേറാരും എഴുതിയിട്ടില്ലെന്ന് നിസ്സംശയം പറയാം..
ഇപ്പൊ സത്യത്തിൽ ഒരു വര്ഷം കഴിഞ്ഞാണ് ഈ കഥ വന്നതെന്നത് ഒരു അത്ഭുതമായി തോന്നുന്നില്ല..
കാരണം ഇത്രയും സൂക്ഷ്മതകളിലേക്ക് കടന്നെഴുതാൻ…

സത്യം… എന്നെക്കൊണ്ട് തപസ്സിരുന്നാൽ ഇങ്ങനെഴുതാൻ പറ്റില്ല…
അവസാനം ഞാൻ ഇരുന്നിടത്തുന്ന് സമാധിയാവണ്ടിവരും..
നമ്മളെക്കൊണ്ട് വല്ല അല്ലറചില്ലറ ഉഡായിപ്പെഴുതി ഇടാൻ അല്ലാതെ,
ഇത്രയും സീരിയസ്സായി, ക്ളോക്ക് റിപ്പയറിങ്ങുകാരുടെ അത്രയും അതി സൂക്ഷ്മതയോടെ കഥാപാത്രങ്ങളെ സമീപിക്കാനൊന്നും എനിക്കുസാധിക്കില്ല..

അനു..
താനൊരു സംഭവം തന്നെയാണ്…
വേണ്ടത്ര അംഗീകാരം ലഭിക്കാതെ പോകുന്ന, വെറും കണ്ണാടിച്ചില്ലുകളെന്നു കരുതി മറ്റുള്ളവരുടെ കണ്ണിൽപ്പെടാതെ പോകുന്ന അപൂർവരത്നങ്ങളിൽ ഒന്ന്….
എഴുതുക…
മുൻപൊരിക്കൽ പറഞ്ഞതുപോലെ…. മറ്റാരെയും ബോധിപ്പിക്കാനല്ല..
സ്വയം ബോധ്യപ്പെടാൻ…. സ്വയം മറന്നെഴുതുക…
കഥാപാത്രങ്ങളിലേക്ക് സമ്മിശ്രവികാരങ്ങളെ പകർത്തിയെഴുതി നിവരുമ്പോഴുള്ള സന്തോഷത്തോടെ ഇനിയും ഇനിയും എഴുതുക….
ആ സന്തോഷം നിന്നിൽ ഒരിയ്ക്കലും മായാതെ നിലനില്കുമാറാകട്ടെ…

എമിലി ഡാനിയൽ ഡിസൂസ….
ഇനി അതിനെ ഒന്ന് കാണണേൽ അടുത്ത കൊല്ലം ജനുവരി വരെ കാത്തിരിക്കേണ്ടി വരുവോ??
കാത്തിരുന്നാലും സാരമില്ല… നിങ്ങളെടുക്കുന്ന ഈ ആത്മാർത്ഥമായ എഴുത്തിനുമുന്പിൽ കാലം പോലും ഒരല്പം വേഗം കുറച്ചേ പറ്റു…

ആദരപൂർവം
സിമോണ.

ഠപ്പേ ന്നു പൊട്ടിവീണ ഈ കമന്റ് കണ്ട്, ഞാൻ എടയ്ക്കെടയ്ക്ക് ഈ എരിയെക്കൂടെ പാത്തും പതുങ്ങിയും നടക്കണുണ്ടെന്ന് വിചാരിക്കല്ലേ…
സത്യായിട്ടും രണ്ടാഴ്ച്ചയായിട്ട് പനി പിടിച്ച് കിടപ്പാ… പകർച്ചപ്പനി ആന്നാ അപ്പോത്തിക്കരി പറഞ്ഞേ..
ഇനി ഇങ്ങോട്ടെങ്ങാൻ വന്നിട്ട് വായനക്കാർക്കോ എഴുത്തുകാർക്കോ എന്റേതല്ലാത്ത കാരണത്താൽ വല്ല തുമ്മലുവന്നാൽ…
ഇനി ആ പേരും കൂടി കേൾക്കാൻ എനിക്ക് വയ്യ… സത്യായിട്ടും അതാ…

ഇതിപ്പോ “മോരും കൊടം വീണത് ചോറ്റ്ക്ക്..” ന്നു പറഞ്ഞപോലെ സൈറ്റ് തുറന്നതും ഹോം പേജിൽ ദേ കെട്ക്ക്ണ് പരിചയൊള്ളോരു പേര്…
ഇത് ഞാൻ പണ്ടെവിടെയൊ കണ്ടിട്ടുണ്ടല്ലോ ന്നു വെച്ച് തുറന്നു നോക്ക്യേപ്പളാ…

നേരെന്നെ….
കഴിഞ്ഞ കൊല്ലം ജനുവരില് ഒരു മൂപ്പര് എഴുതി സസ്പെന്സിട്ട് കാശിക്കു പോയതാ….
അതും ഒന്നല്ല… രണ്ടു സസ്‌പെൻസും ഇട്ട്…. (ഡബിളാ.. കുമ്പിടി)

ഒരു എട്ടു ദിവസം കൂടി കഴിഞ്ഞു പബ്ലിഷിയിരുന്നേൽ നമ്മക്ക് വാർഷികാഘോഷം കൂടി പൊടിക്കായിരുന്നു…

ഇതിപ്പോ ഇത്രേം ഇൻട്രോ…
തല പൊങ്ങീട്ട് രണ്ടുസായുള്ളു…
എട്ടുപേജോളം വായിച്ചു….
കോൾഡും തലവേദനേം ഫുള്ളായി മാറീട്ടില്ല… കമ്പ്യൂട്ടറും മൊബൈലും നിരോധിച്ചേക്കുവാ കുടുമ്മത്ത്….
ഒറ്റ അടിക്ക് ഇരുന്നു വായിച്ചാ ചെലപ്പോ പണി പാളും…

കഴിഞ്ഞ പാർട്ടിൽ ക്യാംപസ് പ്രണയത്തിലൂടെ എല്ലാരേം ഇട്ടു ഇക്കിളികൊള്ളിച്ച് പരുവത്തിലാക്കിയ ആൾ ഇത്തവണ ഒക്കെറ്റിനേം സെന്റി അടിപ്പിച്ച് പരിപ്പെടുപ്പിക്കുമെന്ന് തോന്നുന്നുണ്ട്…
എട്ടാം പേജുവരെ എത്തിയപ്പോൾ ഏതാണ്ടൊരു സ്മെല് അതിന്റെ അടിക്കുന്നുണ്ട്….

ബാക്കി ഇത്തിരി ബ്രെക്ക് എടുത്ത് വായിച്ച് പറയാ ട്ടാ…

എന്നാലും എന്റെ ഒരു സമാധാനത്തിന് ഒരു കുഞ്ഞു ട്രോള്…..
(അതില്ലാണ്ട് എന്തുട്ട് ഞാൻ ന്നേ??? അല്ലെങ്കെ തന്നെ നമ്മടെ അനുക്കുട്ടനോടല്ലേ…)

*********************************************************
എട്ടാം പേജിൽ കണ്ട …”ഐശ്വര്യമാർന്ന മേശപ്പുറം”….

(സിമോണ) മാതാവേ അതെന്തുട്ട്!!!!!

കംപ്യൂട്ടർനിനരികിൽ നിന്ന് ഓടി, ഡൈനിങ് ടേബിളിൽ ഇരുന്ന, തൊലി കറുത്ത് ചുങ്ങിത്തുടങ്ങിയ, നാലാന്നാള് വാങ്ങിയ ഞാലിപ്പൂവനും, കഴിഞ്ഞ മാസം ലിനി ചിറ്റേടെ അവിടന്ന് കൊണ്ടന്നതിൽ ബാക്കിയുള്ള നാലര അച്ചപ്പവും, പൊട്ടിപൊടിഞ്ഞ കുഴലപ്പ കുഞ്ഞുങ്ങളും എടുത്ത് കവറിലാക്കി അലമാരെടെ സൈഡിലേക്ക് വെച്ച്, അടുക്കളയിൽ കിടന്ന കൈക്കിലത്തുണി എടുത്ത് മേശപ്പുറം നല്ല വൃത്തിയായി തുടച്ച് സ്ഥാനം മാറി കിടന്നിരുന്ന നാലു കസേരകളും നേരെയിട്ട് നോക്കിയപ്പോൾ…
ദേ കിടക്കുന്നു….

നല്ല ഐശ്വര്യമാർന്ന ഒരു മേശപ്പുറം!!!!

വീണ്ടും ആ കവറിലെ അച്ഛപ്പോം കുഴലപ്പോം തിരിച്ച് ടേബിളിൽ വെച്ചു.
എന്റെ വക ഒരു കുപ്പി വെള്ളോം…
അതോടെ ഐശ്വര്യമാർന്ന മേശപ്പുറം വിശിഷ്‌ട പാനീയങ്ങളാലും സ്വാദിഷ്‌ട ഭക്ഷണങ്ങളാലും നിറഞ്ഞു

********************************************************
ഇനി ഇതിന്റെ പേരിലെങ്ങാൻ ഞാൻ കളിയാക്കി ന്നു പറഞ്ഞാൽ!!!!!
മുള്ളുമ്മേ നിർത്തി മുള്ളിക്കും ഞാൻ…
ഞാൻ ട്രോളാൻ തുടങ്ങിയാ… ആ…. അറിയാലോ….
നിന്നോട് ഇങ്ങനൊക്കെ രണ്ടു പറഞ്ഞാലേ നീ നേരെയാവു അനുകുട്ടാ….
അല്ലെങ്കി സെന്റിക്കുട്ടൻ ആവും….

അപ്പൊ കഥയെപ്പറ്റിയുള്ള അഭിപ്രായം നേരം പോലെ എഴുതാ ട്ടാ…
വായിച്ചു തുടങ്ങീണ്ട് ന്നു അറിയിക്കാനാ കൃത്യമായി നിർത്തിയ സ്ഥലത്തെപ്പറ്റി മേലെ ട്രോളിയത്….

സ്നേഹത്തോടെ
സ്വന്തം
സിമോണ.