രണ്ടു മിഴികൾ നിറഞ്ഞപ്പോൾ 5 [Garuda] 610

“”നിന്റെ ഫോണും ബാഗുംഎവിടെ “” കുറച്ചു നേരത്തിനു ശേഷം ആവണി ചോദിച്ചു..

ഞാൻ അവരെ നോക്കി മിണ്ടാതിരുന്നു.. അവരെന്നെ സമാധാനിപ്പിച്ചു കൊണ്ടേയിരുന്നു.. സഹിക്കാൻ കഴിയാതെ വന്നപ്പോൾ ആവണിയുടെ മുന്നിൽ വച്ചുതന്നെ മിയ എനിക്ക് കവിളിലൊരു ഉമ്മ തന്നു. അപ്പോൾ മാത്രം എന്റെ മനസ്സിൽ അൽപ്പം ഓർമ്മകൾ വന്നത് പോലെ. ഞാനവളെ നോക്കി.. ആവണി നോക്കി നിൽക്കെ ഞാൻ അവൾക്കു തിരിച്ചും ചുംബനം നൽകി. അതുകണ്ടു സന്തോഷത്തോടെ കരഞ്ഞുകൊണ്ട് ചിരിച്ച ആവണിയെ ഞാൻ എന്റെ അടുത്തേക്ക് വലിച്ചടുപ്പിച്ചു.. അവൾക്കും ഒരുമ്മ കൊടുത്തു. രണ്ടുപേരും സന്തോഷത്തോടെ വീണ്ടും എന്നെ കെട്ടിപിടിച്ചു. സമാധാനത്തോടെ സന്തോഷത്തോടെ ഒരുപാട് ഉമ്മകൾക്കൊണ്ട് അവരെന്നെ പൊതിഞ്ഞപ്പോൾ അൽപ്പം കണ്ണീർ വീഴ്ത്തി ഞാനും അവരെ ചേർത്തിരുന്നു..

“”നിനക്ക് എല്ലാം തുറന്നു പറഞ്ഞാലെന്താ പ്രശ്നം.. ഞങ്ങൾ മാഡത്തിനോട് സംസാരിച്ചിരുന്നു.. അവരെല്ലാം ഞങ്ങളോട് പറഞ്ഞു.. നീയവർക്ക് ഒരു സഹോദരനെ പോലെയാണെന്നും അവരുടെ കുടുംബത്തെ വീണ്ടും ഒന്നിപ്പിച്ചത് നീയാണെന്നുമൊക്കെ പറഞ്ഞു.. ഞങ്ങൾക്കെല്ലാം മനസിലായി “” മിയയുടെ ആ വാക്കുകൾ മനസിന്‌ വീണ്ടും സമാധാനം നൽകി.

“”ഞങ്ങളെത്രെ പേടിച്ചു.. കുറച്ചു നേരത്തെക്കാണെങ്കിലും നിന്നെ ഞങ്ങൾ തെറ്റിദ്ധരിച്ചു “” എന്റെ കൈകളിൽ പിടിച്ചു മാപ്പ് പറയുന്നത് പോലെ ആവണി പറഞ്ഞു..

“”വിശക്കുന്നു “” സ്റ്റേഷനിൽ നിന്നും ഒന്നും കഴിച്ചിട്ടില്ലാത്ത ഞാൻ വിശപ്പ് സഹിക്കാനാവാതെ പറഞ്ഞു.