രതിശലഭങ്ങൾ ലൈഫ് ഈസ് ബ്യൂട്ടിഫുൾ 13 [Sagar Kottapuram] 1147

രണ്ടുപേരെയും നോക്കി ചിരിച്ചു യാത്ര പറഞ്ഞുകൊണ്ട് മഞ്ജു സ്റ്റെപ്പിൽ കിടന്ന ചപ്പൽസ് ഇട്ടു . ഇറങ്ങാൻ നേരം എന്റെ അമ്മച്ചി റോസ്‌മോളുടെ കവിളിലൊരു ഉമ്മയും കൊടുത്തു .”ചുന്ദരി പെണ്ണായല്ലോ …”
റോസ്‌മോളുടെ കോലം നോക്കി അമ്മച്ചി ചിരിച്ചു . അവരോടൊക്കെ ഒരുവട്ടം കൂടി മുഖം കൊണ്ട് ഗോഷ്ടി കാണിച്ചു യാത്ര ചോദിച്ചു മഞ്ജുസ് ഞങ്ങൾക്ക് നേരെ നടന്നടുത്തു . ആദിയേയും അടുത്തുനിൽക്കുന്ന അഞ്ജുവിന്റെ അരികിലേക്ക് വന്നുകൊണ്ട് മഞ്ജുസ് ഒന്ന് ഇളിച്ചു കാണിച്ചു .

“ഡീ ..ഞാൻ പറഞ്ഞതൊന്നും കാര്യമാക്കണ്ട ട്ടോ ..”
എല്ലാം ചുമ്മാതാണെന്ന ഭാവത്തിൽ മഞ്ജു തട്ടിവിട്ടു .

“ഓഹ്..എനിക്കും അതെന്നെയാ പറയാനുള്ളത് ..”
അഞ്ജു സ്വല്പം വെയ്റ്റ് ഇട്ടുകൊണ്ട് ഗൗരവത്തിൽ പറഞ്ഞു .

“ആണോ ..ഞഞ്ഞായി ..”
ചിരിയോടെ പറഞ്ഞുകൊണ്ട് മഞ്ജുസ് റോസിമോളെ എനിക്ക് നൽകി . അതിനു മുൻപേ അവള് എന്റെ അടുത്തേക്ക് ചാടാൻ വേണ്ടി തിടുക്കം കൂട്ടുന്നുണ്ടായിരുന്നു .

റോസിമോളെ ഞാൻ വാങ്ങിയതോടെ മഞ്ജു കാറിന്റെ പിൻവാതിൽ തുറന്നു ബാഗ് സീറ്റിലേക്കിട്ടു . പിന്നെ വീണ്ടും അഞ്ജുവിനു നേരെ തിരിഞ്ഞു .

“നീ വരണോ ഞങ്ങളുടെ കൂടെ ?”
അഞ്ജുവിന്റെ തോളിൽ തോണ്ടിക്കൊണ്ട് മഞ്ജുസ് പുരികങ്ങൾ ഇളക്കി .

“ഞാനൊന്നും ഇല്ല ..നമ്മളിവിടെ നിന്നോളാമെ ”
അഞ്ജു ഒരു ദീർഘ ശ്വാസം എടുത്തുകൊണ്ട് പറഞ്ഞു .

“അതെന്താടീ അങ്ങനെ ? നിനക്കെന്റെ വീട്ടിലൊട്ടൊക്കെ ഇടക്കു വന്നൂടെ ? അച്ഛൻ എപ്പോഴും നിന്റെ കാര്യം പറയാറുണ്ട് ”
മഞ്ജുസ് സ്വല്പം കാര്യമായി തന്നെ പറഞ്ഞു .

“പിന്നെ ആവാം ചേച്ചി ..ഇപ്പൊ നിങ്ങള് ചെല്ല്..വെറുതെ നേരം വൈകിക്കണ്ട ”
അഞ്ജു അതെല്ലാം പിന്നെ സംസാരിക്കാം എന്ന മട്ടിൽ തിരക്ക് കൂട്ടി .

“ഇഷ്ടമല്ലെങ്കിൽ അത് പറ ..ഞാനിനി ചോദിക്കില്ല ”
അഞ്ജുവിന്റെ ഒഴിഞ്ഞുമാറാൻ കണ്ടു മഞ്ജുസ് ദേഷ്യപ്പെട്ടു .

“അയ്യോ….ഇതിന്റെ ഒരു കാര്യം …അങ്ങനെ ഒന്നും ഇല്ല ചേച്ചീ ..നാളെ എനിക്ക് എന്റെ ഫ്രണ്ടിന്റെ മാര്യേജ് നു പോണം . പിന്നെങ്ങനെയാ നിങ്ങളുടെ കൂടെ വരണത് ”
അഞ്ജു അവളുടെ നിസഹായത പറഞ്ഞു കണ്ണുരുട്ടി .

“ഓഹ് ..”
അതുകേട്ടു മഞ്ജു പുച്ഛത്തോടെ മൂളി . പിന്നെ മുൻവശത്തെ ഡോർ തുറന്നു ആദിയേ അഞ്ജുവിന്റെ കയ്യിൽ നിന്നും തിരികെ വാങ്ങി . ആ സമയം കൊണ്ട് ഞാൻ ഡ്രൈവിംഗ് സീറ്റിലേക്ക് ചെന്ന് കയറിയിരുന്നു . റോസ് മോളെ എന്റെ മടിയിൽ തന്നെ ഇരുത്തി .

“എന്ന പോട്ടെടി..”
ഞാൻ അഞ്ജുവിനെ നോക്കി കൈവീശി . അതോടൊപ്പം റോസ്‌മോളും അവളെ നോക്കി കൈവീശി .

“താ .. റ്റാ…”
അഞ്ജുവിനെ നോക്കി കൈവീശി കാണിച്ചു റോസിമോള് ചിരിച്ചു .

“ഓഹ് അവൾക്കു ടാറ്റ പറയാൻ മാത്രം അറിയാം ….”