മഞ്ജുസും ആ വാദത്തെ പിന്താങ്ങി ചിരിച്ചു . പിന്നെ എന്നെയൊന്നു തിരിഞ്ഞു നോക്കി യാത്രാമൊഴി ചൊല്ലി . അതോടെ ഞങ്ങള് ഓഫീസ് ക്യാബിനു പുറത്തിറങ്ങി മഞ്ജുവിന്റെ അച്ഛന്റെ അടുത്തേക്ക് നീങ്ങി . റോസ്‌മേരിയുടെ ഭർത്താവായ റോബിന്റെ കൂടെ പുള്ളി അവിടെ സോഫയിലിരുന്നു സംസാരിക്കുന്നുണ്ട് . ഞങ്ങളെ കണ്ടതും അവർ സംസാരം അവസാനിപ്പിച്ചുകൊണ്ട് എഴുനേറ്റു .
“അആഹ്..എന്ന പിന്നെ വരട്ടെ മോനെ ..കാണാം ..”
റോബിന് ഹസ്തദാനം നൽകികൊണ്ട് മഞ്ജുവിന്റെ അച്ഛൻ ചിരിച്ചു . അതിനു റോബിനും സന്തോഷത്തോടെ തലയാട്ടി .
“എന്ന പിന്നെ നമ്മൾക്കങ്ങോട്ടു നീങ്ങിയാലോടി?”
എന്റെ കൂടെ ഒട്ടിനിൽക്കുന്ന മഞ്ജുവിനെ നോക്കികൊണ്ട് അവളുടെ അച്ഛൻ ചോദിച്ചു .
“ഹ്മ്മ്..”
അതിനു അവൾ പയ്യെ മൂളി .
“ആഹ്…എന്ന മോനെ…റോസ് മോളെ …അങ്ങനെ ആവട്ടെ .ഒകെ നന്നായി വരാൻ അച്ഛൻ പ്രാർത്ഥിക്കാം ”
മഞ്ജുസിനെ നോക്കി തലയാട്ടി , ശേഷം എന്റെയും റോസമ്മയുടെയും തോളിൽ പയ്യെ തട്ടി പറഞ്ഞുകൊണ്ട് പുള്ളി ചിരിച്ചു .
“ശരി അച്ഛാ …ഇടക്കൊക്കെ ഇതുപോലെ വരണേ..”
അതിനുള്ള മറുപടി റോസമ്മയാണ് ചാടിക്കയറി പറഞ്ഞത് .
“ഇവിടേക്കോ ? ഹ ഹ ..നോക്കട്ടെ ..”
പുള്ളി അതിനു പയ്യെ ചിരിച്ചുകൊണ്ട് ഒരു മറുപടിയും നൽകി .
“അപ്പൊ ഇയാളെന്നാടോ ഇനി തിരിച്ചു വരുന്നേ ?”
ഒന്നും മിണ്ടാതെ നിൽക്കുന്ന എന്നോടായി മഞ്ജുവിന്റെ അച്ഛൻ തിരക്കി .
“അയ്യോ…മാക്സിമം രണ്ടീസം .അത് കഴിഞ്ഞ വരും അച്ഛാ ..”
ഞാൻ സ്വല്പം ഭയഭക്തി ബഹുമാനത്തോടെ തട്ടിവിട്ടു .
“ആഹ്…എന്നാൽ പിന്നെ അങ്ങനെ ആവട്ടെ…പിന്നെ സ്വന്തം ബിസിനെസ്സ് ഒകെ ആയി എന്നുവെച്ചു ഇരിക്കുന്ന കൊമ്പു വെട്ടണ്ട ട്ടോ ..”
എന്റെ സ്വഭാവമൊക്കെ ഏറെക്കുറെ പഠിച്ചു വെച്ചെന്ന മട്ടിൽ പുള്ളി പറഞ്ഞു ചിരിച്ചു . കൂടെ നിന്ന മഞ്ജുസും റോസ്‌മേരിയും റോബിനുമെല്ലാം അതുകേട്ടു ഒന്ന് ചിരിയാടക്കിയെന്നു എനിക്ക് തോന്നി !
“ഏയ് ഇല്ലച്ഛാ ,,നമ്മുടെ ബിസിനെസ്സ് ഒകെ ഞാനേറ്റു ..”
സ്വല്പം ജാള്യതയോടെ തന്നെ ഞാൻ പറഞ്ഞു തലചൊറിഞ്ഞു . അതോടെ ആ സംഗമം അവസാനിപ്പിച്ചുകൊണ്ട് മഞ്ജുവും അവളുടെ അച്ഛനും ഞങ്ങയോടു യാത്ര പറഞ്ഞു ഇറങ്ങി .
“ഡാ കവിനെ , ഞാൻ ചുമ്മാ പറയുവല്ല …എന്ത് രസാടാ നിങ്ങളുടെ കെമിസ്ട്രി കാണാൻ ..”
മഞ്ജുസ് അച്ഛനൊപ്പം നടന്നു നീങ്ങുന്നത് നോക്കി റോസമ്മ എന്റെ ചെവിയിൽ ചെറിയ അസൂയയോടെ തന്നെ പറഞ്ഞു .റോബിൻ ആ സമയത്തു എങ്ങോട്ടോ മാറിയതുകൊണ്ട് റോസമ്മക്ക് മനസു തുറക്കാനും അത് സൗകര്യം ആയി .