രതിശലഭങ്ങൾ ലൈഫ് ഈസ് ബ്യൂട്ടിഫുൾ [Climax] [ രതിശലഭങ്ങൾ സീരീസ് 101 ] 1586

ഞാൻ അത് കഴിച്ചോണ്ടിരിക്കെ ആണ് മായേച്ചിയെ കാണാൻ പോയ അച്ഛനും അമ്മയും തിരികെ എത്തുന്നത് .

മഞ്ജുസിന്റെ ആക്ടിവയിൽ ആണ് രണ്ടുപേരും കൂടി പോയത് . എന്റെ കാർ മുറ്റത്തു കിടക്കുന്നത് കണ്ടപ്പഴേ ഞാൻ എത്തിയ കാര്യം രണ്ടുപേരും മനസിലാക്കിയിട്ടുണ്ടാകും .

സ്‌കൂട്ടർ നിർത്തി ഇറങ്ങിയ രണ്ടുപേരിൽ അച്ഛൻ ഉമ്മറത്ത് തന്നെ ഇരുന്നു . പിന്നെ അമ്മയോട് സ്വല്പം വെള്ളം എടുത്തു കൊണ്ടുകൊടുക്കാൻ പറഞ്ഞു . അതോടെ മമ്മി ഹാളിലേക്ക് കയറി.

“നീ എന്താടാ പെട്ടെന്ന് ?”
ചായ കുടിച്ചോണ്ടിരിക്കുന്ന എന്നെ നോക്കി അമ്മച്ചി തിരക്കി .

“വിവരം അറിഞ്ഞപ്പോ ഇങ്ങു പോന്നതാ …എന്താ അമ്മേടേം കുട്ടിയുടേം പാട് ?”
ഞാൻ ദോശ വായിലിട്ടു ചവച്ചുകൊണ്ട് തന്നെ അമ്മയെ നോക്കി .

“കുഴപ്പം ഒന്നും ഇല്ല…നിന്റെ പിള്ളേരെപ്പോലെ ഒന്നുമല്ല ..നല്ല തൂക്കം ഒക്കെയുണ്ട് ”
അമ്മച്ചി എനിക്കിട്ടു ഒന്ന് താങ്ങി .

“ആഹ് ..നല്ലകാര്യം …”
ഞാൻ അതുകേട്ടു ഒന്ന് പുഞ്ചിരിച്ചു . മഞ്ജുസ് ആ സമയത്ത് റോസിമോളെ കിടത്താൻ വേണ്ടി മുകളിലേക്ക് കയറിപോയിരിക്കുവായിരുന്നു .

“അവിടെയിപ്പോ ആരാ ഉള്ളത് ?”
ഞാൻ വീണ്ടും അന്വേഷിച്ചു .

“അമ്മായിയും കൃഷ്ണൻ മാമയും വിവേകും ഒകെ ഉണ്ട് …പിന്നെ ഹേമേച്ചിയും ഉണ്ട് ”
അമ്മച്ചി പയ്യെ തട്ടിവിട്ടു . പിന്നെ അടുക്കളയിലേക്ക് പോയി ചൂടുവെള്ളം എടുത്ത് അച്ഛന് കൊണ്ടുപോയി കൊടുത്തു തിരികെ ഹാളിലേക്ക് തന്നെ വന്നിരുന്നു .

പിന്നെ സീരിയൽ കാണാൻ വേണ്ടി അഞ്ജുവിന്റെ കയ്യിൽ നിന്ന് റിമോർട്ട് വാങ്ങിക്കൊണ്ട് ചാനെൽ മാറ്റി .

“അല്ല ….ഇവരൊക്കെ ഹോസ്പിറ്റലിൽ തന്നെ ആണോ താമസം ?”
ഞാൻ അമ്മയെ സംശയത്തോടെ നോക്കി .

“അല്ലേടാ ചെക്കാ …കൃഷ്ണൻ മാമയും വിവേകും രാത്രി വീട്ടിലോട്ടു പോവും…റൂമിൽ നിന്റെ അമ്മായിയും ഹേമേച്ചിയും മാത്രേ ഉള്ളു ”
അമ്മച്ചി കാര്യങ്ങൾ വ്യകത്മാക്കി സീരിയലിൽ മുഴുകി . ഞാൻ പിന്നെ ഒന്നും ചോദിയ്ക്കാൻ നിക്കാതെ വേഗം കഴിച്ചു തീർത്തു . ശേഷം ആദിയെ എടുത്തുകൊണ്ട് മുകളിലേക്ക് കയറിപ്പോയി . മഞ്ജുസ് അവിടെ ഇരുന്നു ബുക്സ് റെഫർ ചെയ്യുന്നുണ്ട് . പിറ്റേന്ന് കോളേജിൽ പോയി അടിക്കാനുള്ളതാണ് !

“പോയെ പോയെ …ഇങ്ങോട്ട് വരണ്ട ”
ഞാൻ റൂമിലേക്ക് കയറിയതും മഞ്ജുസ് കൈകൊണ്ട് ഗെറ്റ് ഔട്ട് അടിച്ചു .

“ഞാൻ ഒന്നും ചെയ്യുന്നില്ല..മിണ്ടാതെ ഇരുന്നോളാം ”
ഞാൻ അവളെ നോക്കി ചിരിച്ചു .

“ഇതൊക്കെ പറച്ചില് മാത്രേ ഉളളൂ..ചൊറിയൻ പുഴു ”
എന്നെ നോക്കി കണ്ണുരുട്ടി മഞ്ജുസ് ആരോടെന്നില്ലാതെ പറഞ്ഞു . ഞാൻ അതിനു മറുപടി ഒന്നും പറയാതെ ബെഡിലേക്ക് ചെന്ന് ആദികുട്ടനെ ഇറക്കിവിട്ടു . അതോടെ അവനു മുട്ടേലിഴഞ്ഞു മഞ്ജുസിന്റെ മടിയിലേക്ക് കേറിക്കൂടി .