രതിശലഭങ്ങൾ ലൈഫ് ഈസ് ബ്യൂട്ടിഫുൾ 8 [Sagar Kottapuram] 1300

എന്റെ മറുപടി കേട്ട് കുഞ്ഞാന്റി ചിരിച്ചു . പിന്നെ റോസ് മോളെയും എടുത്തു തിണ്ണയിൽ നിന്നും എഴുന്നേറ്റു .”നീ എന്നെ വിളിക്കാനായിട്ട് വന്നതാണോ ? ”
എന്നോടൊപ്പം അകത്തേക്ക് നടക്കുന്നതിനിടെ കുഞ്ഞാന്റി സംശയത്തോടെ ചോദിച്ചു .”പിന്നല്ലാതെ …”
ഞാൻ അതിനു പയ്യെ മറുപടി നൽകി .

“ഹ്മ്മ് …ഞാൻ വീണയെ വിളിക്കാൻ നിക്കുവായിരുന്നു ..അപ്പോഴാ  നിന്റെ ഹോണടി കേട്ടത് ”
കുഞ്ഞാന്റി ഗൗരവത്തോടെ തന്നെ പറഞ്ഞു .

“ആഹ് ..എന്ന വേഗം ചെറുക്കനെ എടുക്ക്..നമുക്ക് പോകാം ..”
ഹാളിലേക്ക് കടന്നുകൊണ്ട് ഞാൻ തിരക്ക് കൂട്ടി . അപ്പോഴാണ് സോഫയിലിരുന്നു കാർട്ടൂൺ കാണുന്ന കുഞ്ഞാന്റിയുടെ ഇളയ പുത്രനെ കാണുന്നത് .

“ഡാ അപ്പൂസേ…മാമനെ മറന്നാ ?”
ഞാൻ അവനെ നോക്കി കൈവീശി .  അതിനു അവൻ തിരിച്ചും കൈവീശി ചിരിച്ചു .

“ഡാ അപ്പു ..മതി ..നമുക്ക് പോണ്ടേ ..”
റോസ് മോളെ എനിക്ക് തന്നെ ഹാൻഡ് ഓവർ ചെയ്തു കുഞ്ഞാന്റി ചെറുക്കനോടായി ചോദിച്ചു .പിന്നെ അവന്റെ മറുപടിക്കു കാക്കാതെ ടി.വി ഓഫ് ചെയ്തു . കുഞ്ഞാന്റിയെ പേടിയുള്ളതുകൊണ്ട് എന്തോ ചെറുക്കൻ ഒന്നും മിണ്ടിയില്ല .

“വാടാ …”
കുഞ്ഞാന്റി അവനെ നോക്കി കൈമാടി വിളിച്ചു . അതോടെ അവിനാശ് സോഫയിൽ നിന്നും താഴേക്കിറങ്ങി അവൾക്കടുത്തേക്ക് ഓടിവന്നു .പിന്നെ അവനെ എടുക്കണമെന്ന ആവശ്യം പോലെ കുഞ്ഞാന്റിക്ക് നേരെ കൈകൾ ഉയർത്തി .

“അമ്മക്ക് വയ്യെടാ അപ്പൂസേ ..നീ നടക്ക്..”
ചെക്കന്റെ ചിണുക്കം കണ്ടതും കുഞ്ഞാന്റി താഴെക്കിരുന്നുകൊണ്ട് പറഞ്ഞു . പിന്നെ അവന്റെ കവിളിൽ പയ്യെ ഒരുമ്മ നൽകി .

“അമ്മേടെ മുത്തല്ലേ ..നടക്കെടാ..”
അവൾ ചെറുക്കനെ നോക്കി ചിണുങ്ങി . അതോടെ അവൻ സമ്മതിച്ചുകൊണ്ട് തലയാട്ടി .

“മാമ ..മുട്ടായി ?”
കുഞ്ഞാന്റിയുടെ ഊഴം കഴിഞ്ഞതും ചെക്കൻ എന്റെ നേരെ തിരിഞ്ഞു . ഞാൻ വീട്ടിൽ വരുമ്പോഴൊക്കെ അവനു ചോക്ലേറ്റ്സ് കൊണ്ട് കൊടുക്കാറുണ്ട് . ആ കാര്യമാണ് കക്ഷി ചോദിച്ചത് .

“അയ്യോടാ ..മാമൻ മറന്നെടാ അപ്പൂസേ …സാരല്യ മ്മക്ക് പോണവഴിക്ക് വാങ്ങാം ..”
ഞാൻ അവനെ ആശ്വസിപ്പിക്കാനെന്നോണം പറഞ്ഞു .

“ആഹ്…കിന്റർ ജോയും വേണം …”
അവൻ പിന്നെയും ആവശ്യങ്ങൾ മുന്നോട്ടുവെച്ചു .

“ആഹ്..അതും …നീ വാ മ്മക്ക് പോകാം ”