രതിശലഭങ്ങൾ ലൈഫ് ഈസ് ബ്യൂട്ടിഫുൾ 8 [Sagar Kottapuram] 1303

അതോടെ അവളെന്റെ കയ്യിൽ പിടിച്ചു വലിച്ചുകൊണ്ട് എന്നെ എണീപ്പിച്ചു . കൃഷ്ണൻ മാമ അതെല്ലാം ഒരു കൗതുകത്തോടെ നോക്കുന്നുണ്ട് .

“എന്തോന്നാടീ നിനക്ക് പറയാൻ ഉള്ളത് ?”
സ്റ്റെപ്പിൽ കിടന്ന ചെരിപ്പ് ഇട്ടു മുറ്റത്തേക്കിറങ്ങുന്നതിനിടെ ഞാൻ അവളോടായ് ചോദിച്ചു .

“ഒന്നും ഇല്ല..നിന്റെ റോസ്‌മേരി വിളിച്ചിരുന്നു …അത് പറയാനാ ..”
മഞ്ജുസ് എന്നെ ഒന്നാക്കിയ ട്യൂണിൽ പറഞ്ഞുകൊണ്ട് ചിരിച്ചു .

“അതെ…ഈ എന്റെ , നിന്റെ എന്നൊന്നും പണയണ്ട ..റോസ്‌മേരി …അതുമതി ..”
മഞ്ജുസിന്റെ ആക്കിയ സംസാരത്തിനു ഞാൻ സ്വല്പം കാര്യമായി താനെ മറുപടി നൽകി .

“ഓഹ് …ഇപ്പോ അങ്ങനെ ആയോ ? അല്ലെങ്കിൽ അവളെ കുറിച്ച് പറയുമ്പോ നൂറു നാവണല്ലോ ”
മഞ്ജുസ് എന്റെ കയ്യിൽ നുള്ളികൊണ്ട് ചിരിച്ചു .

“ദേ ..ചുമ്മാ എന്നെ ദേഷ്യം പിടിപ്പിക്കല്ലേ …”
മഞ്ജുസിന്റെ ചൊറി കണ്ടു ഞാൻ കണ്ണുരുട്ടി .

“അയ്യടാ …അപ്പോ നീയെന്നെ ദേഷ്യം പിടിപ്പിക്കുന്നതോ ? ബാംഗ്ലൂരിൽ പോയാൽ അവളുടെ കൂടെ ഉള്ള സെൽഫിയും വീഡിയോ കാൾ ഉം എന്നെ കാണിച്ചില്ലെങ്കിൽ നിനക്കു ഉറക്കം കിട്ടൂലല്ലേ ?”
മഞ്ജുസ് എന്റെ വയറിനിട്ടു പയ്യെ ഇടിച്ചുകൊണ്ട് ചിരിച്ചു .

“ആഹ്..അതൊക്കെ കള ..അവളെന്തിനാ വിളിച്ചേ ?”
ഞാൻ പെട്ടെന്ന് തമാശ കളഞ്ഞു സീരിയസ് ആയി .

“ചുമ്മാ .. നീ പൈസ എന്തേലും അവൾക്കു കൊടുക്കാമെന്നു പറഞ്ഞോ  ?”
മഞ്ജുസ് സ്വല്പം ഗൗരവത്തിൽ എന്നെ നോക്കി . അവളുടെ ക്യാഷ് ആണല്ലോ ഞാനിട്ടു തിരിമറി ചെയ്യുന്നത് . അതുകൊണ്ട് ആ ചോദ്യം ചെയ്യലിൽ കുറ്റം പറയാനൊക്കില്ല .

“ആഹ് ..എന്തെടോ ? വല്ല കുഴപ്പവും ഉണ്ടോ ?”
ഞാൻ അവളെ ചെറിയൊരു പരുങ്ങലോടെ  നോക്കി .

“എന്ത് കുഴപ്പം ? ക്യാഷ് അവൾക്കു കിട്ടി..നിന്നോട് താങ്ക്സ് പറയാൻ പറഞ്ഞു …അത്രേ ഉള്ളു …”
മഞ്ജുസ് നിസാരമട്ടിൽ പറഞ്ഞു ചിരിച്ചു .

“ഓ …അതാണോ …”
ഞാൻ ചെറിയൊരു ആശ്വാസത്തോടെ ശ്വാസം വിട്ടു . പിന്നെ മഞ്ജുസിനൊപ്പം ഗേറ്റിനടുത്തേക്കു നീങ്ങി ചില്ലറ തമാശകളൊക്കെ പറഞ്ഞു നിന്നു .  കൂടുതലും റോസ്‌മേരിയുടെ കാര്യം തന്നെ ആയിരുന്നു .