മഞ്ജുസ് എന്നെ നോക്കി പരിഭവിച്ചു .”പിന്നെ എങ്ങനെ പറയണം ? അല്ല അറിയാന്മേലാഞ്ഞിട്ട് ചോദിക്കുവാ ..എന്റെ ഇഷ്ടത്തിനൊന്നും നിനക്കു ഒരു വിലയും ഇല്ലേ ? ഒക്കെ നീ പറയുന്നത് നടക്കണം എന്നുവെച്ചാൽ എങ്ങനാ ?”
ഞാൻ സ്വല്പം ഗൗരവം അഭിനയിച്ചു അവളെ നോക്കി .
“നീ എന്താ കവി ഇങ്ങനെ ..ഞാൻ ചുമ്മാ ഒരു ഫൺ നു എന്തേലും പറയും , ചെയ്യും എന്നല്ലാതെ ”
മഞ്ജുസ് പെട്ടെന്ന് എന്നെ നോക്കി ചിണുങ്ങി .
“നീ എന്തുവേണേൽ ചെയ്യ് ..എന്തായാലും എനിക്ക് ഫുഡ് ഒന്നും വേണ്ട ..മെനക്കെട്ട് ഉണ്ടാക്കിയതല്ലേ..മഞ്ജു ചേച്ചി ഒറ്റയ്ക്ക് തിന്നോ ”
അവളെ നോക്കി കടുപ്പിച്ചൊന്നു പറഞ്ഞു ഞാൻ തിരിഞ്ഞു നടന്നു .
“ഡാ ഡാ…പ്ലീസ് അങ്ങനെ പോവല്ലേ..ഞാൻ മിണ്ടില്ലാട്ടോ ..”
മഞ്ജുസ് വേഗത്തിൽ നടന്നു നീങ്ങുന്ന എന്നെ നോക്കി ചിണുങ്ങി .
“വേണേൽ മിണ്ടിയാൽ മതി..നിര്ബന്ധമില്ല …”
ഞാനതിനു ചിരിയോടെ മറുപടി നൽകി .
“പോടാ….നീയിങ്ങു വാ ..എന്ന ഞാനും കഴിക്കില്ല …”
മഞ്ജുസ് തീർത്തു പറഞ്ഞു . അവളത്തൊരു തമാശക്ക് പറഞ്ഞതാണെന്നേ ഞാനും കരുതിയുള്ളൂ . പക്ഷെ പറഞ്ഞപോലെ കക്ഷി രാവിലെ ഒന്നും കഴിച്ചില്ല . പിന്നെ സ്വല്പം കഴിഞ്ഞു ഉച്ച നേരത്താണ് അവളെന്നെ ഫോണിൽ വിളിക്കുന്നത് .
“ആഹ്..പറയെടോ …”
ഫോൺ ചെവിയോട് ചേർത്ത് ഞാൻ പയ്യെ തിരക്കി . രാവിലത്തെ ദേഷ്യമൊക്കെ അപ്പോഴേക്കും അലിഞ്ഞിരുന്നു .
“നീ എവിടെയാ കവി…?”
സ്വല്പം തളർന്ന ശബ്ദത്തോടെ അവള് ചോദിച്ചു .
“ഞാൻ ഓഫീസിൽ തന്നെയാ ..അല്ലെടി പോത്തേ നീ കിടന്നു ഉറങ്ങുവാണോ? സൗണ്ട് ഒക്കെ മാറിയല്ലോ ?”
ഞാൻ അതിനു മറുപടി നൽകി ചിരിച്ചു .
“നീ ഒന്ന് ഇങ്ങോട്ട് വരുമോ ? എനിക്ക് നല്ല സുഖം ഇല്ലെടാ …”
ഇത്തവണ മഞ്ജുസ് സ്വല്പമൊരു വിഷമത്തോടെ പറഞ്ഞു .
“അയ്യോ ..അതെന്തു പറ്റിയെടി ?”
ഞാൻ ചെറിയൊരു ആധിയോടെ ചോദിച്ചു .
“അറിയില്ലെടാ ..തല കറങ്ങുന്ന പോലെ …നീ ഒന്ന് എളുപ്പം വരോ ?”
മഞ്ജുസ് ഒരു അഭ്യർത്ഥന പോലെ ചോദിച്ചു .
“പിന്നെന്താ വരാലോ….നിനക്കു വേറെ കുഴപ്പം ഒന്നും ഇല്ലാലോ ?”
ഞാൻ ചെറിയ സംശയത്തോടെ തിരക്കി .
ഇത് അങ്ങനെ ആണ് വായിക്കണ്ട.. ഒന്നും മനസിലാകാണില്ല
Sagar bro next part katta waiting
സാഗർ ബ്രോ ഇപ്പൊ പഴയപോലെ active അല്ലല്ലോ….എന്തു പറ്റി ബ്രോ….
Waiting for next part