രതിശലഭങ്ങൾ ലൈഫ് ഈസ് ബ്യൂട്ടിഫുൾ 8 [Sagar Kottapuram] 1303

“പക്ഷെ ഇത് അതൊന്നും അല്ലെടാ…”
മഞ്ജുസ് എന്റെ ഭാവം നോക്കി പയ്യെ ചിരിച്ചു . ഞാൻ ഒന്നും മനസിലാകാത്ത മട്ടിൽ അവളെയും നോക്കി .അപ്പോഴേക്കും അവളെന്റെ അടുത്തേക്ക് തൊട്ടുരുമ്മി ഇരുന്നു .

“എന്നോട് ദേഷ്യം ആണോ ?”
മഞ്ജുസ് എന്റെ തോളിലേക്ക് ചാഞ്ഞുകൊണ്ട് ചോദിച്ചു .

“എന്തിനു ? ”
ഞാൻ ചിരിച്ചു .

“അല്ലാ..ഞാൻ കുറച്ചു ദിവസം ആയിട്ട് ഓവർ ആണെന്നല്ല നിന്റെ കണ്ടുപിടുത്തം ..”
മഞ്ജുസ് എന്റെ കയ്യിൽ നുള്ളികൊണ്ട് ചിണുങ്ങി .

“അത് കണ്ടുപിടുത്തം ഒന്നുമല്ല . ഉള്ള കാര്യം തന്നെയാ .. മറ്റേ പരിപാടി ഒഴിച്ചാൽ എനിക്ക് ഇവിടെ ഒരു സുഖവും ഇല്ല .”
ഞാൻ കള്ളച്ചിരിയോടെ അവളെ ചേർത്തുപിടിച്ചു .

“പക്ഷെ എനിക്ക് നല്ല സുഖാ…നിന്നെപ്പോലത്തെ ഒരു പൊട്ടനെ കിട്ടിയത് നന്നായി ..വേറെ വല്ലോരും ആയിരുന്നേൽ എനിക്കിപ്പോ രണ്ടു ചവിട്ട് കൊണ്ടിട്ടുണ്ടാവും ”
മഞ്ജുസ് ചിരിയോടെ പറഞ്ഞു എന്റെ കവിളിൽ അമർത്തി ചുംബിച്ചു .

“ആഹ്..അത് അല്ലെങ്കിലും ഞാൻ തരുന്നുണ്ട് …”
അവളെ ചേർത്തുപിടിച്ചു കൊണ്ട് ഞാൻ ചിണുങ്ങി .

“അയ്യടാ …നീയിങ്ങു വാ ..ഇനി പണ്ടത്തെ പോലെ ഒന്നുമല്ല മോനെ ..നീ ചവിട്ടിയാൽ എന്റെ കുട്ടിക്കാ കേട് ”
മഞ്ജുസ് കള്ളച്ചിരിയോടെ പറഞ്ഞെങ്കിലും ആദ്യം എനിക്ക് കത്തിയില്ല !

ഞാൻ അവളെ പുരികം ഉയർത്തി സംശയത്തോടെ നോക്കി .

“എന്താ ? മനസിലായില്ലേ ?”
മഞ്ജുസ് എന്റെ മൂക്കിൻത്തുമ്പിൽ അവളുടെ മൂക്കുരുമ്മിക്കൊണ്ട് ചിരിച്ചു .

ഞാൻ അപ്പോഴും അവളെ അത്ഭുതത്തോടെ നോക്കി . ചെറിയൊരു സൂചന മനസിലായെങ്കിലും ഞാൻ ഒന്നും മിണ്ടിയില്ല .

“എടാ പൊട്ടാ നീ അച്ഛനാവാൻ പോവ്വാ …”
മഞ്ജുസ് പെട്ടെന്നു എന്റെ കഴുത്തിൽ കൈചുറ്റി ഇറുക്കികൊണ്ട് പയ്യെ പറഞ്ഞു .

മനസിലൊരുപാട് സന്തോഷം ഉരുണ്ടു കയറിയെങ്കിലും ആ സമയത്തു എനിക്ക് എന്ത് ചെയ്യണം എന്നൊരു പിടിയും കിട്ടിയില്ല . ഞാൻ മഞ്ജുസിനെ കെട്ടിപിടിച്ചുകൊണ്ട് അവളുടെ കവിളിൽ പയ്യെ ഒന്നു ചുംബിച്ചു .

“സത്യം ?”
ഞാനവളെ ചോദ്യ ഭാവത്തിൽ നോക്കി .