രതിശലഭങ്ങൾ പറയാതിരുന്നത് 11 [Sagar Kottappuram] 1171

ഞാൻ ഒന്നും മിണ്ടാൻ പറ്റാത്ത അവസ്ഥയിൽ ആയതുകൊണ്ട് അവിടെ തന്നെ ചാരി കിടന്നു . മഞ്ജുസും മായ മിസ്സും പിന്നെ തിരികെ പോകാതെ ഞാനിരുന്ന സീറ്റിൽ തന്നെ ഇരുന്നു .

എന്റെ തൊട്ടടുത്തായാണ് മഞ്ജുസ് . അവളുട മുടിയിഴ എന്റെ മുഖത്തേക്ക് പാറികളിക്കുന്നുണ്ട്. ഞാൻ അവളുടെ തോളിലേക്ക് ചാഞ്ഞു കിടന്നു . സാധാരണ നോർമൽ കണ്ടീഷൻ ആണെന്കി അവളതു സമ്മതിക്കില്ല..പക്ഷെ ഛർദിച്ചു വയ്യാതെ ആയതോടെ പാവം തോന്നിയിട്ടോ എന്തോ അവളൊന്നും മിണ്ടിയില്ല.. മായേച്ചിയും അതത്ര കാര്യം ആക്കിയില്ല .

ഞാൻ അങ്ങനെ കിടന്നു സ്വല്പം കഴിഞ്ഞപ്പോൾ ഉറങ്ങി പോകുകയും ചെയ്തു .

കോളേജിലെ സ്ഥിരം കീരിയും പാമ്പും ഒന്നിച്ചിരിക്കുന്ന കാഴ്ച. അതും ടീച്ചറുടെ തോളിൽ ചാരി കിടക്കുന്ന എന്നെ ചിലർ അല്ബുധതോടെയും അസൂയയോടെയും നോക്കുന്നുണ്ട് .

മഞ്ജുസൊരു കൊച്ചു ഐശ്വര്യ റായ് ആയതുകൊണ്ടാണ് അങ്ങനെ ഒരു നോട്ടവും അസൂയയുമൊക്കെ ! പക്ഷെ അവന്മാർക്ക് അറിയില്ലല്ലോ അഭിഷേക് ബച്ചൻ ഞാൻ ആണെന്നും ഞങ്ങളുടെ ഹണിമൂൺ കഴിഞ്ഞെന്നും !

ആഹ്…എന്തേലും ആകട്ടെ..

ഞാനങ്ങനെ കിടക്കുന്നതിനിടെ മഞ്ജുസും മായേച്ചിയും എന്തൊക്കെയോ സംസാരിക്കുന്നുണ്ട്. മായേച്ചിക്ക് ഞങ്ങളുടെ കാര്യത്തിലെന്തോ സംശയം ഉള്ളപോലെ എനിക്ക് തോന്നിയിരുന്നു . അവളതു ചോദിക്കുവേം ചെയ്തപ്പോഴാണ് മഞ്ജുസ് ഞെട്ടിയത് . പിന്നെ കഴിഞ്ഞ രാത്രികാലങ്ങളിലെ ഞങ്ങളുടെ സോമനാമ്പുലിസം അവൾ അറിഞ്ഞിരുന്നു.മഞ്ജുസ് എഴുനേറ്റു പോയതും തിരിച്ചു വന്നതുമൊക്കെ മായേച്ചി അറിഞ്ഞിട്ടും അറിയാത്ത ഭാവം നടിച്ചതാണ് .

“മഞ്ജു ..നിങ്ങള് തമ്മിലെങ്ങനെയാ ?”

അടുത്തിരിക്കുന്ന മഞ്ജുസിനെ തോണ്ടി മായേച്ചി ഒന്നുമറിയാത്ത ഭാവത്തിൽ ചോദിച്ചു .

“ആര് തമ്മിൽ ?”

മഞ്ജുസും സ്വല്പം നിഷ്കളങ്കത അഭിനയിച്ചു .

“ഓ..ആ കിടക്കുന്ന മുതൽ തന്നെ “

അവളുടെ തോളിൽ തല ചായ്ച്ചു കിടക്കുന്ന എന്നെ ചൂണ്ടി മായേച്ചി പതുക്കെ ചോദിച്ചപ്പോൾ മഞ്ജുസ് ഒന്ന് പതറി .

“നീ എന്താ അങ്ങനെ ഒകെ ചോദിക്കുന്നെ..?”

മഞ്ജുസ് ഒന്ന് ആശങ്കപ്പെട്ടുകൊണ്ട് മായേച്ചിയെ നോക്കി . അവളുടെ മുഖത്ത് എന്തോ കള്ളത്തരം കയ്യോടെ പൊക്കിയ ആളുടെ ചിരി ഉണ്ട് .

“അല്ല..ഒനിങ്ങളുടെ ഈ അടിയും വഴക്കും ഒകെ ..എനിക്കെന്തോ അങ്ങോട്ട് ഡൈജസ്റ്റ് ആകുന്നില്ല..ഒരു ചുറ്റിക്കളി മണക്കുന്നുണ്ട് “

മായേച്ചി ഉള്ള കാര്യം വളരെ പതുക്കെ മഞ്ജുസിന്റെ കാതിൽ പറഞ്ഞതും അവളുടെ നെഞ്ചിടിപ്പ് കൂടി .

“ദേ മായെ നീ വെറുതെ ഓരോ തെണ്ടിത്തരം പറയല്ലേ…”