അവള് വിളിച്ചു പറഞ്ഞു.
അതിനുള്ളില് നിന്നും നല്ല ഉയരവും വണ്ണവുമുള്ള, അന്പത് വയസ്സിനടുത്ത് പ്രായമുള്ള ഒരാളിറങ്ങുന്നത് സമീറ കണ്ടു.
“ഇത്?”
ഇറങ്ങി വരുന്നയാളെക്കണ്ട് അവള് അമ്പരന്നു.
“അണലി മത്തായി…!”
അവള് മന്ത്രിച്ചു.
അപ്പോള് സീരിയല് കില്ലര് അല്ലെ?
ഇവന് ജയിലില് ആയിരുന്നല്ലോ!
യെസ്!
പരോള് കിട്ടിയെന്നറിഞ്ഞിരുന്നു!
പരോള് കിട്ടിയവന്റെ കയ്യില് തോക്ക്!
“പുട്ട് ദ ഗണ് ഡൌണ്!”
സമീറ ഉച്ചത്തില് വിളിച്ചു പറഞ്ഞു.
പക്ഷെ അടുത്ത നിമിഷം മത്തായിയുടെ കൈയ്യിലിരുന്ന തോക്ക് ഗര്ജ്ജിച്ചു.
സമീറയുടെ തോക്ക് താഴെവീണു.
ജീപ്പിനകത്ത് ഇരുന്ന ദീപ്തി പ പുറത്തേക്ക് ഇറങ്ങി.
“ദീപ്തി…!”
സമീറ അവളെ ദേഷ്യത്തോടെ നോക്കി.
“വേണ്ട…അകത്തേക്ക് പോ!”
ദീപ്തി ഒരു നിമിഷം പകച്ചു.
“പോകാന്!”
“മാഡം, പ്ലീസ്…”
ദേഷ്യത്തോടെ അവള് മത്തായിയേയും ദയനീയമായി സമീറയേയും നോക്കി.
“ആഹാ…”
മത്തായി ഉച്ചത്തില് ചിരിച്ചു.
“ഇതില് ഏത് പീസിനെയാണ് ആദ്യം തീര്ക്കേണ്ടത്? കണ്ഫ്യൂഷന് ആയല്ലോ ദൈവമേ!!”
അയാള് ദീപ്തിയെ നോക്കി.
അയാളുടെ ശ്രദ്ധ മാറിയ ആ നിമിഷം മതിയായിരുന്നു സമീറയ്ക്ക്.
അവള് വായുവിലേക്ക് ഉയര്ന്നു.
വലത് കാല് അന്തരീക്ഷത്തില് ഉയര്ന്നു.
അടുത്ത നിമിഷം അയാളുടെ മൂക്കിനു മേല് മുഷ്ടി ചുരുട്ടിയ ഇടിയും നെഞ്ചില് അവളുടെ കാല്മുട്ടുകൊണ്ടുള്ള ചവിട്ടും ഒരുമിച്ച് വീണു.
മത്തായി നിലത്തേക്ക് മറിഞ്ഞു.
ദീപ്തി നിലത്ത് വീണു കിടന്ന സമീറയുടെ ഗണ് എടുത്ത് വീണു കിടക്കുന്നവന്റെ നേരെ ചൂണ്ടി.
