രതിശലഭങ്ങൾ മഞ്ജുസും കവിനും 19

Rathushalabhangal Manjuvum Kavinum Part 19 | Author : Sagar Kottapuram | Previous Parts

മഞ്ജുവിന്റെ ചോദ്യം എന്നെ ശരിക്കൊന്നു പിടിച്ചു കുലുക്കി എന്നത് സത്യമാണ് . അതുകൊണ്ട് തന്നെ പെട്ടെന്നൊരു മറുപടി എനിക്ക് കിട്ടിയില്ല. തൊണ്ടയൊക്കെ വരളുന്ന ഫീൽ . അവളെ നോക്കാനുള്ള ത്രാണിയും ധൈര്യവുമില്ലാത്തതുകൊണ്ട് ഞാൻ മുഖം കുനിച്ചുതന്നെ ഇരുന്നു . എന്ത് പറഞ്ഞു പിടിച്ചു നിൽക്കും , എങ്ങാനും ഇവളറിഞ്ഞിട്ടുണ്ടെൽ എന്റെ അവസ്ഥ എന്താണ് ? അങ്ങനെ ഓരോ ചിന്തകൾ മനസിലൂടെ ആ സമയത്തു കടന്നു പോയി .

“ഡാ …”
ഞാൻ മുഖം കുനിച്ചിരിക്കുന്നത് കണ്ടു മഞ്ജുസിന്റെ ശബ്ദം കുറച്ചൂടെ ഉയർന്നു . സ്വല്പം ദേഷ്യം കലർന്നുള്ള വിളിയാണെന്ന് വ്യക്തം . പക്ഷെ ഞാൻ മൈൻഡ് ചെയ്തില്ല !

“കവിൻ..അയാം ആസ്കിങ് യു . നീ എന്താ കേട്ടില്ലെന്നു ഉണ്ടോ മോനെ ?”
മഞ്ജുസ് പല്ലിറുമ്മിക്കൊണ്ട് എന്റെ മുഖം കയ്യെത്തിച്ചു പിടിച്ചു ഉയർത്തി . അപ്പോഴേക്കും ഞാനാകെ ഇല്ലാണ്ടായ അവസ്ഥ ആയിരുന്നു . എന്റെ ദയനീയത പോലും മുതലെടുത്തു മഞ്ജുസ് എന്നെ ഒരു ചതിയനെ പോലെ നോക്കി .അവളുടെ മുഖം എന്തെന്നില്ലാത്ത പോലെ ചുവന്നു തുടുത്തു ! എന്നെ കടിച്ചു കീറാനുള്ള ദേഷ്യം ഉണ്ട് .

“മഞ്ജുസേ…അത്…ഞാൻ ”
ഞാൻ അവളെ നോക്കി വാക്കുകൾ കിട്ടാതെ വിക്കി .

“അതും ഇതും ഒന്നുമില്ല ..ഞാൻ ചോദിച്ചതിന് ഉത്തരം പറ . വിനീതയെ അല്ലെ നീ വിളിച്ചത് ? അവളോട് ഇത്ര കൊഞ്ചാൻ മാത്രം നീയാരാ അവളുടെ കാമുകനോ ? അതോ വേറെ വല്ല ബന്ധവും ഉണ്ടോ ”
മഞ്ജുസ് പല്ലിറുമ്മിക്കൊണ്ട് ശബ്ദം ഒന്ന് മയപ്പെടുത്തി . അപ്പൊ സ്നാഗതി ഒകെ അവള് കേട്ടെന്നു എനിക്കുറപ്പായി . അല്ലെങ്കിൽ ഇത്ര അധികാരത്തോടെ , ക്ലാരിറ്റിയോടെ മഞ്ജുസെന്നെ ചോദ്യം ചെയ്യില്ല .

“ഞാൻ പോവ്വാ ..ഇത് ശരി ആവില്ല..”
അവളുടെ മട്ടും ഭാവവും കണ്ടു വിഷമം വന്ന ഞാൻ വിഷമത്തോടെ പറഞ്ഞു ബെഡിൽ നിന്നും എണീക്കാൻ തുടങ്ങി . പക്ഷെ അപ്പോഴേക്കും അവളെന്റെ കൈക്കു കയറി പിടിച്ചു .