❤️സഖി 10❤️ [സാത്താൻ?] 356

” ഇച്ചായാ അത് തന്നെയാണ് ഞാനും പറഞ്ഞത് നമ്മൾ നേരിട്ട് ഉറങ്ങിയിരുന്നു എങ്കിൽ ഇന്ന് ജയദേവന് പകരം ഞാനോ ഇച്ചായനോ ആവേണ്ടിയിരുന്നു അകത്തു കിടക്കുന്നത് അന്ന് അവനെ ഇറക്കി കളിച്ചത് കൊണ്ട് മാത്രമല്ലെ നമ്മളുടെ കാര്യം പുറത്ത് വരാതിരുന്നത്. പിന്നെ ഇനി നമ്മൾ നേരിട്ട് ഇറങ്ങേണ്ടി വരും പക്ഷെ ഇപ്പോഴല്ല ആ ചെക്കൻ എന്താ ചെയ്യാൻ പോവുന്നെ എന്ന് ഒന്ന് നോക്കട്ടെ. മിക്കവാറും ഇന്ന് തന്നെ അവൻ വന്നവഴിയേ ഓടിക്കോളും 😂 അവന്റെ എല്ലാ സ്ഥാപനങ്ങളിലും ഉള്ള യൂണിയൻ നേതാക്കന്മാരും അവന്റെ സ്റ്റാഫുകളിൽ ചിലരും നമ്മുടെ ആൾക്കാർ അല്ലെ. ഞാൻ അറിഞ്ഞിടത്തോളം അവൻ ഒരു അല്പപ്രാണി കീടം ആണ് സൊ അവരുടെ ടോർച്ചർ താങ്ങാൻ പറ്റാതെ തന്നെ അവൻ വന്ന വഴിയേ ഓടും. അത് കഴിഞ്ഞാൽ പതിയെ നമ്മൾ അവനെ അങ്ങ് കുഴിച്ചു മൂടും ആർക്കും ഒരു സംശയവും ഇല്ലാതെ തന്നെ 😈”

“മ്മ് 😈 പക്ഷെ ആ ACP കിരൺ…. അവൻ ഒറ്റൊരുത്തൻ ആണ് ജയദേവൻ കുടുങ്ങാൻ കാരണം. എല്ലാവരും എഴുതി തള്ളിയ കേസ് വീണ്ടും പൊക്കിയെടുത്തുകൊണ്ടുപോയി അങ്ങ് സെൻട്രൽ ഗവണ്മെന്റ് വരെ അവൻ എത്തിച്ചില്ലേ? അത്കൊണ്ട് ആദ്യം അവനെയാണ് നമുക്ക് വകവരുത്തേണ്ടത്.”

ജോൺ പറഞ്ഞത് തനിക്ക് സ്വീകര്യമായിരുന്നു എങ്കിലും അതിന്റെ ഇടക്ക് ഒരു വിലങ്ങു തടിയായി നിൽക്കുന്ന ACP യുടെ കാര്യം ജോർജ് കൂട്ടി ചേർത്ത് പറഞ്ഞു.

” അവൻ എന്തായാലും ഇനി അധികം നാൾ ഈ നാട്ടിൽ ഉണ്ടാവില്ല അതിനുള്ളതൊക്കെ മാർക്കോ ഇച്ചായൻ ചെയ്തോളും. പിന്നെ നമുക്കും തിരക്കൊന്നും ഇല്ലല്ലോ. ആഗ്രഹിച്ചിട്ടുണ്ടോ അത് നമ്മൾ സ്വന്തമാക്കിയിരിക്കും. പിന്നെ സാധാരണ നമ്മൾ ഒരു കാര്യം നേടാൻ ഒരുപ്രാവശ്യം ബലി കൊടുക്കും ആരേലും ഈ കാര്യത്തിൽ ഒന്ന് കൂടി വേണ്ടിവരും അത്രേയുള്ളൂ ഒന്ന് കുമ്പസാരിച്ചാൽ തീരാവുന്ന പാപം 😈”