സാംസൻ 7 [Cyril] 1167

പക്ഷേ അവന്മാർ സമ്മതിച്ചില്ല.

“എന്തായാലും ഇത്രയും ആയി. ഈ പാര്‍ട്ടിയില്‍ ബെസ്റ്റ് ഫ്രണ്ട് ആയ നിങ്ങൾ മൂന്നുപേരും ഒരുമിച്ച് കൂടാതെ പിരിയുന്നത് ഒട്ടും ശെരിയല്ല.” കാര്‍ത്തിക എന്നോട് പറഞ്ഞു.

അതും കൂട്ടി കേട്ടപ്പോ ജൂലി പറഞ്ഞു, “കാര്‍ത്തിക പറഞ്ഞത് ശെരിയാണ്. സാമേട്ടൻ അവരുടെ കൂടെ കൂടിക്കൊ. ഇവിടെ നിങ്ങൾ മൂന്നും അടിച്ചു പൊളിച്ച് ഞായറാഴ്‌ച വന്നാല്‍ മതി.”

ശേഷം ഞങ്ങളോട് യാത്രയും പറഞ്ഞ്‌ അവരൊക്കെ പോയി. അവസാനം വരെ സാന്ദ്ര എന്നെ മൈന്റ് ചെയ്യാത്തത് എന്നെ ശെരിക്കും വിഷമിപ്പിച്ചു.

“ശെരി ചേട്ടൻ വരൂ… ഞാൻ ലുങ്കി എടുത്തു തരാം.” കാര്‍ത്തിക പറഞ്ഞിട്ട് അവരുടെ ബെഡ്റൂമിലേക്ക് നടന്നു. ഞാനും പിന്നാലെ പോയി.

അങ്ങനെ ലുങ്കിയും ഒരു ടീ ഷര്‍ട്ടും കാര്‍ത്തിക എനിക്ക് തന്നിട്ട് മിണ്ടാതെ പുറത്തു പോയി. അതിൽ ഞാൻ മാറിയിട്ട് നേരെ ഹാളില്‍ വന്നപ്പോ മദ്യക്കുപ്പിയും വെള്ളവും ഗ്ളാസും പിന്നേ കഴിക്കാനുള്ള ഐറ്റംസ് എല്ലാം ഹാളില്‍ തയ്യാറാക്കി വച്ചിരുന്നു.

“എനിക്ക് തല വേദനിക്കുന്നു. ഞാൻ കിടക്കാന്‍ പോകുവാ.” സുമ പറഞ്ഞു.

“എനിക്ക് നല്ല ക്ഷീണം, ഞാനും ഉറങ്ങാൻ പോകുന്നു.” കാര്‍ത്തികയും പറഞ്ഞു.

“ശെരി, നിങ്ങൾ പോയി കിടന്നോ.” നെല്‍സനും ഗോപനും ഒറ്റ സ്വരത്തില്‍ പറഞ്ഞു.

അപ്പോൾ അവർ രണ്ടുപേരും രണ്ട് റൂമിലായി കേറി പോയി. അതിനുശേഷം നെല്‍സന്‍ മൂന്ന്‌ ഗ്ളാസിലായി മദ്യം പകര്‍ന്നു. പക്ഷേ ബോധം ഇല്ലാത്തത് കൊണ്ട്‌ അവന്റെ കൈ നല്ലത് പോലെ വിറച്ചു… മദ്യം പകുതിയും താഴെയാണ് അവന്‍ ഒഴിച്ചത്.

“ഒരു ബോധവും ഇല്ല, എന്നിട്ടും നിർത്താൻ വയ്യാ, അല്ലേ…?” ഒരു ചിരിയോടെ ഞാൻ ചോദിച്ചു.

“ഇവിടെ താ, ഞാൻ ഒഴിക്കാം..” ഗോപന്‍ അവന്റെ കൈയിൽ നിന്നും കുപ്പി വാങ്ങിച്ചു പിടിച്ചു. പക്ഷേ അവനും പുറത്താണ് ഒഴിച്ചത്.

അവസാനം ഞാനാണ് കുപ്പി വാങ്ങി മൂന്ന്‌ ഗ്ളാസിലായി പകര്‍ന്നത്. ശേഷം ഞങ്ങൾ ചിയേഴ്സ് പറഞ്ഞു.

വേണ്ടാ വെറുപ്പോടെ ഞാൻ അതിനെ കൈയിൽ വെറുതെ വെച്ചിരുന്നു…. കുടിച്ചില്ല. പക്ഷേ അവർ രണ്ടു പേരും ഒറ്റ എടുപ്പിൽ കുടിച്ചു തീര്‍ത്തിട്ട് ഗ്ളാസ് താഴെ വച്ചു.