സിൽക്ക് സാരി 10

Silk Saree Part 10 | Author : Amal Srk

[ Previous Part ] [ www.kkstories.com]

ഈ ഭാഗം പറഞ്ഞതിലും വൈകി പോയതിൽ ക്ഷമ ചോദിക്കുന്നു.

പിറന്നാൾ ദിവസം നടന്ന സംഭവങ്ങളൊക്കെയോർത്ത് വല്ലാത്ത വിഷമത്തിലിരിക്കുകയാണ് മാളവിക. മകളെ ആശ്വസിപ്പിക്കാനുള്ള നല്ല വാക്കുകൾ പോലും നിരുപമയ്ക്ക് പറയാനില്ല.

“ അവരിന്നലെ കാണിച്ച് കൂട്ടിയത് അമ്മ കണ്ടതല്ലേ..? ഇനിയുള്ള ബർത്ത്ഡേ എനിക്ക് ട്രോമയുണ്ടാക്കും. “ മാളവിക വിഷമത്തോടെ പറഞ്ഞു.

“ എന്റെ മുന്നിൽ വച്ചല്ലേ അവരതൊക്കെ ചെയ്തത്. എന്നെയും അവരപമാനിച്ചില്ലേ… സത്യത്തിൽ മടുത്തു പോയി ജീവിതം. അവരെനിയും എന്തൊക്കെ വൃത്തികേടുകളാ കാട്ടാൻ പോണതെന്ന് ഈ അമ്മക്ക് ഒരു പിടിയുമില്ല മോളെ.. “ നിരുപമ തന്റെ നിസ്സഹായത വിവരിച്ചു.

“ ഇതിനൊക്കെ ശേഷം എനിക്കൊരു നല്ല ജീവിതം ഉണ്ടാവുമോ..? “

“ ഇവിടെയെനി എന്റെ മോള് നിൽക്കണ്ട. യൂറോപ്പിൽ എന്തേലും കോഴ്സിന് ചേർന്ന് അവിടെ തന്നെ സെറ്റിൽഡ് ആവണം. ഈ നാട് നശിച്ചതാ.. ഇവിടെ ഉള്ളോരും. മോളൊരിക്കലും ഇവിടെ Happy ആയിരിക്കില്ല. “

“ അച്ഛൻ…? ”

“ എങ്ങനേലും ഞാൻ പറഞ്ഞു സമ്മതിപ്പിക്കാം. “

“ അപ്പൊ അമ്മയിവിടെ..? “

“ എനിക്ക് നിന്റെ കാര്യമാണ് പ്രധാനം. അതിന് ശേഷം മറ്റുള്ളത് നോക്കിയാ മതി. ദൈവം എല്ലാറ്റിനും വഴി തെളിയിച്ചു തരും.. “ നിരുപമ ചെറു പ്രതീക്ഷയോടെ പറഞ്ഞു.

പിറ്റേന്ന് ക്ലാസ്സിൽ എത്തിയപ്പോൾ മുതൽ സനൂപിനെ ഫേസ് ചെയ്യാനേ മാളവികയ്ക്കായില്ല. അവന്റെ മുഖത്ത് നല്ല വിഷമവും, തന്നോടുള്ള ദേഷ്യവും കാണാനുണ്ട്. കൂടുതൽ അവന്റെ ഭാഗത്തേക്ക്‌ ശ്രദ്ധ പോകാതെ പരമാവധി പിടിച്ചു നിന്നു.