ആദി എഴുതുന്നു

Aadi Ezhuthunnu Author : ഏകാകി

ഹായ്...

ഞാൻ ആദി.

നിങ്ങൾ എന്നെ ആദി എന്ന് തന്നെ വിളിച്ചാൽ മതി.

ലാലേട്ടന്റെ മോന്റെ പേരുതന്നെയാണ് ഞങ്ങൾ (ഞാനും ലാലേട്ടന്റെ മോനും) ഒരേ പ്രായക്കാരാണ്....

അവൻ ലാലേട്ടൻ മോനും ഞാൻ കൂലിപ്പണിക്കാരൻ മോഹനന്റെ മോനും അത്രയേ വ്യത്യാസം ഉള്ളു...

പണ്ടത്തെ ഇടത്തരം വീടുകളിൽ സ്ഥിരം കണ്ടുവന്നിരുന്ന ഒരു കാലാപരിപാടി ഉണ്ട് "കള്ളുകുടിച്ചു വന്ന് ഭാര്യയെ തല്ലൽ" ആ കലാപരിപാടി മുറതെറ്റാതെ നടന്നു വന്ന എന്റെ വീട്ടിലെ അടുപ്പ് തണുത്തുറഞ്ഞു പോകാതെ നോക്കിയിരുന്നത് അമ്മയാണ്...

ഞങ്ങളുടെ (എന്റെയും ചേട്ടന്റെയും) ഇന്നത്തെ ഈ ജീവിതം ഞങ്ങളുടെ അമ്മയുടെ വിയർപ്പും കണ്ണീരും കൊണ്ട് വാർത്തെടുത്തതാണ്...

ആറാം ക്ലാസ്സിൽ പഠിക്കുമ്പോൾ മുതൽ പത്രം ഇടാൻ പോകുമായിരുന്നു ഞാൻ...

അതിരാവിലെ മൂന്ന് മണിക്ക് സൈക്കിൾ എടുത്തു ടൗണിൽ പോയി പത്രം എടുത്ത് വ്യായാമം ചെയ്യാൻ പോവും(നൂറിൽ കൂടുതൽ വീടുകളിൽ പത്രം ഇടാൻ ഉണ്ടാകും).  അത് കഴിഞ്ഞു വരുന്ന വഴി പുഴയിൽ ഒന്ന് നീന്തി കുളിക്കും., , ഉമ്മറത്ത് ഇരുന്നു കുറച്ചു നേരം പഠിച്ച് യൂണിഫോം ഒക്കെ ഇട്ട് സ്കൂളിൽ പോവും,  കഞ്ഞി കുടിച്ചാണ് സ്കൂളിൽ പോവാ അതാവുമ്പോ അരി അതികം ചിലവില്ലല്ലോ....

ഉച്ചക്ക് മൃഷ്ട്ടാനം ഊണ് (ചോറും ചെറുപയറ് കറിയും)

ക്ലാസ്സിൽ ഇരുന്നു ഉറക്കം തൂങ്ങുമ്പോൾ ടീച്ചർ പറയാറുണ്ട് തിന്നാനും ഉറങ്ങാനും അലാതെ ഒന്നിനും കൊള്ളാത്തവനാണ് ഞാൻ എന്ന്...

ടീച്ചർക്കറിയില്ലല്ലോ മ്മടെ സെറ്റപ്പ്..

വൈകുന്നേരം കലാപരിപാടി ഒക്കെ ആയി അച്ഛൻ വരും.

അതൊക്കെ കഴിഞ്ഞു അരങ്ങ് ഒഴിയുമ്പോ അച്ഛൻ ഉമ്മറത്ത് വാള് വെച്ച് കിടക്കും, അമ്മ അകത്ത് ഒരു മൂലയിൽ ഇരുന്നു കരയുന്നുണ്ടാവും.

ഉമ്മറം വൃത്തിയാക്കൽ എന്റെ ജോലിയാണ്, (പിറ്റേ ദിവസം രാവിലെ എനിക്ക് ഇരുന്നു പേടിക്കണ്ട സ്ഥലം ആണല്ലോ)

അങ്ങനെ പരിപാടികൾ ഒക്കെ കഴിഞ്ഞു കിടക്കുമ്പോൾ ഏകദേശം 12 മണിയൊക്കെ ആകും.

ഞാൻ ക്ലാസ്സിൽ ഇരുന്നു ഉറങ്ങുന്നതിൽ തെറ്റില്ലല്ലോ???

ഒരു മനുഷ്യൻ മൂന്ന് മണിക്കൂർ ഉറങ്ങീട്ട് എന്താവാനാ....

അങ്ങനെ ഞാൻ പത്താം ക്ലാസ്സിൽ എത്തി.

അതിനിടെ വീട്ടിലെ കലാപരിപാടികൾക്ക് ഒരു അറുതി വരുത്താൻ