Chapter Title : ആദിത്യ അയ്യരുടെയും ആദിലക്ഷ്മി അയ്യരുടെയും ഓർമ്മക്കുറിപ്പുകൾ 2 [തുണ്ടത്തു എഴുത്തച്ഛൻ]

നിന്നും ഒരു തോർത്തെടുത്തു

ചെമ്പരത്തി മൊട്ടും ആര്യവേപ്പിലയും കറുകയും മുക്കുറ്റിയും ഒക്കെയിട്ട് മുറുക്കിയ ഒരു കുമ്പിൾ ‘അമ്മ്യാർ എണ്ണ’ ഉച്ചിയിൽ തേച്ചു

കുംഭപ്പുര എന്നത് കുളിക്കും മുൻപ് വേണ്ടുന്ന ഒരുക്കങ്ങൾക്കു ഉള്ള മുറിയാണ്

പലതരം എണ്ണകളും കുഴമ്പുകളും ഇഞ്ചയും താളിയും പൊടികളും തോർത്തുകളും മറ്റും എപ്പോളും അവിടെ ചെറിയ ഭരണികളിൽ തയ്യാറാക്കി വെച്ചിട്ടുണ്ടാവും പണിക്കാരി പെണ്ണുങ്ങൾ

കുംഭപ്പുര നിന്നു ഇറങ്ങിയാൽ രണ്ടു വാതിലുകൾ കാണാം കുളപ്പുരയിലേക്ക്

ഒന്ന് സ്ത്രീകൾക്കും ഒന്ന് പുരുഷന്മാർക്കും ഉള്ളതാണ്

കുളി കഴിഞ്ഞ് വന്നുള്ള ഒരുക്കങ്ങൾക്കു ഉള്ളതാണ് കുളപ്പുരയുട ഉള്ളിലുള്ള മീനപ്പുര

സ്ത്രീകൾക്കും പുരുഷന്മാർക്കും കുംഭപ്പുര ഒന്നേയുള്ളു പക്ഷെ കുളക്കടവും മീനപ്പുരയും രണ്ടാണ്

കുളത്തിന്റെ കാൽ ഭാഗത്തോളം വെള്ളത്തിലേക്കു ഇറങ്ങി നിൽക്കുന്ന ഒരു വലിയ ഭിത്തി കടവുകളെയും മീനപ്പുരകളെയും വേർതിരിക്കുന്നു

കുളിയ്ക്കു ഇടയിൽ ഉള്ള ഉഴിച്ചിലും പിന്നെ പണ്ട് കാലത്ത് അന്തർജനങ്ങൾക് ഉണ്ടായിരുന്ന ചില്ലറ കുസൃതികളും എല്ലാം അരങ്ങേറുന്ന വേദി സ്ത്രീകളുടെ മീനപ്പുരയാണ്

കുളപ്പുര വാതിലുകൾ രണ്ടും അടഞ്ഞു കിടന്നാൽ കുളത്തിൽ സ്ത്രീകളുണ്ട് എന്നും ഉള്ളിലെ മീനപ്പുരയിൽ അന്തർജനങ്ങോളോടൊപ്പം ‘ദാസികൾ’ ഉണ്ടെന്നുമാണ് മനസ്സിലാക്കേണ്ടത്

പാട്ടി ചെറുപ്പത്തിൽ ഇതൊക്കെ പറഞ്ഞത് കേട്ടിട്ടുണ്ടെങ്കിലും അമ്മയോ ചേച്ചിയോ ഇന്നുവരെ കുളപ്പുരയിൽ ‘ദാസികളെ’ അതായത് പണിക്കാരികളെ അടുപ്പിച്ചു ഞാൻ കണ്ടിട്ടില്ല

‘ചില്ലറ കുസൃതികൾ’ എന്താണെന്ന് പോലും ഒരിക്കൽ മൂപ്പൻ പറഞ്ഞിട്ടാണ് മനസ്സിലായത്

“ഹ ഹഹ ഹഹഹ, പുള്ള ഇത്രക്ക് നിഷ്കളങ്കൻ ആയിച്ചാൽ ഈ ലോകത്ത് ജീവിക്കാൻ പാടുപെടുല്ലോ!” മുറുക്കാൻ വായിൽ നിന്നും പുറത്തേക്ക് തെറിപ്പിച്ചു കൊണ്ട് മൂപ്പൻ പൊട്ടിച്ചിരിച്ചു

“അല്ല മൂപ്പാ എനിക്ക് എത്ര ആലോചിച്ചിട്ട് മനസ്സിലാവുന്നില്ല

സ്ത്രീകൾ കുളിക്കാൻ പോവുന്നു എങ്കിൽ പുരുഷന്മാരുടെ കടവിലേക്കുള്ള വാതിൽ പുറത്തു നിന്നും സാക്ഷായിടും അതുപോലെ സ്ത്രീകളുടെ കടവിലേക്കുള്ള വാതിൽ ഉള്ളിൽ നിന്നും സാക്ഷായിടും

എന്തിനാണ് അങ്ങനെ? ആരും അവിടേക്ക് ചെല്ലേണ്ട എങ്കിൽ പിന്നെ എന്തിനാണ് അവർക്കു പ്രത്യേകം ഒരു കടവും മീനപ്പുരയും? പുറത്തു നിന്നും മറ്റാർക്കും കയറാൻ പറ്റാത്ത അവിടെന്തു കുസൃതി കാണിക്കാനാണ്?”

“ആ ഹ ഹ ഹ… ഹാ ഹാ ഹാ

പുള്ള ഈ പറഞ്ഞത് കേട്ടപ്പോ ഏതാണ്ട് 6 വയസ്സ്