ആദിയേട്ടന്റെ സ്വന്തം ശ്രീക്കുട്ടി 2

Aadiyettante Swantham Sreekutty Part 2 | Author : Sami

[ Previous Part ] [ www.kkstories.com]

വിടാടാ അവളെ….. അലറിക്കൊണ്ട് ഓടി വന്നുകൊണ്ട്  ആഞ്ഞു ഒരു ചവിട്ട് ആണ് കൊടുത്തത്

മീനുവിന്റെ കയ്യിൽ പിടിച്ചു വലിച്ചുകൊണ്ടു നില്ക്കുകയായിരുന്നു അവൻ…. ആഞ്ഞുള്ള എന്റെ ചവിട്ടിൽ മലർന്ന് അടിച്ചു വീണു പോയി അവൻ ….

കൂടെ ഉള്ളവൻ വീണത് കണ്ട് എന്നെ നേരിടാൻ എന്റെ അടുത്തേക്ക് വന്നവന്റെ കോളറിൽ പിടിച്ചു സൈഡിലേക്ക് തള്ളി അവനെയും നിലത്തേക്ക് വീഴ്ത്തി….

അപ്പോളേക്കും ആദ്യം നിലത്ത് വീണവൻ എഴുനേറ്റ് വന്നിരുന്നു…. അവർ രണ്ടാൾ ഉണ്ടെന്ന ധൈര്യത്തിലായിരിക്കണം വീണ്ടും എന്നെ നേരിടാൻ അവർ തീരുമാനിച്ചത്….

എന്നാൽ അത്യാവശ്യം ബോഡി ഫിറ്റ് ആയിരുന്ന എനിക്ക് മുൻപിൽ അവർക്ക് രണ്ടാൾക്കും പിടിച്ചു നില്ക്കാൻ സാധിച്ചില്ല… കൈകൊണ്ടും കാലുകൊണ്ടും രണ്ടും അത്യാവശ്യം വാങ്ങി കൂട്ടി രണ്ടും….

ഇനി എന്നെ നേരിടാൻ പറ്റില്ലെന്ന അവസ്ഥ ആയപ്പോൾ ആണ് ഞാൻ മീനുവിനെ ശ്രദ്ധിക്കാൻ വേണ്ടി അവളുടെ അടുത്തേക്ക് അടുത്തത്…..

എന്തെങ്കിലും പറ്റിയോ നിനക്ക്…… അവൾക്ക് നേരെ തിരിഞ്ഞു കൊണ്ട് ഞാൻ ചോദിച്ചു

ചേട്ടാ………….. മീനുവിന്റെ അലറിയുള്ള കരച്ചിൽ മുഴങ്ങിയതും എന്റെ ഇടുപ്പിന് മുകളിലായി അസഹ്യമായ വേദനയും തരിപ്പും അനുഭവപ്പെട്ടത്…..

ആ…. കരഞ്ഞുകൊണ്ട് ഞാൻ ഞെട്ടി ഉണർന്നു….

വീണ്ടും അതേ സ്വപ്നം….

സ്വപ്നമല്ല അന്ന് നടന്ന ആ സംഭവം അത് വീണ്ടും വീണ്ടും സ്വപ്നമായി എന്നെ വേട്ടയാടി കൊണ്ടിരിക്കുന്നു…

ഏതൊരു ചേട്ടനേയും അനിയത്തിയേയും പോലെ കീരിയും പാമ്പും ആയി കഴിഞ്ഞിരുന്ന ഞങ്ങളെ ഇങ്ങനെ ആക്കി തീർത്ത ആ സംഭവം…..

ആ സ്വപ്നം എന്നെ അന്ന് നടന്ന സംഭവങ്ങളിലേക്ക് കൂട്ടികൊണ്ടുപോയി….

കൃത്യമായി പറഞ്ഞാൽ ഒരു 8 മാസങ്ങൾക്ക് മുൻപ്,   3rd ഇയർ വെക്കേഷന് നാട്ടിൽ വന്ന മീനു കൂട്ടുകാരിയുടെ വീട്ടിൽ പോയി മടങ്ങി വരുവാൻ വൈകിയ ആ ദിവസം….. അവളെ കൂട്ടാൻ ബസ്‌സ്റ്റോപ്പിലേക്ക് എത്തിയ ഞാൻ കാണുന്നത് ആ കാഴ്ച ആയിരുന്നു….

മീനുവിന്റെ കയ്യിൽ പിടിച്ചു വലിക്കുന്ന ഒരു പയ്യനും അതിന്റെ അടുത്തായി മറ്റൊരുവനും…. പെങ്ങളെ ശല്യം ചെയ്യുന്നത് കണ്ടാൽ പ്രതികരിക്കുന്ന ഏതൊരു ചേട്ടനെയും പോലെ ഞാനും തിരിച്ചു പ്രതികരിച്ചതാണ് ഇങ്ങനെ ആയി തീർന്നത്…

എന്റെ ഇടുപ്പിന് മുകളിൽ ഒരു കത്തി കുത്തിയിറക്കി കൊണ്ട് അവർ രണ്ടും ഇരുട്ടിലേക്ക് ഓടി മറഞ്ഞു…. കായികമായി നേരിടാൻ കഴിയാത്തതിന്റെ വാശി അവൻ